Праваабарончы цэнтр «ВЯСНА»

Навіны за Жнівень 2008

10.08.2008 Тэст на лібералізацыю выбарчага працэсу працягваецца

Ініцыятыўныя групы працягваюць збор подпісаў, працоўныя калектывы і партыі вылучаюць кандыдатаў ў дэпутаты, суб'екты выбарчага працэсу завяршаюць фармаванне участковых выбарчых камісій. Вынікі мінулага тыдня.

10.08.2008 У Мінску праходзіць з'езд Партыі камуністаў Беларускай

Як паведаміў БелаПАН прэс-сакратар ПКБ Сяргей Вазняк, на з'ездзе будуць абмяркоўвацца тры пытанні. "Першае — аб вылучэнні кандыдатаў у дэпутаты Палаты прадстаўнікоў Нацыянальнага сходу Беларусі ад партыі. Другое — аб платформе партыі на будучых выбарах. Трэцяе — аб вылучэнні назіральнікам у Цэнтральную камісію па выбарах і правядзенні рэспубліканскіх рэферэндумаў члена Цэнтральнага камітэта ПКБ Алены Скрыган", — сказаў С.Вазняк.

10.08.2008 Галоўны назіральнік прыбыў у Менск

10 жніўня ў другой палове дня ў Менск з Бону прыляцеў нямецкі дыплямат Герт-Генрых Арэнс. Ён з’яўляецца кіраўніком місіі Бюро дэмакратычных інстытутаў і правоў чалавека (БДІПЧ) АБСЭ, якая будзе назіраць за парлямэнцкімі выбарамі ў Беларусі.

10.08.2008 Віцебск: ціск на прэтэндэнта ў кандыдаты ўзмацняецца

Нагадаем, капітан міліцыі, участковы Чыгуначнага РУУС г. Віцебска Андрэй Левінаў зарэгістраваў сваю ініцыятыўную групу па зборы подпісаў для вылучэння ў парламент па Віцебскай-Чыгуначнай выбарчай акрузе №19. Міліцэйскае начальства адразу ж вырашыла прысекчы падобную “самадзейнасць” капітана – пачалася праверка падапечных участковага, якая, аднак, не выявіла парушэнняў. Наступным крокам стала ўзбуджэнне дысцыплінарнай вытворчасці ў сувязі з падпісанымі капітанам Левінавым чатырма справамі аб адмове ва ўзбуджэнні крымінальных справаў. Але праверкі -- гэта даволі працяглы працэс, таму міліцэйскія начальнікі пачалі прадпрымаць больш актыўныя дзеянні.

10.08.2008 Шчучын: раёнка ўжо назвала “дастойную” абрання ў парламент

Непрыхаваную агітацыю за прэтэндэнта ў кандыдата, намесніцу старшыні Гродзенскага абласнога выканаўчага камітэту Марыю Бірукову змясціла шчучынская раённая газета “Дзянніца”. У нумары ад 5 жніўня на першай паласе выдання змешчаны артыкул аўтарства галоўнага рэдактара з яскравым загалоўкам “У парламенце павінны быць дастойныя!”.

10.08.2008 Менск: Сяргей Скрабец вымушаны адмовіцца ад кіраўніцтва выбарчым штабам Станіслава Шушкевіча

На этапе збору подпісаў кіраўніком выбарчага штаба Станіслава Шушкевіча, старшыні Цэнтральнай Рады Беларускай сацыял-дэмакратычнай Грамады, які прэтэндуе на дэпутацкі мандат па 101-ай Адзінцоўскай акрузе, часова прызначана Святлана Губейка. Напачатку выбарчай кампаніі штаб узначальваў Сяргей Скрабец, кіраўнік Менскай гарадской арганізацыі БСДГ, экс-дэпутат Палаты прадстаўнікой НС РБ і былы палітвязень. С. Скрабец змушана адмовіўся ад удзелу ў кампаніі, бо пасля канфіскацыі маёмасці на кватэры ў яго бацькоў фактычна застаўся без сродкаў да існавання.

10.08.2008 АГП: аб’яўленьне байкоту пакуль заўчасна

Сёньня ў Менску адбыліся зьезды Аб’яднанай грамадзянскай партыі і Партыі камуністаў беларускай. Дэлегаты зьезду АГП палічылі, што аб’яўленьне байкоту выбарам у дадзены час будзе заўчасным. Спачатку кіраўнікі абласных арганізацыяў партыі далі сваю ацэнку выбарчай кампаніі. Тут думкі сышліся – адрозна ад мінулых парлямэнцкіх выбараў улады паводзяць сябе больш лібэральна. Праўда, пакуль няма дакладнага адказу на пытаньне: чаму яны так робяць? Гэта сапраўды нейкае зьмякчэньне альбо гульня? І ці трэба ў такой сытуацыі байкатаваць выбары?

10.08.2008 Менск: Ціск на вылучэнцаў ва ўчастковыя камісіі

Апошнія дні сталі неспакойнымі для прадстаўнікоў дэмакратычных партый, якія вылучылі свае кандыдатуры ва ўчастковыя выбарчыя камісіі. Як паведамілі сябры ініціыятыўнай групы Віктара Івашкевіча, спіс прадстаўнікоў ва ўчастковыя камісіі па 97-ай Кастрычніцкай акрузе ад Партыі БНФ быў пададзены ў адміністрацыю Кастрычніцкага раёна 7-га жніўня ў першай палове дня. Ужо ўвечары таго ж дня двум чалавекам з гэтага спісу адтуль патэлефанавалі, удакладнілі, ці сапраўды яны прэтэндуюць на ўключэнне ў камісіі, і запрасілі прыйсці ў адміністрацыю, не патлумачыўшы прычынаў.

10.08.2008 Барысаў: Скаргі на датэрміновую агітацыю ў выканкамаўскай газеце

Сябра Аб’яднанай грамадзянскай партыі Віктар Гарбачоў накіраваў скаргі на адрас Міністэрства інфармацыі, Цэнтральнай выбарчай камісіі і акруговай камісіі №62, у якіх звярнуў увагу на неправамернасць дзеянняў рэдакцыі барысаўскай газеты «Единство», заснавальнікам якой з’яўляеццаа Барысаўскі райвыканкам.

08.08.2008 Ціск на актывістаў Партыі БНФ

Кандыдат у дэпутаты ад Партыі БНФ і адзінага сьпісу АДС па Паўднёва-Заходняй выбарчай акрузе № 99 Юрась Карэтнікаў учора, 7 жніўня, падаў сьпіс зь 50 чалавек, якія зьяўляюцца сябрамі Партыі БНФ, у склад участковай камсіі Паўднёва-Заходняй выбарчай акругі № 99 у Менску.

08.08.2008 Прычына звальнення – распаўсюд газеты «Товарищ»?

Актывіст ПКБ Васіль Мамкін, звольнены з ААТ «Электраапаратура», дзе адпрацаваў больш за 25 гадоў, звярнуўся ў суд Чыгуначнага раёна Гомеля з зыскам да кіраўніцтва прадпрыемства. Сп. Мамкін лічыць звальненне незаконным і патрабуе з адказчыка 10 мільёнаў рублёў за маральную шкоду.

08.08.2008 Супрацоўнікі пажарнай службы забаранілі вешаць карціны ў сядзібе Партыі БНФ

8 жніўня ў сядзібу Партыі БНФ прыйшлі з праверкаю супрацоўнікі пажарнай службы Савецкага раёну. Пасьля праверкі памяшканьняў яны прад'явілі шэраг заўваг сакратарам Управы Партыі БНФ.

08.08.2008 Затрыманне за раздачу «Народнай волі»

У Брэсце 7 жніўня на пэўны час міліцыя затрымала двух грамадскіх актывістаў, што раздавалі мінакам апошні нумар недзяржаўнай газеты «Народная воля».

08.08.2008 Паўла Кур’яновіча арыштавалі на 15 сутак

Актывіста кампаніі “Еўрапейская Беларусь” Паўла Кур’яновіча арыштавалі ў судзе Маскоўскага раёну на 15 сутак. Паўла затрымалі ўчора ўвечары разам з шасьцю актывістамі незарэгістраванай арганізацыі “Малады фронт” падчас штурму офісу моладзевай арганізацыі.

08.08.2008 Тыдзень выбарчай кампаніі: падзеі і абагульненні

Кампанія па выбарах дэпутатаў Палаты прадстаўнікоў Нацыянальнага сходу Рэспублікі Беларусь у самым разгары. Пасля таго, як былі зарэгістраваныя ініцыятыўныя групы, пачаўся збор подпісаў за прэтэнтэнтаў у кандыдаты. Пры гэтым прэтэндэнты, якіх падтрымлівае ўлада, і незалежныя альбо прадстаўнікі апазіцыйных партыяў апынуліся ў такіх розных умовах працы, што толькі і застаецца, што “шукаць адрозненні”...