Праваабарончы цэнтр «ВЯСНА»

Навіны за Студзень 2008

10.01.2008 Затрыманы ўчора Вячаслаў Сіўчык знаходзіцца на Акрэсьціна

Прыкладна а 19:10 недалёка ад Траецкага прадмесьця міліцыянтамі быў затрыманы актывіст апазыцыі Вячаслаў Сіўчык. Па інфармацыі ягонай маці Галіны Васільеўны, Вячаслава абвінавацілі ў нецэнзурнай лаянцы. Затым яго адвезьлі ў Цэнтральны РУУС сталіцы. Ноч палітык правёў на Акрэсьціна.

10.01.2008 БРСМаўcкі аўтобус вязе на могілкі

Гарадзенскі аўтобус па маршруце №13 «Аўтавакзал — Могiлкi Аўльс» аздобілі сымболікай арганізацыі і лёзунгамі «У будучыню з намі!»

10.01.2008 У Рэчыцы затрыманы заяўнік мітынгу 10 студзеня

У Рэчыцы ўчора міліцыя затрымала актывіста прадпрымальніцкага руху Алега Шабетніка. Ён быў адным з заяўнікаў мітынгу прадпрымальнікаў 10 студзеня.

09.01.2008 РНЕ ў Віцебску даслала лісты з пагрозамі

Чарговыя лісты ад імя незарэгістраванай арганізацыі РНЕ атрымалі віцебскі грамадскі актывіст Барыс Хамайда і рэдактар незалежнай газеты “Кур’ер з Віцебску” Уладзімір Базан.

09.01.2008 Міністэрства юстыцыі настойвае на ліквідацыі партыі камуністаў

Міністэрства юстыцыі падало пазоў у Вярхоўны суд аб ліквідацыі Партыі камуністаў Беларускай. У пазове адзначаецца, што нават пасля пісьмовых папярэджанняў, камуністы працягвалі парушаць заканадаўства.

09.01.2008 Суд узнавіў крымінальную справу за перадрукоўку карыкатур на прарока Мухамеда

Мінскі гарадскі суд узнавіў крымінальную справу па факту публікацыі 2 гады таму — у лютым 2006 года — перадруковак з дацкіх газет малюнкаў прарока Мухамеда ў недзяржаўнай газеце «Згода».

09.01.2008 Палітычныя рэпрэсіі ў Беларусі ў 2007 годзе

Напрацягу ўсяго мінулага году праваабаронцы рупліва зьбіралі інфармацыю пра розныя формы рэпрэсіяў, якія ўлады выкарыстоўваюць для палітычнага перасьледу грамадзянскіх актывістаў. Сёньня прэзентуем адну з важных частак гэтай працы - сьпіс адміністрацыйна рэпрэсаваных грамадзянаў у 2007 годзе. На чарзе – інфармацыя пра крымінальныя справы ў дачыненьні да палітычных апанентаў ды іншыя формы перасьледу.

09.01.2008 Ціск на сталічных прадпрымальнікаў узмацняецца

Сёньня ўсіх прадпрымальнікаў, якія працуюць на гандлёвай выставе “Мір кніг” азнаёмілі з тэкстам чарговай абвесткі адміністрацыі. Цытуем: “10 снежня 2008 года з 11-00 да 15-00 адбудзецца праверка рэжыму працоўнага дня камісіяй у складзе прадстаўнікоў Менгарвыканкама, падатковай інспекцыі і Міністэрства ўнутраных спраў. У выпадку закрыцьця працоўнага месца без паважнай прычыны і адсутнасьці гандляра рознічная ліцэнзія будзе анулявана”.

09.01.2008 Клецкі актывіст пад сьледзтвам шосты раз

Клецкая пракуратура ініцыюе новую крымінальную справу супраць выдаўца бюлетэню «Бойкі Клецк» Сяргея Панамарова.

09.01.2008 Улады Гродна не дазваляюць рэкламу беларускамоўнай групы ў дзіцячых садках

На працягу апошняга месяца ўлады Гродна не дазваляюць у грамадскім транспарце рэкламу беларускамоўнай групы ў дзіцячых садках.

09.01.2008 “Ва ўзбуджэньні крымінальнай справы па факце атрыманьня Вамі цялесных пашкоджаньняў адмоўлена…”

Актывісту “Маладога Фронту” Зьмітру Хведаруку, жорстка зьбітаму АМАПам на акцыі “За незалежную Беларусь!”, якая праходзіла падчас прыезда Пуціна, даслалі адказ на скаргу, пададзеную ў пракуратуру. “Ва ўзбуджэньні крымінальнай справы па факце атрыманьня Вамі цялесных пашкоджаньняў адмоўлена…” - паведамляецца ў адказе, падпісаным кіраўніком упраўленьня МУС Цэнтральнага раёну В.А. Сіняковым. І даёцца парада зьвярнуцца ў Цэнтральны РАЎС.

09.01.2008 Віктар Гарбачоў апраўданы

Лідэр прадпрымальнікаў Віктар Гарбачоў вызвалены. «Апраўданы за адсутнасцю складу злачынства», – паведаміў прэс-цэнтру Хартыі’97 прысуд Барысаўскага раённага суду актывіст прадпрымальніцкага руху Міхаіл Васільеў

08.01.2008 Алеся Зарамбюка асудзілі завочна

Актывіст незарэгістраванага руху «За Свабоду» Алесь Зарэмбюк аказаўся вінен дзяржаве больш за паўмільёна рублёў. Пра гэта ён выпадкова даведаўся днямі.

08.01.2008 Міліцыя адмаўляецца узбуджаць крымінальную справу за крадзеж маёмасці БНФ

Сталічная міліцыя адмаўляецца караць злодзеяў, што скралі трымальнік для сцягоў з будынку мінскага офісу партыі БНФ. Менавіта такі адказ Савецкі райаддзел сталічнай міліцыі накіраваў на адрас намесніка старшыні Партыі БНФ Алеся Міхалевіча ў адказ на ягоную заяву з нагоды крадзяжу трымальніка для сцягоў са сцяны будынку, дзе знаходзіцца мінская штаб-кватэра БНФ.

08.01.2008 Суд над Віктарам Гарбачовым адбудзецца сёньня

Суд над затрыманым сёньня ў Барысаве лідэрам кампаніі «За свабоднае развіццё прадпрымальніцтва» Віктарам Гарбачовым адбудзецца ў 14 гадзін. Як стала вядома праваабарончаму цэнтру “Вясна”, актывіста вінавацяць у непадпарадкаваньні супрацоўнікам міліцыі і аказаньні супраціўленьня, аднак больш дакладнай інфармацыі пакуль атрымаць не ўдалося. Вядома толькі, што справу будзе разглядаць старшыня суду горада Барысава Юрый Кобец.