Праваабарончы цэнтр «ВЯСНА»

Навіны за Люты 2010

15.02.2010 Тацяна Шапуцька атрымала траўму галавы

У 10-ым клінічным шпіталі Тацьцяне зрабілі здымак і паставілі дыягназ: закрытая лёгкая чэрапна-мазгавая траўма. Дзяўчыне прапанавалі шпіталізацыю на некалькі дзён, каб паназіраць ці ня будзе сур’ёзных наступстваў. Але дзяўчына ад шпіталізацыі адмовілася.

15.02.2010 Барысаў: Выбаршчыкі застаюцца ў няведанні

Выбаршчыкам Барысаўскага раёна пакуль невядомы змест рашэння райвыканкама з нагоды забароны месцаў для пікетавання з мэтай збору подпісаў у падтрымку кандыдатаў у дэпутаты мясцовых Саветаў.

15.02.2010 Бабруйск: Пра сваё неўключэнне ў камісіі актывісты даведаліся толькі з газеты

Пра тое, што яны не прайшлі у акруговую камісію, амаль усе бабруйчане даведаліся з абласной газеты. Па тэлефоне гэтую інфармацыю далі толькі аднаму чалавеку – іншым параілі набыць “Могилевские ведомости”.

15.02.2010 Затрыманыя паплечнікі Анжалікі Борыс (дапаўняецца)

У Горадні затрыманы прэсавы сакратар незарэгістраванага Саюзу палякаў Ігар Банцар, а па дарозе на Менск — Мечыслаў Яскевіч і Андрэй Пачобут.

15.02.2010 Дом польскі ў Івянцы апячатаны, Ігар Банцар абвясціў галадоўку

Суд адправіў справу па Доме польскім ў Івянцы на перагляд. Затрыманых напярэдадні актывістаў не прызнанага ўладамі Саюза палякаў на Беларусі караюць «суткамі» і штрафамі за ўдзел у несанкцыянаванай акцыі. Прэс-сакратар СПБ Ігар Банцар абвясціў галадоўку.

15.02.2010 Дзейнасць БАЖу можа быць прыпынена

БАЖ паспрабуе даказаць праз суд, што не магла парушыць патрабаванняў артыкулаў 1 і 34 закона «Аб СМІ», якія вызначаюць, хто такі журналіст і ў чым яго абавязкі. На думку БАЖ, яны «не ўтрымліваюць абавязковых прадпісанняў», якія маглі б «прыцягнуць юрыдычныя наступствы ў выпадку іх невыканання».

15.02.2010 Спэцназаўцы разагналі акцыю ў Дзень сьвятога Валянціна (спіс затрыманых)

Каля трыццаці сяброў моладзевага дэмакратычнага руху трапілі ў міліцыю ў выніку жорсткага разгону акцыі ў дзень сьвятога Валянціна. Спэцназаўцы закідвалі людзей у аўтобусы за рукі і за ногі. Празь дзьве гадзіны пасьля затрыманьня людзей пачалі адпускаць без складаньня пратаколаў.

14.02.2010 Мазыр: У першы дзень рэгістрацыі ініцыятыўных груп камісіі не працавалі

З іншага боку, як вылучацца? Да гэтага часу ў мясцовай прэсе не надрукаваны назвы, нумары, межы і іншая неабходная інфармацыя, датычная выбарчых акругаў.

14.02.2010 Магілёў: У вызначэнні межаў выбарчых акругаў шмат недакладнасцяў

Бяда ў тым, што з-за такіх недакладнасцяў кандыдаты, якія жадаюць балатавацца ў дэпутаты губляюць мінімум дзень-два, бо ўжо пачалася рэгістрацыя ініцыятыўных груп прэтэндэнтаў у кандыдаты.

14.02.2010 Толькі ў адным раёне Віцебскай вобласці акругі “нарэзаныя” без парушэння закона

У выбарчых акругах павінна быць прыкладная колькасць выбаршчыкаў. Адхіленне ад сярэдняга значэння не павінна перавышаць 10 адсоткаў. На Віцебшчыне дадзеная норма закону масава парушаная.

14.02.2010 Наваполацк: Першы дэмакратычны прэтэндэнт у кандыдаты зарэгістраваў ініцыятыўную групу

У Наваполацку зарэгістравана ініцыятыўная група па выбарах у гарадскі Савет сябра Партыі БНФ Уладзіміра Кунцэвіча.

14.02.2010 Выбарчы марафон: лічбы і тэндэнцыі тыдня мінулага

Тыдзень пачаўся з падвядзення вынікаў фармавання акруговых камісій і правядзення першых нарадаў гэтых камісій. На працягу тыдня абагульнялася інфармацыя пра судовыя адмовы ў задавальненні скаргаў на неўключэнне ў тэрытарыяльныя выбаркамы, а тым часам мясцовыя органы ўлады вызначаліся з месцамі, дзе прэтэндэнтам у кандыдаты будзе забаронена праводзіць пікеты з мэтай збору подпісаў.

13.02.2010 Магілёў: Праваабаронца абвяргае словы Ярмошынай

Падчас свайго выступу Лідзія Ярмошына адзначыла, што што ў Магілёўскай вобласці не паступіла ніводнай скаргі адносна парадку стварэння выбарчых камісій. Разам з тым, па словах праваабаронцы Барыса Бухеля, у Магілёўскай вобласці вядомы як мінімум адзін факт падачы скаргі ў суд прадстаўнікамі руху БНФ “Адраджэнне”.

13.02.2010 Вікенцій Ральцэвіч: “Вітражы можна было выратаваць”

Вядомы віцебскі мастак Вікенцій Ральцэвіч пракаментаваў “Народным навінам Віцебска” інцыдэнт з разбітымі вітражамі на чыгуначным вакзале, дзе зараз ідзе рэканструкцыя. На яго думку, унікальны мастацкі комплекс – 8 вітражоў з выявамі “Пагоні” і гербаў абласных гарадоў Беларусі – можна было выратаваць.

13.02.2010 Арцём Дубскі адмовіўся пісаць прашэньне пра умоўна-датэрміновае вызваленьне

Маладафронтаўца Арцёма Дубскага, які адбывае пакараньне ў магілёўскай калёніі, наведала адвакат Тамара Сідарэнка. Візыт адваката ў калёнію адбыўся на просьбу Арцёма, які раней паведаміў пра ціск на яго з боку адміністрацыі калёніі пасьля ягоных спробаў дамагчыся вырашэньня пэўных бытавых праблемаў.