Праваабарончы цэнтр «ВЯСНА»

Навіны за Красавік 2008

11.04.2008 Арганізатар пратэсту супраць хімзаводу асуджаны

Суд Пухавіцкага раёну пакараў жыхара пасёлку Дружны Сяргея Абразоўскага штрафам 1.400 тысяч рублёў. Яго зьвінавацілі ў арганізацыі несанкцыянаванага мітынгу супраць будаўніцтва хімзаводу. Спадар Абразоўскі сябе вінаватым не прызнае і заяўляе, што будзе абскарджваць рашэньне.

11.04.2008 Людвісе Атакулавай пагражаюць адлічэньнем з вучобы

10 красавіка ўдзень актывістка Маладога Фронту Людвіся Атакулава была выклікана ў дэканат факультэта БДЭУ “Вышэйшая школа турызму”, дзе дзяўчына навучаецца на 3-ім курсе. Людвісі паведамілі, што ў бліжэйшы час яна будзе адлічана з універсітэту за пропускі заняткаў.

11.04.2008 «Працэс 14-ці» ператвараецца ў «працэс 10-ці»

Аляксандра Баразенку, Паўла Вінаградава, Міхаіла Субача і непаўнагадовага Максіма Дашука, якія праходзяць па крымінальнай справе за вулічныя маніфэстацыі 10 студзеня, ня будуць судзіць 16 красавіка разам з іншымі паплечнікамі. Справа ў тым, што гэтая чацьвёрка несвоечасова азнаёмілася з матэрыяламі крымінальнай справы, таму працэс над імі і перанесьлі. Дата судовага паседжаньня па гэтых актывістах пакуль ня вызначаная.

11.04.2008 Генеральны пракурор перанакіраваў зварот БАЖ у мінскую пракуратуру

Генеральная пракуратура РБ перанакіравала зварот БАЖ у пракуратуру г. Мінска. Пра гэта паведамляецца ў лісце, які журналісцкая арганізацыя 10 красавіка атрымала ад генеральнага пракурора Рыгора Васілевіча ў адказ на свой нядаўні зварот у звязку з ператрусамі ў журналістаў.

10.04.2008 Пракуратура разьбіраецца, як у Менску зносяць помнікі

Супрацоўнікам УУС Цэнтральнага раёну Менску даручана правесьці праверку па факце разбурэньня помніку архітэктуры XIX стагодзьдзя па вуліцы Рэвалюцыйная, 17

10.04.2008 Насту Палажанку хочуць выключыць са школы

9 красавіка адміністрацыя школы №37, дзе навучаецца 17-гадовая намесьніца старшыні Маладога Фронту Наста Палажанка, прапанавала дзяўчыне напісаць заяву аб добраахвотным сыходзе са школы, ад чаго маладафронтаўка, безумоўна, адмовілася.

10.04.2008 Мясцовыя ўлады адмаўляюць у правядзеньні акцыі напаміну пра чарнобыльскую трагедыю

Калінкавіцкі райвыканкам ня даў дазволу чарнобыльскаму ліквідатару, інваліду Васілю Сіліверсту на правядзеньне 12 і 13 красавіка пікетаў пад назваю “Чарнобыль — наш боль”.

10.04.2008 Сяброў апазыцыі звальняюць з прыватных фірм

У віцебскіх актывістаў пасьля акцыяў у Дзень Волі пачаліся праблемы на працы.

10.04.2008 Праваабаронцы накіравалі заявы ў Дзяржаўны мытны камітэт у сувязі з даглядамі пры перасячэньні мяжы

Апошнім часам пры выездзе за мяжу праваабаронцы Алесь Бяляцкі і Валянцін Стэфановіч кожны раз падвяргаюцца пільнаму дагляду асабістых рэчаў на падставе нейкай "службовай інфармацыі". У сувязі з гэтым яны зьвярнуліся ў Дзяржаўны мытны камітэт з заявамі, дзе просяць даць тлумачэньні падобным дзеяньням мытнікаў і азнаёміць іх з так званай службовай інфармацыяй. Заявы Алея Бяляцкага і Валянціна Стэфановіча прыводзім цалкам, каб любы мог выкарыстаць іх у якасьці ўзору напісаньня падобнага дакументу, калі хто-небудзь таксама сутыкаецца з такой праблемай.

10.04.2008 Хімзавод узьняў народ

Сёньня ў судзе Пухавіцкага раёну адбудзецца суд над жыхаром пасёлка Дружны Сяргеем Абразоўскім. Яго вінавацяць у арганізацыі недазволенага шэсьця і мітынгу пратэсту супраць будаўніцтва заводу па вытворчасьці ядахімікатаў.

10.04.2008 Людвісі Атакулавай далі 1 225 000 рублёў штрафу

Учора ў Полацку ўрэшце вынесена судовае рашэньне моладзевай актывістцы, затрыманай 8 красавіка пасьля суду над Касяй Салаўёвай. Яна аштрафаваная на 35 базавых велічыняў -- 1 млн 225 тыс. рублёў. Людвіся была затрыманая ў Полацку, калі машынай зьяжджала ад будынку суду. Ноч дзяўчына правяла ў ізалятары часовага ўтрыманьня.

10.04.2008 Новыя крымінальныя справы супраць маладафронтаўцаў?

На актывістаў моладзевай арганізацыі «Малады Фронт» — Насту Палажанку й Аляксея Янушэўскага за дзейнасьць ад імя незарэгістраванай арганізацыі заведзеныя новыя крымінальныя справы паводле 193.1 артыкулу Крымінальнага кодэксу Беларусі, паведамляе "Наша ніва".

09.04.2008 Падзеі 27 сакавіка атрымалі нечаканы працяг у Магілёве

Ад пачатку тыдня ў мясцовых ВНУ на патрабаванне адмысловага ліста Міністэрства адукацыі пачаліся прафілактычныя гутаркі ў рэктаратах – цяпер усе студэнты і выкладчыкі мусяць узгадняць з дэканатам ці рэктаратам усе свае замежныя паездкі.

09.04.2008 Працягваюцца рэпрэсіі супраць актывістаў моладзі БНФ

8 красавіка сябра Рады моладзі БНФ, старшыня Кастрычніцкай Рады Партыі БНФ, студэнт механіка-матэматычнага факультэта БДУ Сяржук Карповіч атрымаў вымову ад рэктара свайго ўнівэрсітэта Васіля Стражава.

09.04.2008 Гомельскі сябра БАЖ патрабуе, каб КДБ пакінула яго ў спакоі

Грамадскі актывіст, юрыдычны дарадца Гомельскай гарадской арганізацыі БАЖ Леанід Судаленка 7 красавіка накіраваў начальніку ўпраўлення КДБ па Гомельскай вобласці заяву пра адмову супрацоўнічаць з органамі дзяржбяспекі.