Праваабарончы цэнтр «ВЯСНА»

Навіны за Люты 2010

10.02.2010 Вылучэнне кандыдатаў у дэпутаты мясцовых Саветаў пачнецца 14 лютага

Вылучэнне кандыдатаў у дэпутаты мясцовых Саветаў пачнецца 14 лютага. Аб гэтым 10 лютага паведаміла журналістам у Мінаблвыканкаме старшыня Цэнтральнай камісіі па выбарах і правядзенню рэспубліканскіх рэферэндумаў Лідзія Ярмошына. Яна прымае ўдзел у семінары-нарадзе са старшынямі і сакратарамі тэрытарыяльных і акруговых выбарчых камісій, начальнікамі аддзелаў арганізацыйна-кадравай і ідэалагічнай работы рай- і гарвыканкамаў Мінскай вобласці, перадае карэспандэнт БЕЛТА.

10.02.2010 Бел-чырвона-беламу сцягу адмоўлена

Грамадская арганізацыя БНФ "Адраджэнне" атрымала з Міністэрства культуры адмоўны адказ на свой зварот да Рэспубліканскай Рады па пытанні гісторыка-культурнай спадчыны з прапановай надаць бел-чырвона-беламу сцягу статус гісторыка-культурнай каштоўнасці.

10.02.2010 Суд над Алегам Сурганам

Суд па справе Алега Сургана працягнецца сёння ў 10 гадзін раніцы.

10.02.2010 Баранавіцкі гарвыканкам узмацняе ідэалагічны корпус

Баранавіцкая газета “Наш край” 9 лютага надрукавала артыкул “У идеологов – пополнение” аб прызначэннях новых ідэалагічных работнікаў на прамысловыя прадпрыемствы горада.

10.02.2010 “Рухам у патрэбным накірунку” ацэньваюцца вынікі фармавання акруговых камісій

Апазіцыйныя партыі Віцебшчыны аналізуюць сітуацыю, якая склалася пасля фармавання акруговых выбарчых камісій.

10.02.2010 Акруговыя камісіі: Звесткі з рэгіёнаў

“Праваабаронцы за свабодныя выбары” абагульняюць звесткі з рэгіёнаў па этапу фармавання акруговых камісій па выбарах у абласныя Саветы дэпутатаў.

09.02.2010 У склад акруговых выбарчых камісій уключаны 72 прадстаўнікі апазіцыйных палітычных партый

У склад акруговых выбарчых камісій уключаны 72 прадстаўнікі апазіцыйных палітычных партый. Пра гэта БелаПАН паведаміў сакратар Цэнтральнай камісіі па выбарах і правядзенні рэспубліканскіх рэферэндумаў Мікалай Лазавік.

09.02.2010 Дэпутат: Пажыццёвае зняволенне не больш гуманнае за смяротнае пакаранне

Дэпутаты лічаць, што спяшацца з адменай смяротнага пакарання не варта, і спасылаюцца на вынікі рэферэндуму 1996 года. Еўрапейскія чыноўнікі падкрэсліваюць, што лёс смяротнай кары не мусіць вырашацца на ўсенародным рэферэндуме, але гэта — пытанне палітычнай волі.

09.02.2010 Афіцыйны Саюз палякаў зьвяртаецца па дапамогу міжнароднай супольнасьці

Афіцыйны Саюз палякаў заклікае стварыць міжнародную незалежную камісію, якая б разглядзела сытуацыю польскай супольнасьці ў Беларусі, паведамляе БелаПАН са спасылкай на намесьніка старшыні гэтага грамадзкага аб'яднаньня Алену Богдан.

09.02.2010 Прэзыдэнт Польшчы выказаў падтрымку паплечнікам Анжалікі Борыс

Як паведамляе Радыё Свабода, на сайце прэзыдэнта Польшчы Леха Качыньскага зьявілася паведамленьне аб тым, што ён зноў выказвае поўную падтрымку Саюзу палякаў Беларусі, якім кіруе Анжаліка Борыс.

09.02.2010 За адмену смяротнага пакарання выступаюць 39% беларусаў

Адмену смяротнага пакарання падтрымліваюць 39% беларусаў, 48% выступаюць супраць. Такія вынікі нядаўняга сацыялагічнага апытання прывёў дырэктар соцыяметрычнай лабараторыі “НОВАК” Андрэй Вардамацкі.

09.02.2010 Беларускія назіральнікі выявілі парушэньні на украінскіх выбарах

Беларускія назіральнікі ад ENEMO (Еўрапейская сетка арганізацый па назіраньні за выбарамі) выявілі шэраг парушэньняў на прэзідэнцкіх выбарах ва Украіне, паведаміў каардынатар доўгатэрміновых назіральнікаў гэтай арганізацыі Алі Аліеў. Аб гэтым піша БелаПАН.

09.02.2010 Журналістам зноў не давалі працаваць на Кастрычніцкай плошчы

Увечары 8 лютага журналістам, якія асвятлялі акцыю пратэсту на Кастрычніцкай плошчы, зноў груба перашкаджалі выконваць прафесійныя абавязкі. Перашкоды чынілі ўжо апрабаваным раней спосабам невядомыя людзі ў цывільным, якія шчыльным колам захіналі дэманстрантаў ад журналістаў і закрывалі рукамі камеры аператараў.

09.02.2010 Правы чалавека ў 2009 годзе: тэндэнцыі і ўплывы

Неадназначна складвалася сітуацыя з правамі чалавека ў Беларусі ў 2009 годзе, і гэты перыяд можна ахарактэрызаваць як час няспраўджаных надзеяў. Найбольшы ўплыў на сітуацыю з правамі чалавека ў 2009 годзе аказваў знешнепалітычны фактар. Відавочна, што ўлады выбралі тактыку фармальнага зьмяншэньня колькасьці рэпрэсіўных дзеяньняў, бо гэтага патрабавала неабходнасьць падвышэньня міжнароднага іміджу, імкненьне палепшыць узровень палітычных ды эканамічных кантактаў з Еўрапейскім Саюзам і ЗША, падключэньне Беларусі да новых праграмаў з ЕС, у прыватнасьці, да “Усходняга партнёрства” і дыялогу па правах чалавека. Піша старшыня Праваабарончага цэнтру "Вясна" Алесь Бяляцкі.

09.02.2010 Затрыманьні пад час акцыі салідарнасьці ў Менску

8 лютага менскія спэцназаўцы разагналі акцыю салідарнасьці зь Мікалаем Аўтуховічам і Ўладзімерам Асіпенкам. Каля 30 актывістаў моладзевага дэмакратычнага руху на гадавіну зьняволеньня ваўкавыскіх прадпрымальнікаў сталі на Кастрычніцкай плошчы зь іх партрэтамі. Праз тры хвіліны ўсіх удзельнікаў затрымалі і адвезьлі ў міліцыю. Усе затрыманыя цяпер на волі.