Праваабарончы цэнтр «ВЯСНА»

Навіны за Сакавік 2008

21.03.2008 Заяўнікам акцыі паабяцалі, што 25 сакавіка ўсе яны будуць на Акрэсціна

Заяўнікам акцыі з нагоды святкавання Дня Волі не дазволі сабрацца ў азначаным месцы, адправіўшы іх па традыцыі на Бангалор. Да таго ж у Мінгарвыканкаме папярэдзілі, што ў выпадку непадпарадкавання арганізатары мерапрыемства акажуцца ў спецразмеркавальніку на Акрэсціна

21.03.2008 У Гомелі затрымалі Андрэя Цянюту

У Гомелі ўвечары 20 сакавіка быў затрыманы актывіст моладзевага нацыянальнага руху Малады Фронт, Андрусь Цянюта. Хлопца схапілі перад пад'ездам дома, дзе жыве маладафронтавец супрацоўнікі міліцыі.

21.03.2008 30 сакавіка Варшава загаворыць па-беларуску!

30 сакавіка ў Варшаве адбудзецца канцэрт “Салідарныя з Беларуссю”. У канцэрце прымуць удзел як беларускія, так і польскія зоркі року і поп-музыкі, якія выканаюць вядомыя ў сваіх краінах хіты ў новых, двухмоўных аранжыроўках.

20.03.2008 Зьмітра Касьпяровіча перавялі ў шпіталь

У яго канстатавалі гіпэртанічны крыз. Сёньня Зьмітра Касьпяровіча перавялі ў турэмны шпіталь. Як паведаміў Зьміцер, у яго абвастрыліся праблемы са здароўем: мэдыкі канстатавалі гіпэртанічны крызіс, а на заўтра яму прызначылі абсьледваньне, якое датычыць хваробы сьпіны. «Пачуваюся сярэдне» – акрэсьліў свой цяперашні стан Зьміцер.

20.03.2008 Андрэя Кіма пачнуць судзіць 1 красавіка

Cтала вядома, што суд над моладзевым актывістам Андрэем Кімам адбудзецца ў аўторак 1 красавіка. Працэс пачнецца а 14 гадзіне ў судзе Цэнтральнага раёну Менску. Справу будзе весьці судзьдзя Алена Ільіна

20.03.2008 Баранавіцкія апазіцыянеры павіншавалі мясцовую ўладу з 90-мі ўгодкамі Беларускай Народнай Рэспублікі

19 сакавіка 2008 года сябры партыі БНФ Сяргей Гоўша і Віктар Мязяк разам з іншымі прадстаўнікамі палітычных партый і арганізацый Віктарам Сырыцам – “Рух “За свабоду”, Вячаславам Болбатам – БСДП(Г), Карнеем Пятровічам – БСДГ павіншавалі вышэйшае кіраўніцтва горада Баранавічы з 90-мі ўгодкамі Беларускай Народнай Рэспублікі.

20.03.2008 Помніку Уладзімеру Караткевічу ў Оршы патрэбная дапамога

У Воршы, на месцы, дзе некалі размяшчаўся дом Уладзіміра Караткевіча, а зараз усталяваны помнік славутаму беларускаму пісьменьніку, тэрмінова ўзводзіцца грамадская прыбіральня. Час прыспешвае будаўнікоў – сёлета ў Оршы пройдуць “Дажынкі”. Ну а помнік з тэрыторыі Прыдняпроўскага парку плануецца перанесьці ў іншае месца.

20.03.2008 На старшыню суполкі Моладзі БНФ з Рэчыцы ціснуць праз бацькоў

19 сакавіка на працу да маці Ігара Міхалеўскага, старшыні Рэчыцкай суполкі Моладзі БНФ, прыходзіў супрацоўнік КДБ, які пужаў жанчыну штрафамі ў дачыненьні да сына і, нават, пакараньнямі ў выглядзе адміністратыўнага арышту, калі хлапец ня спыніць сваю дзейнасьць.

20.03.2008 Аляксандру Казуліну паўторна адмоўлена ў змякчэнні пакарання

Пра гэта паведаміў “Інтэрфакс” са спасылкай на суразмоўцаў у калоніі “Віцьба-3”, дзе сядзіць палітык.

19.03.2008 Затрымалі наклады газэтаў “Народная воля” і “Товарищ”

Намесьнік галоўнага рэдактара газэты “Товарищ” Зьміцер Яненка распавёў Радыё Свабода: “Як звычайна, у сераду мы везьлі адной машынай чарговыя нумары дзьвюх газэтаў – нашай і “Народнай волі” са Смаленску, дзе іх друкуюць у тыпаграфіі. Як толькі машына ўехала на беларускую тэрыторыю, яе затрымалі супрацоўнікі ДАІ. Пасьля 40-хвіліннай праверкі дакумэнтаў кіроўцу машыны загадалі ехаць у Дубровенскі РАУС”.

19.03.2008 Скульптару Гэніку Лойку пагражае звальненьне з працы

Таленавітаму скульптару, аўтару славутых пленэраў “Легенда зь пяску” Гэніку Лойку пагражаюць магчымым звальненьнем з працы. Пра гэта выкладчыку скульптуры паведаміла кіраўніцтва Мінскай сярэдняй школы №185, дзе ён працуе.

19.03.2008 Вычварэнскія версіі мазырскай міліцыі пра абрад ахвярапрынашэньня чалавека

Пастар Царквы “Ісуса Хрыста” Мазыра патрабуе ад начальніка РАУСа разбіральніцтваў наконт лжывай інфармацыі пра абрад ахвярапрынашэння чалавека. Абрад, па словах супрацоўніка міліцыі, меў адбыцца ў будынку, дзе зарэгістравана царква.

19.03.2008 Кастуся Жукоўскага пакаралі арыштам за віншавальныя паштоўкі

Судзьдзя Цэнтральнага раёну Гомеля Марына Дамненка пакарала сябра аргкамітэту БХД Кастуся Жукоўскага чатырнаццацьцю суткамі арышту й штрафам на 700 тысяч рублёў. Яго абвінавацілі ў парушэньні парадку арганізацыі й правядзеньня масавых мерапрыемстваў і супраціве міліцыі. Навучэнку мастацкай вучэльні Марыю Тульжанкову аштрафавалі на 300 тысяч рублёў.

19.03.2008 Суд над Кацярынай Салаўёвай прызначаны на 27 сакавіка

Суддзя Полацкага гарадскога суду Алена Марозава 27 сакавіка ў 15-00 пачне разгляд крымінальнай справы моладзевай актывісткі Кацярыны Салаўёвай. Яна абвінавачваецца ў дзейнасьці ад імя незарэгістраванай арганізацыі “Малады Фронт”. Паводле артыкула 193.1 Крымінальнага Кодэксу Рэспублікі Беларусь, полацкая актывістка можа быць пазбаўлена волі на тэрмін да 2 год.

18.03.2008 Паўла Кур’яновіча арыштавалі на 15 сутак

Актывіста моладзевага руху “Джынс за свабоду” Паўла Кур’яновіча суд Савецкага раёну Менску арыштаваў на 15 сутак за ўдзел у пікеце насупраць амбасады Кітая.