Праваабарончы цэнтр «ВЯСНА»

Навіны за Чэрвень 2009

03.06.2009 Зарэгістраваць грамадскае аб’яднанне ці партыю стане прасцей?

Працэдура рэгістрацыі палітычнай партыі альбо грамадскага аб’яднання можа стаць прасцейшай. У Палату прадстаўнікоў Нацыянальнага сходу трапілі папраўкі закону Беларусі па пытаннях ажыццяўлення адміністрацыйных працэдураў.

03.06.2009 Мікалая Аўтуховіча яшчэ на месяц пакінулі на Валадарцы

Расьсьледаваньне справы Мікалая Аўтуховіча, Юрыя Лявонава і Ўладзімера Асіпенкі працягнутае да 3 ліпеня. Пра гэта паведаміў адвакат Павал Сапелка, які бачыўся з Мікалаем Аўтуховічам ў менскім сьледчым ізалятары на Валадарскага.

02.06.2009 Лісты з ЛТП: лячэньне хворых на алкаголь праз “трудатэрапію”

У траўні 2009 года Ураду Беларусі даручана ўнесьці прапановы аб пашырэньні ў рэспубліцы сеткі лячэбна-працоўных прафілакторыяў (ЛТП). І гэта пры тым, што на сёньня ў Беларусі ўжо дзейнічае пяць ЛТП, а колькасць ізаляваных асобаў у ЛТП у 2008 г. скалала каля 4000 чалавек. Што ж насамрэч уяўляюць сабой гэтыя лячэбна-прафілактычныя ўстановы? Лепей за ўсё звярнуцца да лістоў тых, хто на сваёй скуры адчуў “клопаты” дзяржавы аб сваім здароўі.

02.06.2009 Кіраўніку “Жалезнага ваўка” Андрэю Мікалаеву адмовілі ў памяшканьні

Аднаго з кіраўнікоў Наваполацкага клуба гістарычнай рэканструкцыі “Жалезны воўк”, які дзейнічаў пры мясцовым Цэнтры пазашкольнай адукацыі Андрэя Мікалаева запрасілі ў аддзел адукацыі, дзе ў катэгарычнай форме патрабавалі ў тэрміновым парадку вызваліць памяшканьне, дзе ён працаваў з праблемнымі падлеткамі, патлумачыўшы пры гэтым, што кантракт з ім наўрад ці будзе працягнуты. Прычыны такога рашэньня краязнаўцу і гісторыку не патлумачылі.

02.06.2009 “Саюз Чарнобыль-Беларусь” у чарговы раз спрабуе зарэгістравацца ў краіне

Грамадскае аб’яднанне “Саюз Чарнобыль-Беларусь”, якое зарэгістравана ва Ўкраіне, рыхтуе паўторны ўстаноўчы сход у Беларусі. Плануецца, што ён пройдзе ў канцы жніўня — пачатку верасня.

02.06.2009 Праваабаронца Алег Воўчак абскардзіў рашэнне па пазове да «Советской Белоруссии»

Праваабаронца Алег Воўчак падаў касацыйную скаргу на рашэнне, вынесенае 15 траўня па пазове аб абароне гонару, годнасці і дзелавой рэпутацыі і пакрыцці маральнай шкоды да газеты «Советская Белоруссия». Скарга пададзеная 1 чэрвеня. Праваабаронца называе рашэнне суда незаконным, паведамляе «Беларускі партызан».

02.06.2009 Івана Шылу не адпускаюць на суд

Камандзір вайсковай брыгады Ігар Пільневіч паведаміў бацьку Івана Шылы, што не адпусьціць хлопца на суд у Салігорск, 4 чэрвеня.

01.06.2009 Cуд над Максімам Дашуком адкладзены

Разгляд крымінальнай справы моладзевага актывіста Максіма Дашука ў судзе Маскоўскага раёну Менску, прызначаны на 1 чэрвеня, перанесены на нявызначаны тэрмін. У 14 гадзінаў каля будынку суду сабраліся тыя, хто прыйшоў падтрымаць моладзевага актывіста, а таксама журналісты. Аднак, як патлумачылі ў канцэлярыі суду, паседжанне пераносіцца з прычыны хваробы аднаго з народных засядацеляў. Дата судовага разгляду пакуль не прызначаная.

01.06.2009 Сёння - Міжнародны дзень абароны дзяцей

1 чэрвеня — Міжнародны дзень абароны дзяцей. Ён заснаваны ў лістападзе 1949 года рашэннем сесіі Міжнароднай дэмакратычнай федэрацыі жанчын. Першы Міжнародны дзень абароны дзяцей быў праведзены ў 1950 годзе.

01.06.2009 У Менску за расцяжку супраць абортаў затрыманыя актывісты БХД

Актывісты маладзёвай фракцыі “Беларускай Хрысьціянскай Дэмакратыі” Любоў Каменева, Ірына Губская і Зміцер Тамковіч былі затрыманыя супрацоўнікамі службы бяспекі прэзідэнта, а потым перададзеныя нараду міліцыі. Маладыя хрысьціянскія дэмакраты хацелі нагадаць мінчанам пра тое, што сёння адзначаецца Міжнародны дзень абароны дзяцей, і прыцягнуць увагу да праблемы абортаў у Беларусі.

01.06.2009 Курапацкія вандалы трапілі пад амністыю

Аб гэтым БелаПАН паведаміў следчы Менскага РУУС маёр міліцыі Сяргей Булко.

01.06.2009 Улады не дазволілі правядзенне акцыяў у абарону жыцця

Паводле адказу Мінскага гарвыканкама, які атрымаў сустаршыня БХД Аляксей Шэін, 2 чэрвеня ў Парку Дружбы народаў, дзе планавалася правесці пікет супраць абортаў у Беларусі, будзе праводзіцца добраўпарадкаванне тэрыторыі. Сакратару БХД Дзянісу Садоўскаму паведамілі, што акцыі ля радзільных дамоў будуць перашкаджаць грамадскаму парадку.

01.06.2009 Віцебскі распаўсюднік незалежнай прэсы «псуе краявід»?

Барыса Хамайду выклікаюць на паседжанне адміністратыўнай камісіі Чыгуначнага раёна. Яго вінавацяць у «парушэнні парадку ўтрымання населеных пунктаў».

01.06.2009 Журналістку папярэдзілі

Карэспандэнтка Радыё «Рацыя» Тамара Шчапёткіна атрымала адміністратыўнае пакаранне ў выглядзе вуснага папярэджання за «парушэнне грамадскага парадку падчас правядзення масавага мерапрыемства». (ч.1 арт. 23.34 КаАП).

01.06.2009 Швэды заступіліся за “Вясну”

Швэдзкая ініцыятыва Östgruppen, якая выступае за разьвіцьцё дэмакратыі і правоў чалавека ва Ўсходняй Эўропе і Цэнтральнай Азіі, асудзіла адмову беларускіх уладаў зарэгістраваць праваабарончы цэнтар “Вясна”. Як вынікае з заявы Östgruppen для прэсы, швэдзкія праваабаронцы патрабуюць ад палітычнага кіраўніцтва сваёй краіны і ЭЗ рэагаваць на гэтую адмову больш энэргічна.