Праваабарончы цэнтр «ВЯСНА»

Навіны за Верасень 2008

15.09.2008 Смаргонь: Скаргу Мікалая Уласевіча ў Вярхоўным Судзе палічылі пратэрмінаванай

У Вярхоўным Судзе яму было адмоўленна ў раглядзе скаргі на рашэнне Цэнтарвыбаркаму і акруговай камісіі аб адмове ў рэгістрацыі кандыдатам у дэпутаты.

13.09.2008 Тыдзень выбарчай кампаніі: падзеі і абагульненні

Галоўнай падзеяй бягучага тыдня стала завяршэнне разгляду Цэнтральнай камісіяй і Вярхоўным судом скаргаў прэтэндэнтаў, якім было адмоўлена ў рэгістрацыі ў якасці кандыдатаў. Нажаль, па выніках разгляду скаргаў сітуацыя з безальтэрнатыўнымі акругамі не змянілася. Але змяніцца можа, калі кандыдаты ў дэпутаты ад апазіцыйных партый канчаткова вызначацца адносна свайго ўдзелу ці няўдзелу ў выбарах. А пра роўныя ўмовы для ўсіх кандыдатаў падчас агітацыйнай кампаніі казаць не прыходзіцца.

13.09.2008 Баранавічы: Свята выбаршчыкам -- спіртныя напоі без гандлёвых нацэнак

Салодкія наліўкі, піва, кава, гарбата, марозіва, печыва па нізкіх цэнах чакаюць галасуючых удзень выбараў 28 верасня ў буфетах на выбарчых участках у Баранавічах. Пра гэта ішла размова на паседжанні штаба па кантролю за спажывецкім рынкам у гарвыканкаме 12 верасня.

13.09.2008 Менск: Станіславу Багданкевічу вынесена папярэджанне

Папярэджанне вынесена за ўлётку, дзе на адным баку размешчана Пасланне Аб'яднаных дэмсіл, а на іншым - фотаздымак С.Багданкевіча, некалькі слоў пра яго, эмблема АГП, яе адрас і тэлефон.

13.09.2008 Бабруйск: У камісію не вылучалася, але стала яе старшынёй

Адміністрацыя Першамайскага раёна г. Бабруйска не ўносіла ў спіс участковай камісіі Іну Дмітрук - дырэктара СШ № 21 г.Бабруйска, у якой размешчаны ўчастак для галасавання. Гэта тым больш цікава, што І. Дмітрук нейкім чынам стала старшынёй гэтай камісіі.

12.09.2008 Бабруйск: Кандыдату не далі правесці сустрэчу з выбаршчыкамі

Распавядае Алена Мядзведезва, якая балатуецца па Бабруйскай-Ленінскай акрузе №78.

12.09.2008 Жыхары Баранавічаў атрымалі ўлёткі з заклікам да байкоту выбараў

У паштовых скрынях жыхароў Баранавічаў з’явіліся ўлёткі Грамадзянскай ініцыятывы “Беларуская салідарнасць у падтрымку пазіцыі Кансерватыўна-Хрысціянскай партыі БНФ”.

12.09.2008 Менск: Скандальныя "вести" з Маскоўскага раёна

У жніўні «Вести Московского района» - афіцыйнае выданне Адміністрацыі Маскоўскага раёна Менску - двойчы выйшлі пад адным нумарам. Але размова ідзе не пра дадатковы наклад.

12.09.2008 Першая заўка на правядзеньне мітынгу 28 верасня

Сёньня ад імя намесьніцы старшыні Маладога Фронту Насты Палажанкі ў Менгарвыканкам была пададзена заяўка на правядзеньне мітынгу на 1000 чалавек 28 верасьня на плошчы Каліноўскага.

12.09.2008 «Рэпарцёры без межаў» выказалі занепакоенасць якасцю асвятлення выбараў у беларускіх СМІ

Міжнародная арганізацыя «Рэпарцёры без межаў» 12 верасня выступіла з заявай, у якой выказала занепакоенасць нізкай якасцю асвятлення выбарчай кампаніі ў Палату прадстаўнікоў у беларускіх сродках масавай інфармацыі. У той жа час, арганізацыя нагадвае, што правядзенне дэмакратычных выбараў з’яўляецца адной з ўмоваў зняцця санкцый Еўрапейскага Звязу ў дачыненні да афіцыйнага Мінска.

12.09.2008 Гомельшчына: выйшаў інфармацыйны бюлетэнь “Выбар”

Сярод матэрыялаў – інфармацыя аб перашкодах, з якімі сутыкаюцца дэмакратычныя кандыдаты ў дэпутаты.

12.09.2008 Магілёў: Лідзія Ярмошына лічыць прэтэнзіі да працы камісіі надуманнымі, а скаргу праваабаронцаў неабгрунтаванай

Такі адказ атрымалі магілёўскія праваабаронцы Аляксандр Каралёў і Зміцер Салаўёў ад старшыні Цэнтрвыбаркаму Лідзіі Ярмошынай на скаргу з нагоды адмовы ў допуску назіральнікаў да працэдуры праверкі подпісаў выбаршчыкаў у акруговай камісіі выбарчай акругі №85.

12.09.2008 Выступы кандыдатаў пакажуць яшчэ раз

Пачынаючы ад панядзелка, беларускія тэле-і радыё каналы паўторна пакажуць выступы ўсіх кандыдатаў у дэпутаты, якія ўжо прагучалі. Пра гэта паведаміла сёньня на прэсавай канфэрэнцыі Лідзія Ярмошына.

12.09.2008 Расклад не змяніўся: 12 акругаў засталіся безальтэрнатыўнымі

Па выніках разгляду скаргаў ЦВК і Вярхоўным судом сітуацыя з безальтэрнатыўнымі акругамі не змянілася: іх як было 12, столькі ж і засталося. Аднак сыходзячы з практыкі мінулай кампаніі па выбарах дэпутатаў Палаты прадстаўнікоў рана казаць, што ўсе сённяшнія кандыдаты пройдуць выбарчы марафон да канца. Нагадаем, падчас выбараў 2004 года за час агітацыйнай кампаніі былі пазбаўленыя рэгістрацыі або адмовіліся ад далейшай барацьбы 60 (!) кандыдатаў.

12.09.2008 Горкі: Дэмакратычнаму кандыдату вынесена папярэджанне

Папярэджанне вынесена за некалькі агітацыйных плакатаў, якія былі вывешаны прыхільнікамі кандыдата па-за вызначанымі месцамі ў Мсціслаўлі і Горках. У той жа самы час рашэнне райвыканкаму, у якім вызначаны месцы, дзе дазваляецца вывешваць агітацыйныя матэрыялы, застаецца “пад сукном”.