Праваабарончы цэнтр «ВЯСНА»

Навіны за Красавік 2008

03.04.2008 Літоўскім тэлежурналістам дагэтуль не вярнулі касету

«На сёння ніякага адказу ад беларускага боку на патрабаванне Літоўскага нацыянальнага тэлебачання (LRT) вярнуць адабраную 25 сакавіка касету з адзнятымі матэрыяламі і кампенсаваць выдаткі на рамонт зламанай падчас затрымання відэакамеры мы не атрымалі», — паведаміла 2 красавіка ў гутарцы з прэс-службай БАЖ карэспандэнт LRT Рута Рыбачаўскене.

03.04.2008 Беражкоў: НАК маўчыць больш за месяц, бо не ведае, што адказаць

Алімпійскі камітэт, у які ўплывовае спартовае выданне «Прессбол» больш за месяц таму накіравала скаргі на пазбаўленне акрэдытацыі на Алімпійскіх гульнях у Пекіне, ужо месяц у адказ маўчыць.

03.04.2008 Аляксей Шчарбакоў аштрафаваны за ўдзел у Дні Волі

1 красавіка ў судзе г.Баранавічы адбыўся разгляд адміністратыўнай справы Аляксея Шчарбакова, які быў сярод 14 затрыманых у Дзень Волі рэгіянальных актывістаў. Інвалід 2-й групы быў дастаўлены з пастарунку "хуткай дапамогай" у шпіталь, таму судовае паседжаньне па ягонай справе 26 сакавіка, калі судзілі астатніх, было адкладзенае. Аднак пасьля выхаду са шпіталю сп. Шчарбакову не ўдалося пазьбегнуць пакараньня за мірнае сьвяткаваньне 90-х угодкаў БНР.

03.04.2008 Суд арыштаваў Паліну Кур’яновіч на 10 сутак

Сёньня ў Цэнтральным судзе сталіцы адбылося судовае паседжаньне па справе затрыманай напярэдадні моладзевай актывісткі Паліны Кур'яновіч. Судзьдзя Тацяна Паўлючук прызнала дзяўчыну віноўнай у адміністратыўным правапарушэньні па арт. 23.34 КаАП РБ (Парушэньне парадку арганізацыі і правядзеньня масавых мерапрыемстваў) і вынесла пакараньне ў выглядзе адміністратыўнага арышту тэрмінам на 10 сутак.

03.04.2008 Новыя санкцыі Эўрасаюзу супраць Беларусі

Паводле інфармацыі «НН» з дыпляматычных крыніцаў, 7 красавіка, у панядзелак, будуць абвешчаныя новыя санкцыі Эўрасаюзу супраць Беларусі. Пакуль не вядома, супраць каго будуць скіраваныя тыя санкцыі. Малаімаверна, што гэта будуць санкцыі эканамічнага характару. Чакаецца, што гэта будуць, як і раней, сымбалічныя крокі.

03.04.2008 Чарнобыльскі Шлях пачнецца каля Акадэміі навук у 14 гадзін

3 красавіка на сядзібе Партыі БНФ адбылося другое паседжаньне Аргкамітэту АДС правядзеньня Чарнобыльскага Шляху. Сябры Аргкамітэту абмеркавалі варыянт заяўкі, якая будзе пададзеная ў Менгарвыканкам да 10 красавіка. Было вырашана, што акцыя пачнецца 26 красавіка а 14:00 на пляцоўцы каля Акадэміі навук. Далей мяркуецца прайсьці шэсьцем да пляцу Незалежнасьці.

03.04.2008 Завод у Дружным сур’ёзна пагражае Менску

Пра гэта заяўляе ня толькі грамадзкі аргкамітэт, але й шэраг беларускіх навукоўцаў-хімікаў, практыкаў зь Менскай ТЭЦ-5.

02.04.2008 Сябра БАЖ спрабуе абскардзіць мінулагодняе папярэджанне

1 красавіка сябра БАЖ Любоў Праневіч накіравала на імя старшыні Вярхоўнага Суда РБ скаргу на пастанову суда Маскоўскага раёна Брэста, паводле якой журналістка ў верасні мінулага году атрымала папярэджанне за ўдзел у прэзентацыі кнігі Паўла Севярынца «Лісты з лесу». 1 красавіка сябра БАЖ Любоў Праневіч накіравала на імя старшыні Вярхоўнага Суда РБ скаргу на пастанову суда Маскоўскага раёна Брэста, паводле якой журналістка ў верасні мінулага году атрымала папярэджанне за ўдзел у прэзентацыі кнігі Паўла Севярынца «Лісты з лесу».

02.04.2008 Віцебск: апазыцыянэры абураныя ўмовамі ў ізалятары

Зь віцебскага сьледчага ізалятару выйшлі сябры Кансэрватыўна-Хрысьціянскай Партыі БНФ Ян Таўпыга і Алесь Пазьняк, якія адбылі 8 сутак арышту за акцыю на Дзень Волі 25 сакавіка.

02.04.2008 Белсат можа закрыцца ўжо ў верасьні

Пра гэта паведаміла кіраўнічка тэлеканала Агнешка Рамашэўская ў інтэрв’ю польскаму выданню «Dziennik».

02.04.2008 За пікет каля расейскай амбасады затрыманыя дзьве дзяўчыны

2 красавіка моладзевыя актывісты (у асноўным – прадстаўнікі руху "Джынс за свабоду") паспрабавалі правесьці пікет ля сьценаў расейскага дыпляматычнага прадстаўніцтва ў Менску. Пікет быў прымеркаваны да Дня г.зв. яднаньня народаў Расеі і Беларусі.

02.04.2008 У Менск прыляцеў кіраўнік офісу Эўракамісіі

1 красавіка ў Беларусь прыехаў часовы павераны Эўракамісіі ў справах Беларусі Жан-Эрык Хольцапфэль. Ён будзе ўзначальваць офіс Эўракамісіі ў Менску, пагадненьні аб адкрыцьці якога было падпісана 7 сакавіка ў Брусэлі. Што можна сказаць пра гэтага дыплямата? Наколькі шырокія функцыі будзе мець офіс Эўракамісіі ў Менску? На гэтыя пытаньні адказвае палітоляг Андрэй Фёдараў.

02.04.2008 Марачкін патрабуе вярнуць свае карціны

1 красавіка мастак і грамадзкі дзеяч, старшыня міжнароднага грамадскага аб’яднаньня «Згуртаваньне беларусаў сьвету «Бацькаўшчына» Аляксей Марачкін накіраваў ва УУС Цэнтральнага раёну Мінску заяву аб вяртаньні сваіх канфіскаваных твораў выяўленчага мастацтва.

02.04.2008 БАЖ звярнуўся ў Пракуратуру РБ, КДБ і пракуратуру г. Мінска

1 красавіка ГА «Беларуская асацыяцыя журналістаў» паўторна звярнулася да генеральнага пракурора Беларусі Рыгора Васілевіча ў сувязі з ператрусамі, якія супрацоўнікі КДБ правялі ў кватэрах незалежных журналістаў і шэрагу офісаў 27 і 28 сакавіка.

02.04.2008 Ці хочаце вы супрацоўнічаць з нашчадкамі НКВД?

Некаторых з арыштаваных за ўдзел у дэманстрацыі 25 сакавіка 2008 г. моладзевых актывістаў у Цэнтры ізаляцыі правапарушальнікаў (Акрэсцьна) наведвалі супрацоўнікі КГБ.