Праваабарончы цэнтр «ВЯСНА»

Навіны за Люты 2010

02.02.2010 Салігорск: Мясцовыя інтэрпрэтацыі адкрытасці выбарчага працэсу

Моладзевы актывіст Іван Шыла напісаў скаргу на імя старшыні Салігорскага райвыканкама Аляксандра Рымашэўскага, у якой ён абскарджве адмову ў прадастаўленні інфармацыі пра дату і месца правядзення паседжання па фармаванні складу Салігорскай раённай камісіі.

02.02.2010 Светлагорскі раён: Чаму “гарантыі” Выбарчага кодэкса не працуюць у рэгіёне

Асноўная прычына, якую называюць дэмакратычныя актывісты – гэта тое, што мясцовыя арганізацыі апазіцыйных партый і дэмакратычных грамадскіх аб’яднанняў не пастаўлены на ўлік у раённым выканаўчым камітэце.

02.02.2010 Інтэрнэт бяруць пад кантроль

Ужываньне нацыянальнага сэгмэнту сеткі Інтэрнэт будзе рэглямэнтавана ад 1 ліпеня 2010 году. Гэта вынікае са спэцыяльнага прэзыдэнцкага ўказу, які Аляксандар Лукашэнка падпісаў 1 лютага.

01.02.2010 ВЫБАРЫ 2010 – пакуль усё па старым сцэнары

Атмасфера страху і няспраўджванне надзеяў на дэмакратычнае дзеянне змененых нормаў выбарчага заканадаўства – так ацэньваецца праваабаронцамі пачатак кампаніі па выбарах у мясцовыя Саветы 26-га склікання.

01.02.2010 Месцы працы сяброў Полацкай гарадской камісіі не паведамляюцца

Паказальна, што месцы працы сяброў камісіі не публікуюцца ў афіцыйнай прэсе, і ведаюць, што камісія складаецца больш за две трэція з прадстаўнікоў дырэктарату, толькі тыя палачане, што ўважліва адсочваюць мясцовыя навіны, хоць гэтая інфармацыя па заканадаўстве не з’яўляецца закрытай.

01.02.2010 У Баранавічах БРСМ мае больш кабінетаў, чым гарадскі Савет дэпутатаў

Баранавіцкая гарадская арганізацыя БРСМ мае аж 3 кабінеты (№ 217, 219, 221) у цэнтры горада ў будынку райвыканкама (вул. Савецкая, 79). У той жа час Баранавіцкі гарадскі Савет дэпутатаў займае толькі 2 кабінеты (вул. Савецкая, 79).

01.02.2010 Östgruppen накіравала пратэст у ЭЗ у сувязі з прысудам Міхайлаву

Швэдзкая праваабарончая арганізацыя Östgruppen накіравала ва ўрад Швэцыі і ЭЗ пратэст у сувязі з турэмным пакараньнем 21-гадовага верніка Івана Міхайлава за адмову служыць у войску.

01.02.2010 Сябру Гомельскай філіі БАЖ выклікаюць у абласную пракуратуру

Ларысе Шчыраковай належыць з’явіцца 2 лютага а 10-й гадзіне да пракурора аддзела Алесі Рабцавай. Апошняя праводзіць праверку ў дачынені да спн. Шчыраковай на падставе заявы пакуль невядомай асобы.

01.02.2010 Аршанскія актывісты лічаць фармаванне раённай камісіі незаконным

Да такой высновы прыйшлі актывісты палітычных партый і грамадскіх арганізацый Аршаншчыны пасля таго, як мясцовая "Аршанская газета" апублікавала склад раённай выбарчай камісіі.

01.02.2010 Суд па абскарджанні рашэння аб фармаванни Барысаўскай раённай камісіі прыме рашэнне 5 лютага

Падаўцы скаргі просяць абавязаць прэзідыум Барысаўскага раённага Савета дэпутатаў, Барысаўскі раённы выканаўчы камітэт прыняць новае рашэнне пра фармаванне раённай тэрытарыяльнай выбарчай камісіі з уключэннем у яе Марыны Статкевіч, як прадстаўніка грамадзян, якія валодаюць выбарчым правам і што пражываюць на адпаведнай тэрыторыі.

01.02.2010 Кіраваць Гарадзенскімі тэрытарыяльнымі камісіямі будуць “правераныя кадры”

Пры абранні кіраўніцтва нечаканасцяў не здарылася. Старшынём гарадской выбарчай камісіі абраны прадстаўнік арганізацыі “Белая Русь”. Старшынём абласной камісіі стаў старшыня Гарадзенскай абласной арганізацыі прафсаюзу работнікаў дзяржаўных і іншых устаноў.

01.02.2010 У Магілёўскай вобласці паменела дэпутацкіх месцаў

Гэта звязана з тым, што ў параўнанні з мінулымі выбарамі ў мясцовыя Саветы зменшылася колькасць сельскіх Саветаў і выбарчых акругоў.

01.02.2010 3 месяцы турмы верніку Міхайлаву за адмову служыць

З улікам таго, што ад 20-га сьнежня Міхайлаў знаходзіцца пад вартай, ён прабудзе за кратамі 1,5 месяцы.

01.02.2010 Суд над прадпрымальнікам Андрэем Бандарэнка працягнецца ў сераду

У Першамайскім судзе горада Мінску 1 лютага пачаўся перагляд крымінальнай справы прадпрымальніка Андрэя Бандарэнкі. Першы працэс над Андрэем Бандарэнкам у мінулым годзе вёў Леанід Ярмоленкаў, які прызнаў прадпрымальніка вінаватым у крадзяжы грошай і асудзіў на 7 гадоў турмы з канфіскацыяй маёмасці. Мінгарсуд адмяніў гэтае рашэнне 15 снежня і адправіў справу на перагляд у той жа суд.