Праваабарончы цэнтр «ВЯСНА»

Навіны за Верасень 2008

10.09.2008 У Брэсце затрымалі Яўгена Сашко

Сёння 10 верасня ў Брэсце на вуліцы Янкі Купалы, пад час разносу лістоў падзякі ад Дзмітрыя Шыманскага, быў затрыманы сябра ініцыятыўнай групы кандыдата Яўген Сашко.

10.09.2008 Рэчыца: Сябра акруговай камісіі пагражае Пуціцкаму судом

На паседжанні Рэчыцкай акруговай выбарчай камісіі была разгледжана заява Валерыя Пуціцкага, у якой ён паведаміў аб зняцці сваёй кандыдатуры з выбараў у Палату прадстаўнікоў. Член акруговай выбарчай камісіі Аляксандр Краўцоў заявіў на паседжанні, што паставіць пытанне аб накіраванні зыска ў суд.

10.09.2008 Менск: Раённыя адміністрацыі далі ўстаноўку “выкрэсліваць выбаршчыкаў па максімуму”

«Выкрэсліваць усіх па максімуму» - такую устаноўку «зверху» атрымаліваюць сябры ўчастковых камісіяў падчас праверкі спісаў выбаршчыкаў. Мясцовыя адміністрацыі Менску такім чынам разлічваюць забяспечыць па сваіх акругах удзел у галасаванні неабходнай колькасці выбаршчыкаў.

10.09.2008 Ляўковіча просяць “не зневажаць і не паклёпнічаць”

Рэдакцыя рэгіянальнай газеты “Вечерний Брест” звярнулася да кандыдата ў дэпутаты па Брэсцкай-Заходняй выбарчай акрузе №1 Анатоля Ляўковіча з прапановай змяніць частку тэксту перадвыбарчай праграмы.

10.09.2008 Брэст: Кандыдат скардзіцца на пашкоджанне агітацыйных матэрыялаў

Кандыдат у дэпутаты па Брэсцкай-Усходняй выбарчай акрузе № 3, старшыня абласной арганізацыі БСДП (Грамада) Ігар Маслоўскі накіраваў у міліцыю заяву з нагоды пашкоджання ягоных агітацыйных матэрыялаў.

10.09.2008 Бабруйск: Кандыдаты ў дэпутаты незадаволеныя колькасцю месцаў для агітацыі

У параўнанні з мінулай выбарчай кампаніяй у гэтую ў Бабруйску адміністрацыямі раёнаў адведзена вельмі мала месцаў для агітацыі. Для сустрэч кандыдатаў у дэпутаты з выбаршчыкамі вызначылі памяшканні актавых залаў па завулку Пяшчанаму і вуліцы Чангарскай, а таксама памяшканне ў Цэнтры гігіены і эпідэміялогіі (па аднаму памяшканню на акругу), - не самыя зручныя пункты для таго, каб да іх дабрацца. Для размяшчэння інфармацыйных друкаваных матэрыялаў адведзены ўчасткі для галасавання і ЖЭУ. Акрамя гэтага расклеіць улёткі і сустрэцца з выбаршчыкамі можна будзе на прадпрыемствах – але толькі са згоды адміністрацыі.

10.09.2008 Адміністрацыя магілёўскага ўніверсітэта агітуе за кандыдата ад улады

У залі Магілёўскага дзяржаўнага ўніверсітэта 9 верасня адбылася сустрэча з кандыдатамі ў дэпутаты па Магілёўскай цэнтральнай акрузе. Але на сустрэчы прысутнічаў толькі адзін кандыдат — Аляксандр Юшкевіч, які дагэтуль быў дэпутатам у Крычаве.

10.09.2008 Дэпутат Сямашка намагаецца "стаць сваім" для выбаршчыкаў

Страсці кіпелі па кандыдаце ад улады. Сяргей Сямашка ўжо восем гадоў (два тэрміны) засядае ў парламенце, а адпаведна, пражывае ў сталіцы. Але ў дакументах на рэгістрацыю кандыдатам у якасці месца жыхарства ўказаў… Віцебск.

10.09.2008 Праваабаронца Лабковіч адмовіўся ад “гутаркі” з супрацоўнікам крымінальнага вышуку

Раніцай 10 верасня на кватэру да праваабаронцы-юрыста Уладзімера Лабковіча патэлефанавалі з міліцыі. Прадставіўшыся супрацоўнікам крымінальнага вышуку Ленінскага РУУСа, мужчына прапанаваў Лабковічу сустрэцца ў міліцыі “для гутаркі”.

10.09.2008 У Вярхоўным Судзе разглядаецца яшчэ 6 скаргаў

Сёньня ў 11-й гадзін Вярхоўны суд Беларусі пачаў разгляд яшчэ шасьці скаргаў незарэгістраваных кандыдатаў у дэпутаты Палаты прадстаўнікоў. Такім чынам, вядома, што з апэляцыяй у вышэйшую судовую ўстанову краіны зьвярнуліся ўжо 15 асобаў. Раней старшыня Вярхоўнага суду Валянцін Сукала казаў пра 14 зваротаў, але яшчэ адзін прыйшоў па пошце. Таму ў Вярхоўным судзе не выключаюць, што могуць дадацца яшчэ некалькі скаргаў

10.09.2008 Віцебск: Кандыдату Левінаву прапанавалі паўтарыць яго выступ

9 верасня акруговая камісія разглядала скаргу кандыдата ў дэпутаты Андрэя Левінава на збоі з гукам падчас яго тэлевыступу. Нагадаем, што тая частка выступу, у якой кандыдат заклікаў выбаршчыкаў прыйсці на ўчастак 28 верасня і ні ў якім разе не галасаваць датэрмінова, прайшла ў тэлеэфіры бязгучна.

10.09.2008 БАЖ прадставіў чарговы маніторынг СМІ

9 верасня эксперты Беларускай асацыяцыі журналістаў на прэс-канферэнцыі прадставілі чарговы аналітычны даклад па маніторынгу асвятленьня выбараў у сродках масавай інфармацыі.

10.09.2008 Баранавічы: Адстояць у судзе сваю рэпутацыю да выбараў кандыдат не паспее

З зыскам на журналіста дзяржаўнай газеты “Наш край” Мікалая Худэнкі і непасрэдна самога выдання звярнуўся ў суд прадпрымальнік Мікалай Чарнавус, які зараз зарэгістраваны кандыдатам у дэпутаты па Баранавіцкай-Заходняй выбарчай акрузе № 5.

10.09.2008 У 2008 годзе ў Беларусі да пакарання смерцю прыгавораны адзін чалавек

У 2008 годзе ў Беларусі да пакарання смерцю прыгавораны адзін чалавек, да пажыццёвага зняволення — трое. Пра гэта 9 верасня на прэс-канферэнцыі ў Мінску паведаміў старшыня Вярхоўнага суда Валянцін Сукала.

10.09.2008 Анатоля Лябедзьку пусцілі на сустрэчу з выбаршчыкамі толькі пасля “званка”

На Барысаўскім заводзе пластмасавых вырабаў адбылася першая сустрэча выбаршчыкаў з кандыдатамі ў дэпутаты Палаты прадстаўнікоў , зарэгістраванымі па Барысаўскай гарадской выбарчай акрузе №62. Сакратар акруговай камісіі Таццяна Стасава спрабавала не дапусціць на сустрэчу нават давераную асобу Віктара Гарбачова -- лідэра АГП Анатоля Лябедзьку.