Праваабарончы цэнтр «ВЯСНА»

Навіны за Красавік 2008

14.04.2008 На Ігара Банцара склалі пратакол

На гродзенскага журналіста Ігара Банцара складзены пратакол за знаходжанне ў памежнай зоне без адпаведных дакументаў.

14.04.2008 В.Стэфановіч: “Артыкул 193.1 не сумяшчальны з судовай практыкай Эўропы”

Беларускія юрысы і праваабаронцы адказалі на пытаньне: “Калі б заўтра не Пургурыдэс, а вы выйшлі на трыбуну, што б вы сказалі эўрадэпутатам?”

14.04.2008 Пажарнікі закрылі офіс АГП у Гродне

Дзяржаўны інспектар па пажарнаму нагляду Іван Койта афіцыйна забараніў старшыні гродзенскай абласной арганізацыі Аб’яднанай грамадзянскай партыі Юрыю Істоміну выкарыстоўваць партыйны офіс для правядзення мерапрыемстваў, на якія збіраецца больш за 15 чалавек.

14.04.2008 Журналіст Андрэй Шобін зьвярнуўся ў пракуратуру са скаргай

Журналісты, у якіх 27 і 28 сакавіка супрацоўнікі спецслужбаў правялі ператрусы і забралі маёмасць, пачалі скардзіцца ў органы правапарадку. Днямі сябра БАЖ з Бабруйску Андрэй Шобін накіраваў у пракуратуру г. Мінска і Генеральную пракуратуру скаргу на дзеянні сілавікоў і хадайніцтва аб вяртанні яго асабістых рэчаў.

14.04.2008 Спатканьне А.Казуліна з дочкамі пад пагрозай зрыву

Пад пагрозай зрыву аказалася доўгатэрміновае спатканьне Аляксандра Казуліна з дочкамі Вольгай і Юляй, якое раней плянавалася на 26 красавіка.

14.04.2008 Не выпішаш дзяржаўную раёнку – патрапіш у «чорны» спіс на старонках газеты

«Таму лепш загадзя падумаць пра свой аўтарытэт і паспяшацца на пошту», — піша валожынская дзяржаўная раённая газета «Працоўная слава» (Мінская вобл.), звяртаючыся да жыхароў раёна. Гэткім чынам выданне мясцовага райвыканкама імкнецца заахвоціць да падпіскі сваіх патэнцыйных чытачоў. «Прозвішчы людзей, якія свядома ігнаруюць падпіску на „Працоўную славу“, нам рэгулярна прадстаўляюць паштальёны», — папярэджвае газета.

14.04.2008 У Светлагорску салдаты адпрацоўваюць "дзеянні пры масавых беспарадках"

Днямі прайшлі вайсковыя вучэнні. Іх сцэнар быў такі: нібыта ў горадзе адбываюцца масавыя беспарадкі.

14.04.2008 Дата пачатку судовага паседжаньне па справе Сяргея Парсюкевіча зноўку невядомая

Пра гэта БелаПАН паведаміла яго адвакат Вера Страмкоўская. Раней зазначалася, што працэс прызначаны на 16 красавіка ў судзе Маскоўскага раёну сталіцы.

14.04.2008 Затрыманых польскіх грамадзян, Анжаліку Борыс і Ігара Банцара адпусьцілі

13 красавіка памежнікамі Гродзенскага атрада ў Воранаўскім раёне ў вёсцы Радунь прыкладна ў 10 км ад беларуска-польскай мяжы былі затрыманыя нефармальны лідэр грамадскага аб'яднання "Саюз палякаў у Беларусі" Анжаліка Борыс, карэспандэнт часопіса "Magazyn Polski" Ігар Банцэр і восем польскіх грамадзян.

14.04.2008 У Страсбургу прачытаюць даклад пра злоўжыванні ў Беларусі

Веснавая сесія Парламенцкай Асамблеі Рады Еўропы пачынаецца сёння ў Страсбургу. На ёй 15 красавіка будзе прадстаўлены даклад пра злоўжыванні ў сістэме крымінальнага правасуддзя ў Беларусі.

14.04.2008 У Лідзе затрыманы мікрааўтобус, які ехаў на адкрыцьцё мастацкай выставы ў Горадню

Супрацоўнікі лідзкай міліцыі 13 красавіка спынілі на шашы мікрааўтобус, які накіроўваўся ў Горадню. У аўтобусе ехалі музыкант Андрэй Плясанаў, рэжысэр Валер Мазынскі, прэс-сакратар АГП Кацярына Ткачэнка, маладыя барды Павал Кузіч і Зьміцер Казлоў, сябра Сойму Партыі БНФ Франак Вячорка.

11.04.2008 У Барысаве адбылася акцыя “За чысты горад”

Сёньня раніцай у Барысаўскі райвыканкам былі аднесеныя каля двух тысяч подпісаў жыхароў мікрараёну Ватуціна супраць высечкі тамтэйшага сасновага бору. На яго месцы ўлады плянуюць пабудаваць шматкватэрны дом, што пагоршыць і без таго дрэнную экалягічную сытуацыю.

11.04.2008 Пачалася неафіцыйная кампанія па выбарах дэпутатаў

Актывісты “Моладзі БНФ” перадалі ў парламент некалькі соцень подпісаў выбаршчыкаў з патрабаваннем зладзіць сустрэчы з дэпутатамі Гайдукевічам і Крукам, якія зноў збіраюцца балатавацца. Кіраўнік ЛДП адрэагаваў на зварот.

11.04.2008 Павел Левінаў спыняе галадоўку

Вядомы віцебскі праваабаронца Павел Левінаў у чацвер прыняў рашэнне аб спыненні галадоўкі, якую ён трымаў 14 сутак, з іх першыя два с паловай дні – “сухой”.

11.04.2008 Не канферэнцыя, а прафанацыя

10-11 красавіка ў Гародні праходзіла навуковая канферэнцыя “Гродна і гродзенцы: дзевяць стагоддзяў гісторыі”, прымеркаваная да 880-ых угодкаў гораду, якія сёлета адзначае ўлада. І хоць канферэнцыя была абвешчаная як міжнародная, склад яе ўдзельнікаў і зьмест дакладаў выклікае натуральны здаровы скепсіс.