Праваабарончы цэнтр «ВЯСНА»

Навіны за Верасень 2008

15.09.2008 Дэпутат Кучынскі: "Іншыя кандыдаты змогуць перамагчы, калі толькі падменяць вынікі галасавання"

В.Кучынскі крытыкуе генеральнага дырэктара ЗАТ "Аптімалсэрвіс" Аляксандра Зазулю, на якога на гэты раз "паставілі" абласная і раённая ўлады.

15.09.2008 Лунінец: Кандыдату – вайскоўцу тэрміновай службы прадстаўлены адпачынак на час агітацыі

Упершыню кандыдатам у дэпутаты зарэгістраваны вайскоўца тэрміновай службы. Паколькі ў выбарчым заканадаўстве не прапісана пытанне ўдзелу такіх вайскоўцаў у агітацыйнай кампаніі, Цэнтрвыбаркам выдаў спецыяльнае тлумачэнне Міністэрству абароны Беларусі - і на час агітацыйнай кампаніі Каратышу далі адпачынак.

15.09.2008 БРСМ прапануе выбарцам кідацца бульбай

Акцыі накшталт "Пойди на выборы вместе с нами", "Приведи на выборы друзей" і нават "Убей в себе овощ" пройдуць на Віцебшчыне.

15.09.2008 Першыя перадвыбарчыя суды над актывістамі ў Берасці

На затрыманых у 2 гадзіны ночы на праспекце Рэспублікі берасцейскіх актывістаў Міхася Ільіна і Яўгена Скрабца склалі пратаколы ў парушэньні артыкула 17.1. “дробнае хуліганства” КаАП РБ, нібыта за спраўленьне малой патрэбы на вуліцы. Нагадаем, што ў юнакоў былі знойдзеныя налепкі “Байкот”. Зараз яны чакаюць суда, які мусіць адбыцца ў судзе Маскоўскага раёна Берасця.

15.09.2008 Валянцін Стэфановіч: “Юрыдычную ацэнку гэтага “Рашэння” я б хацеў пераадрасаваць таварышам Навумаву, Васілевічу і Сукалу”

Вядомы праваабаронца Валянцін Стэфановіч: "Дадзены дакумент яскрава паказвае нам увесь механізм рэпрэсіўнай машыны ў асобна ўзятай вобласці: ад прыняцця рашэння да яго выканання. Ён цікавы тым, што зараз мы бачым апісанне гэтых “мерапрыемстваў” на паперы і ведаем канкрэтных службовых асобаў, адказных за іх рэалізацыю".

15.09.2008 Алесь Бяляцкі: “Мы жывем у паліцэйскай дзяржаве…”

Праваабаронца, віцэ-прэзідэнт Міжнароднай федэрацыі правоў чалавека (FIDH) Алесь Бяляцкі: "У любой іншай цывілізаванай краіне службовае жыццё тых асобаў, якія паставілі б свае подпісы на падобнам дакуменце ды ўдзельнічалі ў стварэнні падобных САШаў, скончылася б у тры хвіліны, а яны б адказвалі перад законам".

15.09.2008 Праваабарончы цэнтр “Вясна” пратэстуе супраць падрыхтоўкі ўладамі масавых рэпрэсій у перыяд выбарчай кампаніі

У Праваабарончы цэнтр “Вясна” быў перададзены дакумент пад назвай “Рашэнне на забеспячэнне аховы правапарадку і дарожнай бяспекі ў перыяд падрыхтоўкі і правядзення на тэрыторыі Брэсцкай вобласці выбараў у дэпутаты Палаты прадстаўнікоў Нацыянальнага сходу Рэспублікі Беларусь чацвёртага склікання”

15.09.2008 Рашэнне на забеспячэнне аховы правапарадку

Рашэнне на забеспячэнне аховы правапарадку і дарожнай бяспекі ў перыяд падрыхтоўкі і правядзення на тэрыторыі Брэсцкай вобласці выбараў у дэпутаты Палаты прадстаўнікоў Нацыянальнага сходу Рэспублікі Беларусь чацвёртага склікання

15.09.2008 Аршанскі рэгіён: Месцаў для размяшчэння агітацыйных матэрыялаў -- няма

У райцэнтры Дуброўна (6 000 жыхароў) назіральнікам удалося знайсці цэлых тры стэнды "Іх расшуквае міліцыя". Магчыма, мясцовыя ўлады менавіта гэтыя месцы падрыхтавалі для расклейвання агітацыйных плакатаў, паколькі ніякіх іншых стэндаў у горадзе не аказалася.

15.09.2008 Перадвыбарныя праграмы двух кандыдатаў на Гомельшчыне не будуць надрукаваныя

Мазырская раённая дзяржаўная газета «Жыццё Палесся» (Гомельская вобл.) адмовілася друкаваць перадвыбарныя праграмы кандыдатаў ў дэпутаты па мясцовай — Палескай №43 – выбарчай акрузе. Паводле адказнага сакратара выдання Святланы Данільчанкі, кандыдаты Мікалай Гаўрыленка, прадстаўнік Аб’яднаных дэмакратычных сіл, і Сяргей Канопліч, які да гэтага працаваў старшынём Ельскага райвыканкама, несвоечасова прадаставілі ў рэдакцыю тэксты сваіх зваротаў.

15.09.2008 У Салігорску працягваецца ціск на незалежную прэсу

14 верасня падчас распаўсюду апошняга нумару незалежнай газэты "Свабодны Салігорск" на цэнтральным рынку гораду быў абсалютна беспадстаўна затрыманы валянцёр газэты маладафронтавец Аднрусь Тычына. Маладзёна затрымлівалі мясцовыя міліцыянты ў грубай форме. Пад час затрыманьня маладафронтаўца закавалі і, ня гледзячы на абурэньне наведнікаў рынку, даставілі ў мясцовы РАУС.

15.09.2008 У кампутары Трубкіна праз паўтары гады знайшлі экстрэмісцкія матэрыялы

13 верасня студэнт-каліновец Беластоцкага ўніверсітэта Аляксей Трубкін атрымаў па пошце па месцу жыхарства ў Наваполацку паперы з гродненскага абласнога камітэта КДБ, згодна якіх хлопцу трэба з’явіцца а 9-й гадзіне 18 верасня ў гродненскі суд Кастрычніцкага раёну. Студэнта абвінавачваюць у экстрэмізме.

15.09.2008 Капыль: Замест рэагавання па закону - шулерская падмена

Стаў шырока вядомы факт незаконнага ўключэння Капыльскім райвыканкамам у склад участковых камісій ад працоўных калектываў людзей, якія да гэтых калектываў не маюць ніякага дачынення. Пракуратура абавязала замяніць незаконна дэлегаваных прадстаўнікоў участковых камісій. Сутнасць праведзеных зменаў такая - ва ўчастковых камісіях засталіся тыя ж сябры, што і раней, але вылучаныя яны былі ўжо не ад працоўных калектываў, а шляхам збору подпісаў.

15.09.2008 Нясвіж: Камісіі абвясцілі "халодную вайну"

Пасля наведвання доўгатэрміновых назіральнікаў БДІПЧ АБСЕ паміж участковымі камісіямі і назіральнікам ад “Беларускага Хельсінкскага камітэту” пачалася сапраўдная "халодная вайна".

15.09.2008 Віцебск: Участкі на замку

Віцебскія назіральнікі, накіраваныя ва ўчастковыя выбарчыя камісіі і на ўчасткі для галасавання выбаршчыкамі, прадпрынялі чарговую спробу акрэдытавацца.