Праваабарончы цэнтр «ВЯСНА»

Навіны за Верасень 2008

12.09.2008 Барысаў: Кандыдату-дэпутату Гумінскаму не сорамна

На сустрэчах з выбаршчыкамі (адбыліся ўжо тры) Гумінскі не адводзіць вачэй і ўпэўнена заяўляе, што яму не сорамна за тое, што прагаласаваў за закон "Аб дзяржаўных сацыяльных ільготах, правах і гарантыях для асобных катэгорый грамадзян".

12.09.2008 Полацк: Такія розныя “роўныя” ўмовы

Па-рознаму праходзіць агітацыйная кампанія ў двух кандыдатаў па Полацкай гарадской выбарчай акрузе № 28.

12.09.2008 Віцебск: Падвойныя стандарты

Атрымліваецца, кандыдату ад улады Сяргею Сямашку сустракацца ў школах з бацькамі можна, а незалежнаму кандыдату -- не.

11.09.2008 Менск: Ярмошына асабіста аддала незаконны загад аб нумарацыі выбарчых участкаў

Калі пытанне наконт прымянення "скразной" нумарацыі было ўзнята на паседжанні Цэнтральнай камісіі, Лідзія Ярмошына паведаміла, што гэта яе загад. Яна патлумачыла, што менавіта такі спосаб нумарацыі быў абраны дзеля таго, каб "было лягчэй". Натуральна, паўстала пытанне: каб каму і ў чым "было лягчэй"? І адказ на яго знойдзены – калі ўзгадаць сітуацыю з так званымі куратарамі з ліку прадстаўнікоў раённых адміністрацыяў.

11.09.2008 БРСМ заплаціць актыўным выбаршчыкам квіткамі на дыскатэку

Да рэалізацыі рэспубліканскага марафону “Моладзь і выбары – формула адказнасці” прыступілі беларускія БРСМаўцы. Пакуль апазіцыйная моладзь ладзіць флэш-мобы і распаўсюджвае налепкі ды ўлёткі з заклікамі байкатаваць выбары, праўладная грамадская арганізацыя запланавала зрабіць усё, каб моладзь ішла на выбары гуртам.

11.09.2008 Гомельшчына: сябры АГП выходзяць з акруговых камісій

Сябры Аб’яднанай грамадзянскай партыі выходзяць з акруговых выбарчых камісій у Гомельскай вобласці. Заявы аб гэтым яны накіравалі ў прэзідыюм абласнога Савета дэпутатаў і ў абласны выканаўчы камітэт (органы, якія фарміравалі камісіі).

11.09.2008 Бабруйск: На выбарчых участках змяняюць колькасць жыхароў

У новых раёнах Бабруйска, якія працягваюць дабудоўвацца і сёння, колькасць жыхароў пастаянна расце. Так, напрыклад, у мікрараёне “Захадні” на часы мінулых выбараў насельніцтва было ледзь не ўдвая менш, чым зараз. Суадносна, павялічылася ў два разы і колькасць выбаршчыкаў.

11.09.2008 Праваабаронца Уладзімер Лабковіч апытаны ў якасьці сьведкі па справе выбуху ў Менску

Супрацоўнікі крымінальнага вышуку Ленінскага РУУСа Менску сёньня распытвалі праваабаронцу Уладзіміра Лабковіча наконт выбуху ў Менску 4 ліпеня. На гутарку Лабковіча выклікаў афіцыйнай позвай намеснік крымінальнага вышуку Ленінскага РУУСа Барабанаў А.С.

11.09.2008 Берасце: Берасцейскія актывісты даюць тлумачэнні па справе аб выбуху ў Менску

З пачатку тыдня берасцейскія актывісты даюць тлумачэнні супрацоўнікам праваахоўных органаў. Міліцыянтаў цікавіць, дзе пэўныя асобы знаходзіліся 3-4 ліпеня, калі ў Менску адбыўся выбух, і хто можа гэта падцвердзіць.

11.09.2008 Віцебск: Агітатара затрымлівалі з аўтаматамі

Раніцай 10 верасня Сенненскі РАУС правёў на галоўпаштамце райцэнтра спецаперацыю па ўзброеным захопе "злачынцы", які раздаваў выбаршчыкам газету "Таварыш" і агітаваў за яе галоўнага рэдактара Сяргея Вазняка - кандыдата ў дэпутаты па Сенненскай выбарчай акрузе № 30.

11.09.2008 Віцебск: Голас кандыдата Левінава пад забаронай

Да Андрэя Левінава, кандыдата ў дэпутаты па Віцебскай-Чыгуначнай выбарчай акрузе №19, звярнуліся з просьбай выступіць перад імі яго былыя калегі.

11.09.2008 Невядомыя абрабавалі Барыса Хамайду

Паводле апазыцыянэра, у яго скралі некалькі соцень паасобнікаў незалежных газэт “Народная Воля”, “Наша Ніва” і “Курьер из Витебска”, пяць часопісаў “Arсhe” і пяць зборнікаў Уладзімера Падгола — “цытатнікаў” А.Лукашэнкі.

10.09.2008 Брэст: Праваабаронцаў і іх сем’і правяраюць па справе выбуху

Па некаторых звестках, днямі брэсцкія супрацоўнікі спецслужбаў атрымалі спіс з асобаў, якіх трэба апытаць на тэму выбуху 3-4 ліпеня ў Менску.

10.09.2008 Барысаў: Сяргей Салаш прызнаны вінаватым у паклёпе

Намеснік старшыні Барысаўскага райвыканкама Валянціна Шутко і бібліятэкар сярэдняй школы №11 (зараз -- сакратар акруговай камісіі па Барысаўскай гарадской выбарчай акрузе №62) Таццяна Стасава абвінавацілі Салаша ў тым, што ён назваў іх "фальсіфікатарамі выбараў".

10.09.2008 З Магілёўскага ўніверсітэта адлічылі “маладафронтаўца” Р.Панкратава

Адміністрацыя ўніверсітэта кажа, што прычына адлічэння непаспяховасць студэнта. Ён не здаў іспыт па англійскай мове. Спачатку атрымаў не заліковую тройку на іспыце, пасля на камісіі. Расціслаў Панкратаў студэнт факультэта замежных моваў. Вучыўся на платным і павінен быў перайсці на другі курс. Англійскую мову вывучае з першага класа, кажа што ведае яе выдатна.