Праваабарончы цэнтр «ВЯСНА»

Навіны за Ліпень 2008

16.07.2008 У Віцебску зноўку затрымалі Барыса Хамайду

Не пасьпеў вядомы апазіцыянэр пакінуць сцены віцебскага ІЧУ, дзе трое сутак адбываў пакараньне арыштам, як чарговы раз быў затрыманы на сваім традыцыйным “працоўным месцы” ля гэтак званага “сіняга дому”.

16.07.2008 Кобрынскаму актывісту Аляксандру Меху пагражаюць

8 ліпеня кобрынскаму актывісту Аляксандру Меху патэлефанавалі з пагрозамі. Вось што расказаў сам Аляксандр: “8 ліпеня 2008 года у 12.11 мне патэлефанавалі на мабільны тэлефон. Я прыняў выклік. Той, хто тэлефанаваў, адразу пачаў нецэнзурна выказвацца, абражаць, пагражаць мне. Я перапыніў яго і сказаў: "Я больш ня буду з вамі размаўляць". Потым адключыў тэлефон. На маім апараце зафіксаваўся нумар абанента - +375164225659.

16.07.2008 У Гародні адзначылі ўгодкі Грунвальду

15 ліпеня, у дзень славутай гістарычнай бітвы 1410 году, у Гародні адзначылі ўгодкі Грунвальду. У горадзе над Нёманам гэта адбываецца традыцыйна, ужо гадоў дваццаць, ля Каложскай царквы, дзе ўсталяваны памятны знак “Пагоня на Грунвальд”. Менавіта тут у дзевяностыя гады адбываліся першыя рыцарскія і бардаўскія публічныя выступы на Гарадзеншчыне.

16.07.2008 Франак Непрызваны

Адзін з лідэраў маладзёжнага крыла Партыі БНФ Франак Вячорка прызнаны непрыгодным да вайсковай службы па стане здароўя. Такое заключэнне вынесла медыцынская камісія ваенкамата Савецкага раёна Мінска.

16.07.2008 Ператрус у кватэры Юрася Карэтнікава

Супрацоўнікі КБД і міліцыі прыблізна ў 10.40 пачалі ператрус у кватэры актывіста незарэгістраванай арганізацыі “Правы альянс” Юрася Карэтнікава.

16.07.2008 Падаткавікі зацікавіліся сядзібай БНФ

Сакратарам сядзібы Партыі БНФ паступіла тэлефанаваньне з падаткавай інспэкцыі. Нягледзячы на тое, што падаткавая інспэкцыя мае падрабязную інфармацыю аб Партыі БНФ, супрацоўнікі інспэкцыі запытваліся, які штатны расклад сядзібы Партыі БНФ і ці атрымліваюць заробак тыя, хто там працуе.

16.07.2008 Рух “За Свабоду” судзіцца з Мінюстам

Сябры аргкамітэту ПАГА “Рух “За Свабоду” падалі скаргу ў Вярхоўны Суд Рэспублікі Беларусь. Заснавальнікі грамадскага аб'яднання лічаць, што рашэнне Міністэрства юстыцыі ад 19 чэрвеня аб адмове ў рэгістрацыі на падставе парушэння членамі ПАГА “Рух “За Свабоду” патрабаванняў заканадаўчых актаў Рэспублікі Беларусь да пачатку яго афіцыйнай дзейнасці незаконнае. Гэткім чынам абмяжоўваецца канстытуцыйнае права грамадзян на аб'яднанне.

16.07.2008 Выбухоўку шукаюць у сваякоў Васіля Старавойтава

Некалькі разоў міліцыя наведвала дом Тацяны Жалабаевай, дачкі былога старшыні гаспадаркі “Расьсьвет”, двойчы Героя сацыялістычнай працы Васіля Старавойтава. “За тыдзень прыходзілі ажно 8 разоў, усё цікавіліся маім мужам Сяргеем Жалабаевым, які быў асуджаны за незаконнае захоўваньне зброі. Пыталіся, дзе быў 3 і 4 ліпеня, ці хавае дзе зброю і выбухоўку”, — паведаміла Тацяна.

15.07.2008 “Хімічны сьлед” выбуху?

Як паведамлялі ў 2007 годзе сродкі масавай інфармацыі, у Менску па вуліцы Магілёўскай, на кватэры ў 21-гадовага студэнта трэцяга курсу 31 мая ў 17-35 адбыўся выбух, у выніку якога пацярпеў студэнт: шматлікія асколкавыя раненьні абодвух кісцяў, правай стапы, бядра, траўматычны шок і пераломы. У прыватнасьці, са спасылкай на ГУУС Менгарвыканкама пра гэта паведамілі БелаПАН, сайт “Нашай нівы” і некаторыя іншыя СМІ ( напрыклад bntu.info).

15.07.2008 Брэстчанка звярнулася ў ААН

14 ліпеня актывистка Руху "ЗаСвабоду" з Брэста Інга Абрамава накіравала адозву ў Камітэт ААН па правах чалавека.

15.07.2008 Праваабаронцы за свабодныя выбары: практыка фармаваньня акруговых выбарчых камісіяў засталася нязьменнай (абнаўлена табліца)

14 ліпеня 2008 г. У Беларусі завершылася фармаванне акруговых выбарчых камісій па правядзенні выбараў дэпутатаў Палаты прадстаўнікоў Нацыянальна схода Рэспублікі Беларусь

15.07.2008 Барысаў: Датэрміновая агітацыя на Барысаўскім радыё

Чалец Барысаўскага раённага савета Беларускага грамадскага аб'яднаньня ветэранаў Сяргей Рабаў зачытаў па Барысаўскім радыё (перадачы трансляваліся па мясцовай радыёсетцы 14 і 15 ліпеня), зварот да ўсіх ветэранаў і выбаршчыкаў, прыняты пленумам рэспубліканскага савета гэтай арганізацыі ў сувязі з падрыхтоўкай і правядзеньнем чарговых выбараў у дэпутаты Палаты прадстаўнікоў Нацыянальнага Сходу краіны.

15.07.2008 Полацк: “Моцны парламент – аснова палітычнай стабільнасьці, дабрабыту і прагрэсу грамадства”

У працоўных калектывах Полацка на працягу некалькіх апошніх тыдняў праводзіліся абавязковыя для наведваньня “інфармацыйныя дні” на тэму “Моцны парламент – аснова палітычнай стабільнасьці, дабрабыту і прагрэсу грамадства”. Загад правесці такія дні з абавязковым складаньнем пратаколу сходу прыйшоў з гарвыканкама. У некаторых калектывах інфармаваньне праводзілі прадстаўнікі гарвыканкаму, у некаторых – адміністрацыя па распаўсюджаным загадзя тэксце.

15.07.2008 Назіральніка ад БХК не пусьцілі на паседжаньне Мінаблвыканкама і Прэзідыума аблсавета дэпутатаў

14 ліпеня 2008 года ў 08.50 назіральнік ад РПГА "БХК" Леанід Андрэевіч Мархотка прыбыў у г. Менск на сумеснае паседжаньне Менскага абласнога выканаўчага камітэта і Прэзідыума Менскага абласнога Савета дэпутатаў па фармаваньні акруговых выбарчых камісій па выбарах у Палату Прадстаўнікоў Нацыянальнага Сходу Рэспублікі Беларусь. Леанід Мархотка пайшоў у залу № 413 будынку Менскага абласнога выканаўчага камітэта, дзе ўжо сабраліся чальцы Прэзідыума Саветаў дэпутатаў і службовыя асобы Мінаблвыканкама. Па афіцыйным паведамленьні паседжаньне павінна было пачацца ў 09.30 і праходзіць пад старшынствам намесьніка старшыні Мінаблвыканкама Уладзіміра Аляксандравіча Гурыновіча.

15.07.2008 Віцебшчына: Фармаваньне акруговых камісяў прайшло ў паўзакрытым рэжыме

Фармаваньне акруговых камісіяў па выбарах у дэпутаты Палаты прадстаўнікоў на Віцебшчыне прайшло ў паўзакрытым рэжыме. На сумеснае паседжаньне аблвыканкама і прэзідыюма аблсавета не дапусьцілі ні недзяржаўных журналістаў, ні проста грамадзянаў Рэспублікі Беларусь. Міліцыянтам-ахоўнікам далі два спісы прозьвішчаў людзей, якія ўдзельнічалі ў паседжаньні ці якім было дазволена прысутнічаць у зале. З прадстаўнікоў прэсы запрашэньне наведаць мерапрыемства атрымалі карэспандэнты Віцебскага абласнога тэлерадыёкамітэту, БелТА і двух выданьняў аблвыканкама і аблсавета – газэтаў “Віцебскі рабочы” ды “Народнае слова”.