Праваабарончы цэнтр «ВЯСНА»

Навіны за Травень 2009

06.05.2009 Па справе рэгістрацыі БХД Мін’юст разглядае ананімку

Адзін з сустаршыняў Беларускай хрысціянскай дэмакратыі Павел Севярынец, а таксама адказны сакратар партыі Дзяніс Садоўскі сёння мелі сустрэчу з міністрам юстыцыі Віктарам Галаванавым. Размова ішла пра рэгістрацыю БХД.

06.05.2009 Валянцін Стэфановіч: Навошта прымяняць вадамёты, калі яны любяць збіваць нагамі?

Паводле А.Лукашэнкі, заканадаўства ў Беларусі лепшае, чым у краінах Эўразьвязу. У інтэрв’ю агенцтву Рэйтэр ён заявіў, што «дыктатар Лукашэнка ніводнага разу не прымяніў сьлезацечны газ і вадамёты».

06.05.2009 У грамадзянскай супольнасьці ў Празе свой форум

5-6 траўня ў Празе, напярэдадні саміту “Усходняга партнэрства”, адбываецца вялікая міжнародная канфэрэнцыя. Яна атрымала назву – “Усходняе партнэрства: насустрач грамадзянскаму форуму”. Да ўдзелу ў канфэрэнцыі запрошаныя прадстаўнікі недзяржаўных арганізацыяў з усіх шасьці краінаў, якіх запрасілі ў новую ініцыятыву Эўразьвязу.

06.05.2009 Лукашэнка падпісаў закон аб амністыі

Амністыя не будзе мець шырокі характар. Традыцыйна вызваляюцца ад крымінальнай адказнасці льготныя катэгорыі асоб, якія ўчынілі злачынствы, што не ўяўляюць вялікай грамадскай небяспекі, і менш цяжкія злачынствы (у тым ліку непаўналетнія, цяжарныя жанчыны, жанчыны і адзінокія мужчыны, якія маюць непаўналетніх дзяцей, пенсіянеры, інваліды, хворыя на актыўную форму туберкулёзу, ВІЧ-інфіцыраваныя, ветэраны баявых дзеянняў, удзельнікі ліквідацыі наступстваў катастрофы на Чарнобыльскай АЭС, асобы, якія атрымалі раненні пры выкананні абавязкаў у перыяд праходжання службы).

05.05.2009 Абвяшчаецца конкурс на ўдзел у летніх Школах па правах чалавека для моладзі

Беларуская праваабарончая школа, арганізаваная міжнароднай супольнасцю праваабарончых арганізацый, абвяшчае конкурс на ўдзел у Летніх школах па правах чалавека на 2009 год

05.05.2009 ЛТП: лячэньне ці гвалт над асобай?

Праблема абмежаваньня права на свабоду і асабістую недатыкальнасць, а таксама выкарыстанне прымусовай працы патрапіла ў фокус асаблівай увагі беларускіх праваабаронцаў. У першую чаргу гэта звязана з функцыянаваньнем у Беларусі лячэбна-працоўных прафілакторыяў (ЛТП), гэткіх рудыментаў камуністычнай эпохі, у якія накіроўваюцца асобы, хворыя на алкагалізм.

05.05.2009 Малады Фронт – за школу для ўсіх

Малады Фронт ізноў пікетаваў Міністэрства абароны. Моладзевыя актывісты дамагаюцца для свайго салігорскага паплечніка дазволу здаць апошні школьны экзамен падчас вайсковай службы.

05.05.2009 Здымаць першамайскую дэманстрацыю – толькі з дазволу гарвыканкама?

Фотакарэспандэнтцы газеты «Intex-press» Людміле Пракопавай не дазволілі весці здымкі першамайскай дэманстрацыі з балкона гатэлю «Гарызонт», запатрабаваўшы дазволу на гэта Баранавіцкага гарвыканкама.

05.05.2009 Берасцейская міліцыя не ведае, што рабіць з затрыманымі актывістамі РГА "Перспектыва"

Старшыня арганізацыі Анатоль Шумчанка, яго намеснікі Віктар Чайкоўскі і Вольга Круміна былі затрыманы 5 мая прыкладна ў 10.40 супрацоўнікамі міліцыі на бульвары Касманаўтаў, калі выходзілі з машыны.

05.05.2009 Журналістаў уганаравалі за «Вольнае слова»

4 траўня ў сядзібе Беларускай асацыяцыі журналістаў прайшло ўручэньне прэміяў «Вольнае слова», а таксама ўганараваньне дыплёмамі і памятнымі падарункамі ляўрэатаў кампаніі «Журналісты - за гістарычную спадчыну».

05.05.2009 Перад акцыяй салідарнасьці адбыліся затрыманьні

На Кастрычніцкай плошчы Менску 4 траўня адбылася акцыя салідранасьці зь Мікалаем Аўтуховічам. Перад яе пачаткам супрацоўнікі міліцыі Цэнтральнага раёну затрымалі лідэра руху Маладая Беларусь Артура Фінькевіча. Яго спынілі за 10 хвілін да акцыі й паведамілі, што даставяць у пастарунак для праверкі пашпартных зьвестак.

04.05.2009 Агляд-хроніка парушэньня правоў чалавека ў Беларусі, красавік 2009 году

У красавіку традыцыйны “Чарнобыльскі шлях” сабраў вельмі няшмат народу. “Прайшоўшую акцыю можна назваць акцыяй спаду”, – заявіў старшыня Партыі БНФ Лявон Баршчэўскі журналістам. Між тым нельга сказаць, што перасьлед дэмакратычных актывістаў спынены. Па меркаваньні праваабаронцаў, адбыліся кропкавыя зьмены. Менгарвыканкам не дазволіў правядзеньне “Чарнобыльскага шляху” па запланаваным заяўнікамі маршруце. У рэгіёнах адбыліся затрыманьні прадстаўнікоў дэмакратычнага руху.

04.05.2009 Страйковец Расюк супраць “Магілёўлаўсанбуду”

Кастрычніцкі суд Магілёва прыняў да разгляду скаргу працаўніка акцыянэрнага таварыства “Магілёўлаўсанбуд”, актывіста Свабоднага прафсаюзу Беларускага Мікалая Расюка супраць адміністрацыі ягонага прадпрыемства.

04.05.2009 Правы чалавека: чым адметны 2008 год?

Праваабаронцы з закрытай уладамі праваабарончай арганізацыі “Вясна” прэзэнтавалі чарговы гадавы агляд сытуацыі з правамі чалавека ў Беларусі.

04.05.2009 Па факце знішчэння невядомымі шасці памятных крыжоў у Курапатах распачата крымінальная справа

Па факце знішчэння шасці памятных крыжоў у Курапатах распачата справа па ч. 1 арт. 339 Крымінальнага кодэкса (хуліганства), паведаміў БелаПАН супрацоўнік Бараўлянскага аддзела Мінскага РУУС, які пажадаў не называць сябе.