Праваабарончы цэнтр «ВЯСНА»

Навіны за Верасень 2008

25.09.2008 Баранавічы: Назіральнікі пазбаўленыя ўсялякіх правоў

Адказ назіральніку старшыні акруговай камісіі А.Русенчыка варта цытаваць без скарачэнняў: “Назіральнік не мае права звяртацца з запытамі ў выбарчыя камісіі для атрымання звестак па падрыхтоўцы выбараў, у тым ліку і пра колькасць выбарнікаў і атрыманых бюлетэняў”.

25.09.2008 Шклоў: Новыя выбарчыя тэхналогіі?

На адным з выбарчых участкаў Шклоўскай выбарчай акругі №90, які знаходзіцца ў вёсцы Гавяды, 25 верасня “выпрабавалі” новую тэхналогію галасавання: без старшыні і членаў выбарчай камісіі, без міліцыі, але з адкрытымі для галасавання скрынямі.

25.09.2008 Гародня: прадстаўнікам БХК даюць адпіскі і прапаноўваюць азнаёміцца з вынікамі выбараў толькі 29 верасня

Як паведаміў прадстаўнік РПГА “Беларускі Хельсінскі Камітэт” па Гродзенскай вобласці Раман Юргель, сябры БХК накіравалі ў акруговыя камісіі афіцыйныя запыты з просьбай прысутнічаць на паседжаннях акруговых камісій, дзе яны зарэгістраваныя назіральнікамі і забяспечыць магчымасць азнаямлення з вынікамі выбараў у пратаколах участковых выбарчых камісій увечары 28 верасня.

25.09.2008 Слуцк: Настаўнікаў прымушаюць галасаваць датэрмінова

Фотаздымак абвесткі, якая вісіць у настаўніцкай Слуцкай гімназіі №1 змясціў у сваім блогу baradzied.livejournal.com

25.09.2008 Мазыр: На агітацыйнай прадукцыі кандыдата ад улады не пазначаны наклад

Кандыдат у дэпутаты па Мазырскай выбарчай акрузе №42 Я.А.Арцюшэнка (намеснік генеральнага дырэктара ААТ "Мазырскі НПЗ" па эканоміцы і фінансах) распаўсюджвае свае агітацыйныя матэрыялы, вырабленыя з парушэннем Выбарчага кодэкса.

25.09.2008 Новыя затрыманьні ў Менску

У Менску, прыкладна ў 13 гадзін затрыманыя актывісты 'Маладых дэмакратаў' Раман Багдановіч і Аляксандр Сцепаненка. Яны раздавалі мінакам газету 'Глыток паветра' і 'Народную волю'. Як паведаміў іх калега Віталь Стажараў, актывісты дастаўленыя ў аддзел па ахове метрапалітэна на станцыі метро 'Плошча Я. Коласа'. Затрымаў моладзь супрацоўнік міліцыі Мікалай Мудры.

25.09.2008 Менск: Супрацоўнікаў Акадэміі навук прымушаюць галасаваць датэрмінова

Намеснік загадчыка па ідэалагічнай працы выклікае загадчыкаў аддзелаў Акадэміі і загадвае, каб тыя ў сваю чаргу прымушалі падначаленых галасаваць датэрмінова.

25.09.2008 Гародня: Змяніліся паводзіны кіраўніцтва ўчастковых камісій

Давераныя асобы дэмакратычных кандыдатаў і незалежныя назіральнікі адзначаюць істотныя зьмены ў паводзінах кіраўніцтва ўчастковых камісій па Гарадзенскіх выбарчых акругах. Калі ў аўторак прадстаўнікі участковых камісій ахвотна ішлі на кантакт і прадастаўлялі афіцыйную інфармацыю, то ў сераду іх нібы падмянілі. Абумоўлена гэта тым, што па некаторых даных у аўторак, пасля выступу напярэдадні Аляксандра Лукашэнкі і яго заяваў датычна таго, хто павінен быць сапраўдным гаспадаром на выбарчых участках, у Гарадзенскім аблвыканкаме прайшла нарада, на якой кіраўніцтва камісіямі атрымала новыя адпаведныя інструкцыі.

25.09.2008 Барысаў: Журналісты пад назіраннем

Журналісты міжнароднага тэлеканала кругласутачнага вяшчання "France 24" сёння раніцай пабывалі ў Барысаве, дзе здымалі рэпартаж аб агітацыйнай кампаніі кандыдата ў дэпутаты па Барысаўскай гарадской выбарчай акрузе №62, кіраўніка зарэгістраванай ва Украіне кампаніі "За вольнае развіццё прадпрымальніцтва" Віктара Гарбачова.

25.09.2008 Магілёў: Праваабаронцы Барысу Бухелю адмаўляюць у прысутнасці падчас перадачы ўчастковымі выбарчымі камісіямі пратаколаў у акруговую выбарчаю камісію №86

“Учора я патэлефанаваў у акруговую выбарчую камісію №86, - гаворыць Барыс Бухель, - і выказаў жаданне прысутнічаць у якасці назіральніка падчас перадачы ўчастковымі выбарчымі камісіямі пратаколаў з вынікамі галасавання ў акруговую выбарчаю камісію”. “Слухалку зняла сакратарка гэтай камісіі Надзея Мыджына і сказала мне, што прысутнічаць падчас гэтага працэсу я не маю права, бо гэта не паседжанне акруговай выбарчай камісіі, а тэхнічная праца па прыёмцы пратаколаў. Спадарыня Мыджына падкрэсліла, што прысутнасць назіральнікаў падчас гэтага працэсу не прадугледжана законам”, - працягвае праваабаронца.

25.09.2008 У апазіцыі не хапае назіральнікаў на датэрміновых выбарах

На шасці з паловай тысячах выбарчых участкаў па Беларусі сёння працуе каля 2 тысячаў апазіцыйных назіральнікаў. У фінальны дзень выбараў 28 верасня іх будзе крыху больш - пад 3 тысячы. Юрыст Уладзімір Лабковіч лічыць, што проста фізічна немагчыма закрыць усе ўчасткі.

25.09.2008 «Ня дай сябе загнаць!» -- акцыя студэнтаў супраць датэрміновага галасавання

Моладзевая ініцыятыва “СтудФармат” з 22 верасня пачала кампанію “Не заганяйся!”. Ідэя - заклік не галасаваць датэрмінова, а таксама паведамляць пра “загоны” ва ўніверсітэтах, каледжах, студэнцкіх інтэрнатах.

25.09.2008 Даверанай асобе кандыдата ў дэпутаты Казекі адмоўлена ў інфармацыі

Як паведаміў Радыё Рацыі Алесь Рамановіч, давераная асоба кандыдата ў дэпутаты ад АДС па Днепра – Бугскай выбарчай акрузе №10 Уладзіміра Казекі ва ўчастковай камісіі ў вёсцы Папіна яму адмовіліся даваць інфармацыю пра агульную калькасць выбаршчыкаў, колькасць атрыманых камісіяй бюлетэняў і колькасць прагаласаваўшых за 2 дні.

25.09.2008 Мiнчукi судзяцца з метрапалiтэнам з-за дамоў, якiя iдуць пад знос

У Мiнску пачалiся суды вакол зямельных участкаў, якiя знаходзяцца на шляху будаўнiцтва новых станцый метро. УП "Дырэкцыя па будаўнiцтве Мiнскага метрапалiтэна" спрабуе выселiць з дамоў грамадзян, якiя патрабуюць раўнацэннай кампенсацыi iх уласнасцi.

25.09.2008 Афіцыйныя лічбы заніжаюць?

У 2004 годзе, паводле зьвестак Цэнтравыбаркаму, удзел у датэрміновым галасаваньні ўзялі 17,39% выбарцаў. У Менску і Менскай вобласьці датэрмінова прагаласавала больш за 20%.