Праваабарончы цэнтр «ВЯСНА»

Навіны за Верасень 2008

22.09.2008 Кандыдатаў у дэпутаты застаецца ўсё менш

Ахвотных удзельнічаць у выбарах дэпутатаў Палаты прадстаўнікоў становіцца ўсё меней. Барацьбу за 110 мандатаў працягваюць 270 чалавек.

22.09.2008 Усе лідэры БХД у сьпісе на асабісты дагляд

Сустаршыня аргкамітэту па стварэнні БХД Аляксей Шэін падчас перасячэння літоўска-беларускай мяжы 19 верасня быў затрыманы беларускімі памежнікамі. На Аляксея быў складзены пратакол асабістага догляду. Памежнікі пераглядалі асабістыя рэчы палітыка і шукалі ў яго кампутар.

22.09.2008 Конкурс на тэму: "Хто стане дэпутатам?"

Віцебская гарадзкая газэта "Віцьбічы" абвясьціла палітгульню для сваіх чытачоў: прадказаць, каго абяруць у парлямэнт. Недарэчнае пытаньне…

22.09.2008 Каму дазволена разьвешваць плякаты на слупах?

У райцэнтры Гарадок адказ ведаюць: праўладнаму кандыдату Васілю Байкову, які балятуецца па тутэйшай Віцебскай-Сельскай выбарчай акрузе.

22.09.2008 У посце за вяртанне бернардынскага касцёла ўдзельнічаюць 59 вернікаў

59 чалавек з Мінску і гарадскога пасёлка Івянец Валожынскага раёна ўдзельнічаюць у посце за вяртанне вернікам будынкаў Мінскага бернардынскага кляштара бернардынаў.

22.09.2008 Лукашэнка: "Назіральнікі не павінны аказваць ціск на выбарчыя камісіі"

У Беларусі створаныя беспрэцэдэнтныя ўмовы адкрытасці выбарчай кампаніі, - заявіў сёння кіраўнік дзяржавы Аляксандр Лукашэнка на нарадзе аб ходзе выбарчай кампаніі.

22.09.2008 Брэсцкія актывісты патрабуюць афіцыйных тлумачэнняў гарвыканкама

Актывісты Руху “За Свабоду” Раман Кісляк, Сяргей Вакуленка, Андрэй Шарэнда і Зміцер Шыманскі звярнуліся ў Брэсцкі гарвыканкам з патрабаваннем афіцыйнага тлумачэння рашэння №1715 “аб вызначэнні пастаяннага месца для правядзення масавых мерапрыемстваў у г.Брэсце”.

22.09.2008 Ярмошына: "Выходныя - гэта святое…"

Ярмошына сцвярджае, што "выходныя ў людзей - гэта святое, гараджане ў гэтыя дні раз'яжджаюцца. А прызначыць выбары на будні дзень, зрабіўшы яго выходным - гэтае занадта дарагое задавальненне".

22.09.2008 У Смаргоні праходзіць кампанія байкоту выбараў

Пасля таго, як па Смаргонскай выбарчай акрузе № 59 не былі зарэгістраваныя апазіцыйныя кандыдаты, мясцовыя актывісты пачалі кампанію па байкоту выбараў.

22.09.2008 Лоеў: Крыўдзяць “сваіх”?

У дзяржаўнай газеце Лоеўскага райвыканкама “Серп і Молат” за 20 верасня 2008 года надрукаваны зварот да выбаршчыкаў кандыдата ў дэпутаты, які балатуецца по Хойніцкай выбарчай акрузе № 47 Дашкевіча Г.В.

22.09.2008 На брэсцкім рынку адбыўся стыхійны мітынг прадпрымальнікаў

На Варшаўскім рынку ў Брэсце адбыўся стыхійны мітынг прадпрымальнікаў, паведамляе “Радыё Свабода”. Падставай для гэтага сталі дзеянні супрацоўнікаў падатковай інспекцыі. Яны прыйшлі на рынак і запатрабавалі ад гандляроў дзіцячымі каляскамі сертыфікаты адпаведнасці. Прадпрымальнікі пачалі абурацца, бо яны маюць сертыфікат якасці і ўсе іншыя неабходныя дакументы.

22.09.2008 Полацак: затрыманьні за распаўсюд газэты «Выбар»

На моладзевых актывістаў Алеся Круткіна з Полацку і Кастуся Іванова зь Віцебску склалі пратаколы ў Полацкім гарадзкім аддзеле міліцыі. ¬ Хлопцы, якіх вінавацяць у распаўсюдзе друкаваных выданьняў, што ня маюць выходных дадзеных, паўтары гадзіны правялі ў пастарунку. Па складаньні пратаколу ім паведамілі, што дашлюць позвы ў суд або на адміністрацыйную камісію.

22.09.2008 Віцебск: Камісіі згубіліся ў часе

Выбарчы ўчастак №56 Кастрычніцкага раёна г. Віцебска (Віцебская-Кастрычніцкая выбарчая акруга №20) аформлены ў адпаведнасці з патрабаваннямі выбарчага заканадаўства. На першы погляд.

22.09.2008 Гомель: Вайсковыя сілы ўзмацняюць цэнтр?

Незвычайная актыўнасць вайскоўцаў была заўважаная ў Гомелі 18 верасня. За 10 дзен да выбараў ў цэнтр горада пачала перасоўвацца ваенная тэхніка і самі вайскоўцы. У 14 30 па вуліцы Барыкіна ў бок цэнтра горада ехаў бронетранспарцёр, за ім машына з вайскоўцамі – усе ў атачэнні міліцэйскага патруля. Апошні раз, калі спецыяльная тэхніка наўпрост ездзіла па вуліцах Гомеля, быў 9 траўня – на гадавіну Дня Перамогі.

22.09.2008 Віцебск: На выбарчым участку - агітацыя за кандыдата ад улады

20 верасня ў Віцебску працягнулася вылучэнне назіральнікаў ад груп выбаршчыкаў ва ўчастковыя выбарчыя камісіі і ўчасткі для галасавання. Пры гэтым назіральнікі сутыкнуліся з праблемамі.