Праваабарончы цэнтр «ВЯСНА»

Навіны за Верасень 2008

24.09.2008 Віцебск: За першы дзень на некаторых участках датэрмінова прагаласавалі да 10% выбаршчыкаў

На кантрольных выбарчых участках у датэрміновым галасаванні прынялі ўдзел ад 1% (№54 Віцебская-Кастрычніцкая выбарчая акруга №20) да 10,14% (№19 Віцебская-Горкаўская выбарчая акруга №17).

24.09.2008 Віцебск: Ідэолаг нагадвае, хто "гаспадар" на ўчастку

Ідэолаг раёна нагадаў сябрам камісіі пра заяву кіраўніка дзяржавы аб тым, што гаспадарамі на выбарчым участку з'яўляюцца яны і толькі яны.

24.09.2008 Магілёў: На акрузе -- толькі адно месца для сустрэч з выбаршчыкамі

У Кастрычніцкім раёне горада Магілёва знаходзяцца дзве выбарчыя акругі -- №86 і №87. Для сустрэч з кандыдатамі ў дэпутаты адведзена ўсяго толькі па аднаму месцу ў кожнай з гэтых акругаў.

24.09.2008 Віцебск: Дадзеныя пра колькасць выбаршчыкаў і бюлетэняў атрымаць немагчыма

Адмовілася старшыня камісіі прадставіць прадстаўнікам СМІ звесткі пра колькасць выбаршчыкаў, занесеных у спісы для галасавання, колькасць атрыманых бюлетэняў, а пасля завяршэння першага дня галасавання -- колькасць выбаршчыкаў, якія прагаласавалі датэрмінова.

24.09.2008 Брэст: На ўчастках адсутнічае інфармацыя пра кандыдатаў

Кандыдат у дэпутаты Палаты прадстаўнікоў па Брэсцкай-Заходняй выбарчай акрузе №1, старшыня БСДП (Грамада) Анатоль Ляўковіч 23 верасня накіраваў заяву ў Цэнтрвыбаркам.

24.09.2008 Магілёў: Кандыдат ад АДС “азмрочыў” сваёй прысутнасцю мерапрыемства ў падтрымку праўладнага канкурэнта

Выпадкава праходзячы праз Плошчу зорак у цэнтры горада, Аялксей Паўлоўскі пабачыў моладзевае мерапрыемства, якое арганізавалі сябры гарадской арганізацыі БРСМ у падтрымку кандыдата ў дэпутаты Аляксандра Юшкевіча.

24.09.2008 Назіральніку не дазволілі сфатаграфаваць пячатку на выбарчай урне

У Мінску зафіксаваны першы выпадак аказання ціску на незалежнага назіральніка. Сябра “Маладых дэмакратаў” Віталя Стажарава спрабавалі адвезці ў пастарунак.

24.09.2008 Акруговая камісія прагаласавала за зняццё кандыдата Жукоўскага

Камісія разгледзела заяву, прыняла да ўвагі яе змест і рэкамендавала кандыдату ў далейшыя 10 дзён вярнуць у бюджэт сродкі, патрачаныя ім на агітацыю – 1 мільён 750 тысяч беларускіх рублеў.

24.09.2008 Буда-Кашалёў: Агітацыйныя матэрыялы кандыдата ад улады -- ва неўстаноўленых месцах

У вёсцы Івольск Буда-Кашалёўскай акругі №38 партрэты кандыдата ад улады, цяперашняга дэпутата Уладзіміра Кужанава вісяць паўсюль, у тым ліку -- на калодзежах і платах.

24.09.2008 Рэчыца: Леанід Невар мае праблемы ў сустрэчах з выбаршчыкамі

Для начальніка фінансавага аддзела Рэчыцкага райвыканкама Алы Ісачанкі праводзяцца сустрэчы з выбаршчыкамі на прадпрыемствах. Незалежны кандыдат Леанід Невар мае праблемы ў правядзенні сустрэч.

23.09.2008 Брэст: Прапановы па апячатванні скрыняў для датэрміновага галасавання акруговая камісія адпрэчыла

С. Вакуленка прапанаваў апячатваць вонкавую частку дна скрыняў для датэрміновага галасавання кантрольнай стужкай, якая павінна заклейваць вінт ці шуруп, якім дно скрыні прымацавана да корпуса.

23.09.2008 Брэст: Чорна-белы канфлікт вырашыўся не на карысць кандыдата

Акруговая, а ўслед і Цэнтральная камісіі не ўгледзелі парушэння прынцыпа роўнасці кандыдатаў у вырабе агульнага плаката па Брэсцкай Цэнтральнай выбарчай акрузе № 2. Такія адказы атрымаў кандыдат Дзмітрый Шыманскі.

23.09.2008 Кобрын: Аляксандр Мех піша пра парушэнні. Але ці таго ён абраў адрасата?

23 верасня кандыдат у дэпутаты па Кобрынскай выбарчай акрузе № 12 Аляксандар Мех накіраваў адкрыты ліст да прэзідэнта Беларусі А.Г. Лукашэнкі.

23.09.2008 Барысаў: Адгукніцеся, выбаршчыкі!

У Барысаўскай сельскай выбарчай акрузе № 63 знайшлі новую форму працы па ўдакладненні спісаў выбаршчыкаў. Прадстаўнікі ўчастковай камісіі № 49 гэтай акругі, якая размяшчаецца ў будынку "Ясляў-саду № 16", разаслалі выбаршчыкам паведамленне, у якім, спасылаючыся на тое, што не змаглі заспець іх дома, пераканаўча просяць патэлефанаваць у камісію і нагадаць аб сваім існаванні.

23.09.2008 Баранавічы: Датэрміновае галасаванне праходзіць з парушэннямі

Прадстаўнікі ўчастковых выбарчых камісій Баранавіцкай-Заходняй № 5 і Баранавіцкай сельскай № 7 акруг адмаўляюцца прадастаўляць дадзеныя давераным асобам кандыдатаў ў дэпутаты Мікалая Чарнавуса і Рыгора Грыка (вылучаных партыяй АГП) і назіральнікам ад БХК, парушаючы такім чынам арт. 65 Канстытуцыі Рэспублікі Беларусь і арт. 13 Выбарчага кодэкса РБ, паводле якіх выбары павінны быць адкрытымі і празрыстымі.