Праваабарончы цэнтр «ВЯСНА»

Навіны за Чэрвень 2008

03.06.2008 Міліцыя не дазволіла ўстанавіць інфармацыйны стэнд ва ўрочышчы Курапаты

Супрацоўнікі Мінскага РУУС не дазволілі грамадскасці ўстанавіць інфармацыйны стэнд ва ўрочышчы Курапаты. Аб гэтым паведаміў БелаПАН старшыня секцыі "Мемарыял" беларускага добраахвотнага таварыства аховы помнікаў гісторыі і культуры Вячаслаў Сіўчык.

03.06.2008 Разгляд скаргі актывіста руху “За Свабоду” перанеслі

Слуханні па скарзе на звальненне гарадоцкага актывіста адкладзеныя на 11 чэрвеня.

03.06.2008 Гарадок: апазыцыянэр судзіцца за аднаўленьне на працы

Леанід Аўтухоў, актывіст з райцэнтру Гарадок Віцебскай вобласьці, спрабуе праз суд аспрэчыць сваё звальненьне. Раённае кіраўніцтва ЖКГ цьвердзіць, што ён звольнены па сканчэньні кантракту, але апазыцыянэр спадзяецца давесьці суду, што пры звальненьні мелі месца парушэньні працоўнага заканадаўства, а таксама перасьлед з палітычных матываў.

03.06.2008 Новыя допыты ў віцебскім КДБ

У абласную ўправу КДБ сёньня выклікалі актывістку Алену Залескую. Праз тэлефон яе запрасілі зьявіцца да сьледчага ў справе “лістоў ад “РНЕ”.

03.06.2008 5 чэрвеня ў Гародні будуць судзіць за канцэрт польскай групы

На 5 чэрвеня ў Ленінскім раённым судзе Гародні прызначаны судовы разгляд адміністратыўнай справы, распачатай супраць гарадзенскага праваабаронцы Віктара Сазонава і старшыні абласной арганізацыі АГП Юрыя Істоміна паводле ч.1 арт. 23.34 КаАП ("Парушэньне парадку арганізацыі і правядзеньня масавых мерапрыемстваў").

03.06.2008 Тэлевядоўца Юры Пракопаў прасіў прабачэньня

Журналіст першага канала тэлебачаньня Юры Пракопаў ў тэлефоннай размове з адвакаткай Верай Страмкоўскай папрасіў у яе прабачэньня за агалошаньне недакладных зьвестак.

03.06.2008 Вячаслаў Сіўчык зноў затрыманы

3 чэрвеня падчас правядзеньня жалобнай акцыі ў Курапатах, каля Крыжа пакутаў, быў затрыманы старшыня мемарыяльнай секцыі Вячаслаў Сіўчык. Гэта здарылася пасьля таго, як міліцыянтам не ўдалося затрымаць Юрася Беленькага. Затрыманьнем кіраваў намесьнік начальніка РАУС Менскага раёну Міхаіл Грыб, Вячаслаў Сіўчык дастаўлены ў пастарунак, у чым яго абвінавачваюць пакуль невядома.

03.06.2008 Аб'яднаныя дэмсілы сфармавалі спіс для акруговых выбарчых камісій

Аб'яднаныя дэкратычныя сілы сфармавалі спіс асобаў, якіх яны прануюць уключыць у акруговыя выбарчыя камісіі. У яго ўвайшлі такія вядомыя дзеячы, як спікеры Вярхоўнага Савета Станіславаў Шушкевіч і Мечыслаў Грыб, былыя міністры Аляксандр Сасноў і Павел Казлоўскі, а таксама былыя дэпутаты, старшыні гарсаветаў і г.д.

03.06.2008 Лідэра "Маладога Фронту" з Салігорску Івана Шылу выключаюць са школы

Сёньня, перад апошнім выпускным іспытам, спрабуюць выключыць са школы намесьніка старшыні Маладога Фронту Івана Шылу.

02.06.2008 Штрафы маладафронтаўцам Салаўёвай і Круткіну прызнаныя супрацьзаконнымі

Як даведалася кіраўніца Полацкай філіі Маладога Фронту Кацярына Салаўёва, ёй і моладзеваму актывісту Алесю Круткіну ня прыйдзецца аплочваць штрафы ў 30 базавых велічынь, якімі іх пакаралі 20 траўня ў Вушачах за распаўсюд друкаванай прадукцыі без выходных дадзеных.

02.06.2008 Суд адмовіў Анатолю Лябедзьку ў разглядзе іска наконт забароны яму на выезд за мяжу

Суд Цэнтральнага раёна Мінска адмовіў лідэру Аб'яднанай грамадзянскай партыі Анатолю Лябедзьку ў разглядзе іска наконт забароны яму на выезд за мяжу.

02.06.2008 У Брэсце адбыўся пікет супраць адмены дзіцячых ільготаў

Каля трыццаці актывістаў брэсцкай апазіцыі правялі 1 чэрвеня пікет, прымеркаваны да Міжнароднага дня абароны дзяцей.

02.06.2008 «Газета Слонімская» пераязджае ў нікуды

Зараз журналісты недзяржаўнага рэгіянальнага выдання «Газета Слонімская» занятыя выпускам чарговага нумару. Паралельна з выкананнем непасрэдных спраў яны пакуюць рэчы са сваіх працоўных месцаў. Да пятніцы 6 чэрвеня рэдакцыя адзінага ў Гродзенскай вобласці незалежнага выдання павінна цалкам ачысціць памяшканне, арандаванае ў мясцовага камбіната бытавога абслугоўвання.

02.06.2008 Правабаронца Сяржук Русецкі абскарджвае прысуд

Сябра Партыі БНФ, бярозаўскі праваабаронца Сяржук Русецкі падаў касацыйную скаргу ў абласны суд на рашэнне суду Бярозаўскага раёна ад 21 траўня. Ён просіць адмяніць папярэджанне, якое вынесла ячму суддзя Алла Зялёнка, за ўдзел у акцыі “Свечка памяці”, прымеркаванай да гадавіны аварыі на Чарнобыльскай АЭС.

02.06.2008 Праваабаронцы лічаць скасаваньне крымінальнай адказнасьці за дзейнасьць незарэгістраваных арганізацыяў прыярытэтнай задачай

29-30 траўня ў Доме правоў чалавека ў Вільні адбылася канфэрэнцыя “193-1: Бягучае становішча і шляхі пераадоленьня наступстваў”. Сустрэча, арганізаваная Асамблеяй няўрадавых дэмакратычных арганізацыяў Беларусі, была прысьвечаная праблеме крымінальнай адказнасьці за дзейнасьць незарэгістраваных грамадзкіх аб’яднаньняў. У мерапрыемстве прынялі ўдзел прадстаўнікі праваабарончых і іншых няўрадавых арганізацыяў Беларусі й замежжа, юрысты.