Праваабарончы цэнтр «ВЯСНА»

Навіны за Сакавік 2008

07.03.2008 ААН разгледзіць скаргі Мархоткі

Грамадзкі актывіст і прадтсаўнік Беларускага Хэльсінскага Камітэту па правох чалавека ў Салігорскім рэгіёне адтрымаў адказ ад Камітэту па правох чалавека Арганізацыі Аб'яднаных Нацый (КПЧ ААН).

07.03.2008 Правілы супраць апазіцыі?

Міністэрства адукацыі, прыняўшы пастанову «Аб сцвярджэнні Інструкцыі аб парадку правядзення прафесійна-псіхалагічнай гутаркі або тэставанні ў вышэйшых вучэбных установах», ізноў змяніла правілы паступлення ва ўніверсітэты краіны. Чарговы год запар улада бажыцца, што вось гэтыя правілы – на гадоў пяць як мінімум, – і зноў праз пэўны час уводзіць абітурыентаў у стан панікі.

07.03.2008 Новы абвінавачаны ў справе за мітынг 10 студзеня

20 гадовы Антон Койпіш зьвінавачаны ў парушэньні парадку і ў актыўным удзеле ў мітынгу прадпрымальнікаў 10 студзеня ў Менску. Сярод іншага хлопцу інкрымінуецца перакрыцьцё праспэкту Незалежнасьці. Антону Койпішу пагражае да трох гадоў зьняволеньня, а ў найлепшым выпадку — штраф. Антон Койпіш атрымаў паведамленьне пра адлічэньне з чацьвертага курсу мэханіка матэматычнага факультэту БДУ. Антон Койпіш — чатырнаццаты чалавек, які фігуруе ў крымінальнай справе, заведзенай у сувязі зь менскімі падзеямі 10 студзеня 2008 году.

06.03.2008 «Прессбол» пагражае Алімпійскаму камітэту судом

Як стала вядома Еўрарадыё, у газеты «Прессбол» яшчэ ёсць магчымасць вярнуць сабе акрэдытацыю на Алімпіядзе-2008 у Пекіне і накіраваць туды сваіх журналістаў. Такую магчымасць прызнаюць нават у Нацыянальным Алімпійскім камітэце.

06.03.2008 Шчукін таксама ў сьпісе невыязных

Яшчэ адзін вядомы апазыцыянэр стаў невыязным. За мяжу ня выпусьцілі былога дэпутата парлямэнту Валера Шчукіна. «Днямі спрабаваў абсалютна легальна перасячы беларускую мяжу — мяне запрасілі ў Нямеччыну, — расказаў Валер Шчукін “Белорусскому партизану”. — Аднак памежнікі ня выпусьцілі з краіны — сказалі, што маё прозьвішча пазначана ў сьпісе тых, каму забаронена пакідаць межы Беларусі.

06.03.2008 Зьмітра Жалезьнічэнку пакінулі ў войску

Судзьдзя Цэнтральнага райсуду Гомеля Жанна Андрэйчык не падтрымала скаргу маці актывіста і прызнала законным адлічэньне Зьмітра з Гомельскага універсітэту.

05.03.2008 Ператрус у Бабруйску

У другой палове дня 5 сакавіка да праваабаронцы Ігара Ходзькі завітала дэпутацыя ў складзе мясцовага ўчастковага, прадстаўніка міністэрства па надзвычайных сітуацыях і невядомага чалавека ў цывільным.

05.03.2008 “Беларускі тыдзень” у Страсбургу

10–13 сакавіка ў Страсбургу ў рамках чарговай сесіі Еўрапарламента пройдуць мерапрыемствы ў гонар 90-годдзя абвяшчэння Беларускай Народнай Рэспублікі пад назовам «Беларускі тыдзень».

05.03.2008 Зьміцер Дашкевіч атрымаў ордэн

Гэта ордэн Свабоды імя Кастуся Каліноўскага, зроблены з бронзы скульптурам Алесем Шатэрнікам. На ордэне – выява Кастуся Каліноўскага, на звароце надпіс: “Жыві ў свабодзе!”.

05.03.2008 Гродзенскія ідэолагі і пажарныя цікавяцца праваабарончымі дакументальнымі фільмамі

Галоўны ідэолаг гораду Сяргей Дубавец і прадстаўнікі МНС наведалі памяшканне Таварыства Беларускай Школы, дзе сёння пачынаецца фестываль фільмаў “Адзін свет-2008”. А кіраўніка чэшскай амбасады Уладзіміра Румла падчас экскурсіі па старажытнаму гораду ўвесь час здымалі на відэа незнаёмцы ў цывільным.

05.03.2008 Тэрмін разлікаў па зыску для «Новага Часу» падоўжаны

Суд Першамайскага раёна падоўжыў тэрмін «добраахвотнага разліку» выдаўцоў газеты «Новы Час» па зыску Мікалая Чаргінца да 7 сакавіка. Адпаведную заяву рэдакцыя падала ў суд на мінулым тыдні.

05.03.2008 12 сакавіка ў Мінску павінен адбыцца суд над пенсіянерам Віктарам Ракусевічам, якога абвінавачваюць у пагрозах прэзідэнту.

Абвінавачаны адмаўляе сваю віну, спасылаючыся на невядомага злачынцу і на сваю прыхільнасць да дзеючай улады.

05.03.2008 Сяргіец Максім арыштаваны на пяць сутак

Такое рашэньне прыняла судзьдзя Цэнтральнага райсуду сталіцы Тацяна Паўлючук. Моладзевы актывіст разам з двума сябрамі быў затрыманы ўчора ў тралейбусе нібыта за налепкі з заклікам прыняць удзел у акцыі, прымеркаванай да 25 сакавіка. Сябраў адпусьцілі з пастарунку, а Максіма Сяргейца пакінулі пад вартай да суду.

05.03.2008 Суд указаў райвыканкаму на парушэнні заканадаўства

Суд Светлагорскага раёну пакінуў без змяненняў рашэнне мясцовай улады аб забароне пікетаў, але прыняў асобную пастанову аб парушэнні выканкамам Закону аб масавых мерапрыемствах.