Праваабарончы цэнтр «ВЯСНА»

Навіны за Красавік 2008

16.04.2008 Незалежным прафсаюзам у 10 разоў падвысілі арэндную плату

З красавіка 2008 году ўступаюць у сілу зьмены ва Ўказ прэзыдэнта №495, згодна зь якімі стаўка арэнднай платы для грамадзкіх арганізацыяў падвышаецца ў 10 разоў. Кіраўніцтва Беларускага незалежнага прафсаюзу зьвярнулася ў Рэспубліканскую камісію па ўпарадкаваньні выкарыстаньня адміністрацыйных будынкаў, у Генэральную пракуратуру, Міністэртства працы з патрабаваньнем абараніць арганізацыі ад дыскрымінацыі.

16.04.2008 У Менску ідзе суд па “Працэсу 14-ці” (аднаўляецца)

У судзе Цэнтральнага раёну сталіцы судзьдзя Алена Ільіна разглядае крымінальную справу па па ч.1 арт. 342 КК РБ – “Арганізацыя альбо актыўны ўдзел у групавых дзеяньнях, якія груба парушаюць грамадзкі парадак ", па якой праходзяць 14 моладзевых актывістаў. Сёньня на лаве падсудных 10 чалавек: Андрэй Кім, Міхаіл Пашкевіч, Аляксей Бондар, Уладзімер Сяргееў, Арцём Дубскі, Алесь Стральцоў, Алесь Чарнышоў, Антон Койпіш, Міхаіл Крываў і Тацяна Цішкевіч. Аляксандра Баразенку, Паўла Вінаградава, Міхаіла Субача і непаўнагадовага Максіма Дашука будуць судзіць пазьней, бо яны несвоечасова азнаёмілася з матэрыяламі справы. Андрэй Кім абвінавачваецца адразу па двух крымінальных артыкулах за дзьве акцыі прадпрымальнікаў - 10 і 21 студзеня.

15.04.2008 Пазьняк параўнаў дэмантаж помніка Багдановічу з парваньнем сьцяга Ціцянковым

«11‑га красавіка, адбылася дрэнная падзея, якая па значэньні для народу роўная публічнаму парваньню Сьцяга зграяй Ціцянкова і зьняцьцю Пагоні з Дому Ўраду. Рэжым дэмантаваў помнік Багдановічу ў Менску пад выглядам пераносу ў іншае месца», — зазначае Зянон Пазьняк у артыкуле на сайце «Беларуская салідарнасьць».

15.04.2008 Пракуратура адмовілася заводзіць справу супраць віцебскіх міліцыянтаў

Віцебскі праваабаронца Павал Левінаў зьвярнуўся ў пракуратуру Першамайскага раёну, каб ініцыяваць крымінальную справу супраць віцебскіх міліцыянтаў за непраўдзівыя сьведчаньні. Але пракуратура адмовіла праваабаронцу, які трапіў пад суд па абвінавачаньнях, выкладзеных у міліцэйскіх пратаколах.

15.04.2008 Расьце кошт бясплатнай адукацыі

З траўня 2008-га ў Магілёўскім дзяржунівэрсітэце харчаваньня ўводзяцца платныя адпрацоўкі прапушчаных практычных і сэмінарскіх заняткаў. Выкладчыкі адмаўляюць студэнтам адпрацоўваць прапушчанае ў красавіку – чакаюць траўня.

15.04.2008 У Гомелі працягваюць дапытваць удзельнікаў гістарычнай экскурсіі

Журналістка Таццяна Бублікава і праваабаронца Анатоль Паплаўны былі дапытаныя 14 красавіка ў Навабеліцкім РАУС Гомеля наконт удзелу ў гістарычнай экскурсіі, прымеркаванай да 90-годдзя абвяшчэння БНР.

15.04.2008 "Пакаранне смерцю зьяўляецца апошняй формай адмаўлення правоў чалавека, якая парушае нормы і каштоўнасці Рады Еўропы".

Спэцдакладчык ПАРЭ заклікаў Беларусь увесьці мараторый на пакараньне сьмерцю. «Я заклікаю вас стаць першапраходцамі на шляху ўвядзення мараторыя на пакаранне смерцю ў Беларусі як прамежкавага кроку ў кірунку поўнага яго адмены», — гаворыцца ў адкрытым лісце дакладчыка Парламенцкай асамблеі Рады Еўропы (ПАРЕ) Андрэа Рыгоні на імя старшыні Палаты прадстаўнікоў Вадзіма Папова і старшыні Савета Рэспублікі Генадзя Навіцкага, паведамляе прэс служба ПАСЕ.

15.04.2008 Дэмакратычны FREESTYLE для Беларусі

У сераду, 16 красавіка, ў Варшаве адбудзецца ўнікальная акцыя салідарнасьці з Беларусьсю.Найбольш папулярныя польскія хіп-хоп фрыстайлісты пакажуць сваё майстэрства для беларусаў.

15.04.2008 Ужо пачалі даваць суткі за "Чарнобыльскі шлях"

У Першамайскім судзе Менску на 14 сутак адміністратыўнага арышту асуджаны незалежны журналіст з Барысава, сябра БАЖ Анатоль Удавічэнка на падставе ч.1 арт. 23.34 КаАП РБ. Судзьдзя Ала Яшчанка, якая разглядала справу, прызнала яго віноўным у распаўсюдзе налепак з заклікам прыняць удзел у несанкцыянаваным масавым мерапрыемстве "Чарнобыльскі шлях".

15.04.2008 Зьміцер Лісеенка асуджаны на 10 гадоў

10 гадамі пазбаўленьня волі пакараны актывіст партыі "Грамада" Зьміцер Лісеенка. Яго абвінавацілі ў тым, што ён захоўваў наркотыкі і фальшывыя грошы.

15.04.2008 КДБ “капае” пад “Малады фронт”

У панядзелак, 14 красавіка, актывістцы незарэгістраванага “Маладога Фронту” з Гародні Хрысьціне Марчук тэлефанавалі з абласнога адзьдзела КДБ і папрасілі прыйсьці на размову.

15.04.2008 Віцебскі прадпрымальнік атрымаў палітычны прытулак у Польшчы

Беларускі прадпрымальнік Ануфрый Рамановіч не будзе выдадзены Беларусі. Паводле рашэння Акружнога суда Беластока, экстрадыцыя беларуса з’яўляецца юрыдычна недапушчальнай.

14.04.2008 Салігорскія маладафронтаўцы ізноў аштрафаваныя

11 красавіка адміністратыўная камісія Салігорскага гарвыканкаму разгледзела адміністратыўныя справы мясцовых маладафронтаўцаў за ўдзел у несанкцыянаваных масавых мерапрыемствах і прысудзіла да выплаты быйных штрафаў.

14.04.2008 Сяргея Парсюкевіча будуць судзіць 22 красавіка

У панядзелак стала вядома, што крымінальны суд над віцебскім прадпрымальнікам Сяргеем Парсюкевічам адбудзецца 22 красавіка, паведаміла «НН» адвакатка Вера Страмкоўская. Працэс пачнецца ў Маскоўскім судзе сталіцы а 12 гадзіне, судзьдзём прызначаны Уладзімер Аўдзеенка.

14.04.2008 Акт вандалізму ў Смаргоні

У ноч з 9 на 10 красавіка у Смаргоні проста па-злодзейскі быў скрадзены "камень Расьціслава Лапіцкага" і крыж усталяваны побач. Калі сябры Моладзі БНФ прыйшлі на тое месца, то апроч вялікай дзіркі ў зямлі і вырванага крыжа нічога не ўбачылі. Пры тым вандалы вырвалі адно з маладых дрэўцаў, што расло побач. Старшыня суполкі лічыць, што гэтае злачынства магло быць зьвязанае са спаборніцтвам па бегу, арганізаванае БРСМ, шлях якога праходзіў недалёка.