Праваабарончы цэнтр «ВЯСНА»

Навіны за Кастрычнік 2009

06.10.2009 Колькасць незалежных выданняў у падпісным каталогу «Белпошты» не павялічыцца

Міністэрства сувязі і інфарматызацыі Беларусі не плануе павялічваць колькасць незалежных выданняў у падпісным каталогу РУП «Белпошта» на 2010 год — як паведаміла некалькі гадзін таму ў Менску ў часе прэс-канферэнцыі намесніца кіраўніка галіновага міністэрства Ніна Гаўрылава, дзяржаве гэта не выгадна.

06.10.2009 Мінінфармацыі вынесла папярэджанне «Аўтарадыё» за сумесны праект з «Еўрарадыё»

1 і 2 кастрычніка на хвалях беларускай FM-радыёстанцыі «Аўтарадыё» (105.1) не выйшла ў эфір праграма «ЕўраZOOM», якую рыхтуе «Еўрапейскае радыё для Беларусі». 30 верасня кіраўніцтва радыёстанцыі атрымала пісьмовае папярэджанне ад Мінінфармацыі за «невыкананне творчай канцэпцыі вяшчання». Пра якія менавіта парушэнні ідзе гаворка, кіраўніцтва радыёстанцыі пакуль не ведае.

06.10.2009 Справа Аўтуховіча: падазраваных усё меней

Спынены крымінальны пераслед чатырох чалавек, якія разам з ваўкавыскімі прадпрымальнікамі Мікалаем Аўтуховічам, Уладзімірам Асіпенкам і Юрыем Лявонавым праходзілі па справе пра падрыхтоўку тэрактаў у якасці падазраваных. Па крымінальнай справе, узбуджанай па артыкулу 339 КК — падрыхтоўка тэракту, у якасці падазраваных праходзілі Макуць, Навумовіч, Парэмская, Уланаў.

06.10.2009 КДБ працягвае цкаванне старшыні Маладога Фронту Зьмітра Дашкевіча

Наступным крокам па цкаваньні старшыні "Маладога Фронту" Зьмітра Дакшевіча пасьля трансьляцыі па беларускім тэлебачаньні скандальнага фільма "Малады Фронт. Кіднэпінг" стаў распаўсюд партрэтаў моладзевага лідэра.

05.10.2009 Газэту "Салігорск Плюс" ня хочуць рэгістраваць

Міністэрства інфармацыі не зарэгістравала рэгіянальную газэту "Салігорск Плюс". Выдавецкаму прадпрымству "Мая правінцыя" былі вернуты ўсе дакумэнты, пададзеныя для рэгістрацыі выданьня.

05.10.2009 Пракуратура не знайшла парушэнняў закона ў збіцці апазіцыі

Пракуратура Маскоўскага раёна адказала на скаргу актывістаў грамадзянскай кампаніі «Еўрапейская Беларусь» на незаконныя дзеянні супрацоўнікаў міліцыі 16 ліпеня 2009 года.

03.10.2009 Кароткае апісаньне падзеяў, якія адбыліся ў Менску 9 і 16 верасня 2009 г.

9 верасня 2009 г. некалькі дзесяткаў чалавек выйшлі на Кастрычніцкую плошчу г. Мінска з мэтай выказвавання пратэсту з нагоды прыбыцця ў Беларусь вайсковага кантынгенту Расійскай Федэрацыі для ўдзелу ў сумесных беларуска-расейскіх вайсковых вучэннях. Пратэстуючыя трымалі расцяжку “Russian army go home!”. Акцыя насіла мірны характар, пратэстуючыя не перашкаджалі руху грамадскага транспарту і пешаходаў, знаходзіліся ў цэнтры плошчы і ніякім чынам не заміналі працы гандлёвых установаў і нармальнай жыццядзейнасьці гараджанаў.

02.10.2009 А ў Вялейцы -- штрафы

2 кастрычніка ў Вялейцы завяршыліся адміністрацыйныя суды над Алесем Наркевічам, Уладзімірам Малярчуком, Аляксеем Сюдаком. Іх асудзілі па абвінавачваньні ў правядзенні несанкцыянаванага мітынгу 1 верасня ля вёскі Красны Беражок, дзе былі ўсталяваныя памятныя крыжы. Праз некалькі дзён крыжы былі знесеныя раённымі ўладамі, а супраць удзельнікаў жалобнай акцыі заведзена адміністрацыйная справа.

02.10.2009 Мінюст абяцае праўкі ў артыкуле 193.1

Дэлегацыя Асамблеі НДА на канфэрэнцыі АБСЭ ў Варшаве агучыла сваю пазыцыю адносна праблемы наяўнасьці ў Беларусі крымінальнай адказнасьці за дзейнасьць незарэгістраванай арганізацыі.

02.10.2009 Вярхоўны суд Беларусі пакінуў Юзэпчуку сьмяротны прысуд

Сёньня ў Вярхоўным судзе Беларусі адбыўся разгляд касацыйнай скаргі па справе Васіля Юзэпчука, які 29 чэрвеня Брэсцкім абласным судом быў прыгавораны да сьмяротнай кары. Скагга пакінута без задавальненьня. Падрабязнасьці працэсу стануць вядомыя пазьней.

01.10.2009 Аштрафаваны пастар царквы “Новае жыцьцё” Вячаслаў Ганчарэнка

Суд Маскоўскага раёну аштрафаваў пастара царквы “Новае жыцьцё” Вячаслава Ганчарэнку на 12 базавых (420 тысяч рублёў). Пастара абвінавацілі ў тым, што ён чыніў перашкоды супрацоўнікам Міністэрства надзвычайных сытуацыяў, каб тыя агледзелі будынак.

01.10.2009 З актывіста КХП-БНФ знялі падазрэнне ў тэрарызме

Абвінавачванне ва ўдзеле ў злачыннай групоўцы, якая рыхтавала тэрарыстычны акт знялі з актывіста Кансерватыўна-хрысціянскай партыі-БНФ Канстанціна Ўланава. Нагадаем, ён быў затрыманы ў ліпені і 10 дзён правёў у турме на Акрэсціна.

01.10.2009 Міліцыя замаўляе збіццё актывістаў

30 верасня ўвечары ў цэнтры Віцебска на сябра “Беларускай Хрысціянскай Дэмакратыі” Алеся Галаваня напалі 5 чалавек, аднаго з іх удалася затрымаць сябру КХП-БНФ Сяргею Каваленю. Затрыманы паведаміў, што збіццё Галаваня было замоўлено супрацоўнікамі віцебскай міліцыі ў якасці помсты за скаргу, якую Алесь Галавань напісаў на імя начальніка Чыгуначнага РАУС Віцебска наконт дзеянняў яго падначаленых.