Праваабарончы цэнтр «ВЯСНА»

Навіны за Верасень 2008

08.09.2008 Смаргонь: Мікалай Уласевіч спадзяецца на Вярхоўны суд

Мікалай Уласевіч 8 верасня падаў у Вярхоўны суд скаргу, у якой абскарджвае адмову ў рэгістрацыі кандыдатам у дэпутаты ПП НС. Калі і Вярхоўны суд не падтрымае доказы Мікалая Уласевіча, выбары ў Смаргонскай выбарчай акрузе №59 можна будзе лічыць адбыўшыміся, бо ўжо зараз будзе вядомы пераможца - кандыдат Таццяна Голубева, для якой гэта будзе ўжо трэці дэпутацкі тэрмін.

08.09.2008 Баранавічы: Пададзеныя дзве заяўкі на правядзенне пікетаў

Адразу дзве заяўкі на правядзенне пікетаў у сувязі з несправядлівым правядзеннем перадвыбарчае кампаніі накіравалі ў Баранавіцкі гарвыканкам жыхары гэтага горада.

08.09.2008 Сьвята было адно, а саюзаў палякаў – два

20-годзьдзе польскага руху адзначылі паасобку арганізацыі, якія не кантактуюць паміж сабой.

08.09.2008 Беларусь падвойная

У нас, беларусаў, як ні дзіўна, часта ўсяго па два: дзьве назвы саміх беларусаў, нашай сталіцы і некаторых іншых гарадоў, два прэзыдэнты, гербы, два сьцягі, дзьвюхмоўе зноў жа, дзьве дзяржаўныя карацей, два правапісы, дзьве назвы краіны, і кожная зь іх паасобку падвойная, нават у афіцыйным гімне два тэксты, у Скарыны два імені, дзьве асноўныя канфэсіі, два БНФы, кампартыі, два прафсаюзы — свабодны і несвабодны, ці залежны і незалежны, як каму падабаецца, нават два саюзы палякаў. Два саюзы пісьменьнікаў нарэшце!

08.09.2008 Ад незалежнага кандыдата Сяргея Кузьмянка патрабуць тлумачэнняў

Незалежны кандыдат у дэпутаты беларускага парламента па Гродзенскай-Занёманскай выбарчай акрузе №49 Сяргей Кузьмянок будзе вымушаны даваць тлумачэнні выбарчай камісіі наконт дзеянняў, якія датычаць яго агітацыйнай кампаніі.

08.09.2008 Светлагорск: актывісты дэмакратычных сіл абмеркавалі ход выбарчай кампаніі

У Светлагорску прайшла сустрэча мясцовых прадстаўнікоў дэмакратычных сіл, на якой абмеркаваны ход кампаніі па выбарах у Палату прадстаўнікоў. На сустрэчу былі запрошаны актывісты, якія падчас выбараў займаюцца рознымі накірункамі дзейнасці. Удзельнікі сустрэчы адзначылі, што афіцыйныя сродкі масавай інфармацыі прапагандуюць толькі кандыдата ад улады.

08.09.2008 Незадаволеных кандыдатаў ЦВК накіроўвае ў суд

Еўрарадыё вырашыла даведацца, ці ёсць яшчэ шанцы ў прадстаўнікоў апазіцыі, у спісах на вылучэнне якіх кандыдатамі ў дэпутаты Палаты прадстаўнікоў Цэнтравыбаркам знайшоў “несапраўдныя” подпісы, вярнуцца на дыстанцыю перадвыбарнага марафона.

08.09.2008 Драгічынскія чыноўнікі прасоўваюць праўладнага кандыдата

Падзеі, якія адбываюцца ў Днепра-Бугскай выбарчай акрузе №10, сведчаць пра вялікія намаганні ўлады правесці на трэці тэрмін дэпутата Палаты прадстаўнікоў з 8-гадовым стажам, кандыдата ад улады Уладзіміра Здановіча.

08.09.2008 ЕС рыхтуе з Беларуссю дыялог на вышэйшым узроўні

Вядучыя дыпламаты Еўрасаюза кажуць пра неабходнасць "заахвоціць" паводзіны афіцыйнага Мінску. У Брусэль будзе запрошаны міністр замежных спраў Беларусі, зноў уздымаецца пытанне пра зніжэнне кошту візаў для грамадзян нашай краіны.

08.09.2008 Менск: Кандыдатаў “зрэзалі” з-за бязладнай “нарэзкі” акругаў

Парушэнні выбарчага заканадаўства вылучанымі ў кандыдаты асобамі падчас збору подпісаў па Менску - вынік адмысловай нарэзкі выбарчых акругаў, якой займалася Цэнтральная камісія. Да такой высновы прыйшла Галіна Сямдзянава, якая ў якасці сябра Цэнтральнай камісіі з правам дарадчага голасу прысутнічала 3-4 верасня пры разглядзе скаргаў незарэгістраваных кандыдатамі прэтэндэнтаў.

08.09.2008 Віцебск: За заклік не галасаваць датэрмінова кандыдату адключылі гук

Якія ж словы былога капітана міліцыі Левінава не прайшлі ў эфір? Адказ просты: гук знік у той момант, калі кандыдат звярнуўся да выбаршчыкаў з просьбай не ўдзельнічаць у датэрміновым галасаванні.

08.09.2008 Кандыдат падае скаргу на Радыё «Сталіца»

¬Кандыдат у дэпутаты, адзін з лідэраў прадпрымальніцкага руху Віктар Гарбачоў сёння плануе падаць скаргу ў Цэнтрвыбаркам на радыёстанцыю «Сталіца».

08.09.2008 Маладафронтаўца асудзілі на 15 сутак

Моладзевага актывіста ў мінулую суботу Вадзіма Ханяўку суд Савецкага раёну Менску пакараў 15 суткамі зьняволеньня. Пра гэта паплечнікам маладафронтаўца паведамілі ў міліцыі ў ноч з 5-га на 6-га верасьня, сказаўшы, што Вадзіма Ханяўку ўжо адвезьлі ў спэцпрыёмнік-разьмеркавальнік на вуліцы Акрэсьціна.

08.09.2008 На Гомельшчыне выдадзены інфармацыйны бюлетэнь “Выбары”

Незалежны інфармацыйны бюлетэнь “Выбары” выдадзены ў Гомельскай вобласці. Асноўныя матэрыялы выпуску – аб тым, як праходзіла рэгістрацыя кандыдатаў у дэпутаты.

07.09.2008 Журналісты імкнуцца выйсці на палітычную арэну

Журналістыку нярэдка называюць чацвёртай уладай, маючы на ўвазе, што ад працы журналістаў і сродкаў масавай інфармацыі шмат што залежыць як ў жыцці краіны, так і ў дзяржаўных установах, а таксама іншых галінах улады. Чаму ўсё ж журналісты вырашылі змяніць сваю працу ва ўладзе чацвёртай на працу ва ўладзе заканадаўчай?