Праваабарончы цэнтр «ВЯСНА»

Навіны за Студзень 2008

11.01.2008 Мусульмане ня хочуць "крыві" Зьдзьвіжкова

Сёньня ў гарадзкім судзе Менску пачынаецца працэс над былым намесьнікам галоўнага рэдактара газэты “Згода” Аляксандрам Зьдзьвіжковым.

11.01.2008 У знак пратэсту шэсць актывістаў у судзе Маскоўскага раёну абвясьцілі аб пачатку галадоўкі

У судзе Маскоўскага раёну Менска шэсць затрыманых учора пад час акцыі пратэсту прадпрымальнікаў моладзевых актывістаў абвяцілі аб галадоўцы. Як стала вядома ПЦ “Вясна”, гэта Багдановіч Раман, Вінаградаў Павал, Баразенка Ганна, Міхайлаў Іван, Лындова А. і Жабароўскі Іван

11.01.2008 У суд Цэнтральнага раёну выклікалі хуткую дапамогу

Адвакатка затрыманых 10 студзеня моладзевых актывістаў Вера Страмкоўская запатрабавала выклікаць хуткую дапамогу ў суд Цэнтральнага раёну. Цяпер у суд дастаўленыя пяцёра актывістаў, ва ўсіх ёсьць траўмы і пашкоджаньні. У Тацяны Цішкевіч падазрэньні на чэрапна мазгавую траўму, у Арсеня Пахомава сьляды зьбіцьця на твары, у Юрыя Каксюка зламаная рабрына, моцна зьбітыя Міхаіл Пашкевіч і Міхаіл Крываў. Усе яны правялі ноч у прымальніку разьмеркавальніку на Акрэсьціна.

11.01.2008 Як жа дабiцца справядлiвага суда?

Група жанчын прапанавала Аляксандру Лукашэнку iнiцыяваць стварэнне спецыяльнай парламенцкай камiсii па пераглядзе крымiнальных i грамадзянскiх спраў.

11.01.2008 У справе Аляксандра Зьдзьвіжкова абвінавачваньне замененае на больш цяжкае

А дзесятай гадзіне раніцы ў Менгарсудзе пачаўся працэс над былым намесьнікам галоўнага рэдактара газэты “Згода” Аляксандрам Зьдзьвіжковым, якога абвінавачваюць у распальваньні рэлігійнай варожасьці. Нагадаем, што яшчэ ў лютым 2006-га году ў газеце “Згода” былі перадрукаваны зь інтэрнэту карыкатуры на прарока Мухамэда.

11.01.2008 Барысаў: міліцыя дапытвае актывіста Алега Лыску

Сёньня раніцай у Барысаўскі РАУС выкліканы актывіст прадпрымальніцкага руху Алег Лыска. У гутарцы з карэспандэнтам “Свабоды” ён паведаміў, што міліцыянты спрабуюць абвінаваціць яго ў арганізацыі мітынгу прадпрымальнікаў, які адбыўся напярэдадні на цэнтральнай плошчы Барысава

10.01.2008 Сьпіс затрыманых падчас мітынгу і шэсьця прадпрымальнікаў у Менску 10 студзеня і вынікі судоў над імі (аднаўляецца)

1. Лябедзька Анатоль, Маскоўскі РУУС, пакараны арыштам на 15 сутак. Суддзя Гусакова В. 2. Пашкевіч Міхаіл, Цэнтральны РУУС, складзены пратакол па арт. 17.1 КаАП РБ; 3. Крываў Міхаіл, Цэнтральны РУУС, складзены пратакол па арт. 17.1 КаАП РБ; 4. Сьцепаненка Аляксандр, Маскоўскі РУУС, складзены пратакол па арт. 17.1 КаАП РБ;

10.01.2008 Алег Шабетнік арыштаваны на 5 сутак і аштрафаваны на 20 базавых велічыняў

Адбыўся суд над адным з заяўнікаў мітынгу прадпрымальнікаў актывістам з Рэчыцы Алегам Шабетнікам. Судзьдзя Ірына Іўлічава прызнала яго віноўным у дробным хуліганстве і вынесла пакараньне ў выглядзе адміністратыўнага арышту тэрмінам на 5 сутак і выплаце штрафу ў памеры 20 б.в.

10.01.2008 Вячаслаў Сіўчык асуджаны на 10 сутак адміністратыўнага арышту

Судзьдзя Цэнтральнага райсуду сталіцы Тацяна Паўлючук прызнала палітыка віноўным ў дробным хуліганстве і вынесла адміністратыўнае пакараньне.

10.01.2008 Дыялогу па выбарах не будзе

Кіраўніцтва Аб’яднаных дэмакратычных сілаў атрымала адказ з Адміністрацыі прэзідэнта на прапановы правесці дыялог па выбарчым заканадаўстве і практыцы яго прымянення. У допісе ўтрымліваецца адмова ад такога дыялогу.

10.01.2008 Мітынг прадпрымальнікаў праходзіць пад пільным наглядам міліцыі (аднаўляецца)

На Кастрычніцкай плошчы Менска на мітынг сабралося каля 1000 прадпрымальнікаў. Сярод іх палітыкі Сяргей Калякін, Аляксандар Мілінкевіч, Алесь Міхалевіч, Мікола Статкевіч, Алесь Таўстыка. Міліцыянты праз гукаўзмацняльную апаратуру папярэдзілі, што шэсьце да адміністрацыі прэзыдэнта забаронена. Мітынгоўцы вызначылі дэлегатаў для правядзеньня перамоў у адміністрацыі, якія накіраваліся да ўладаў.

10.01.2008 Узду пазбавілі гарачага хлеба

Сёньня на мітынгу прадпрымальнікаў у Менску будзе абараняць свае правы і Віктар Крываль з Узды. На ягоным лёзунгу надпіс: "Людзям цяжэй, чым у акупацыю".

10.01.2008 Актывістаў прадпрымальніцкага руху затрымалі на трасе па дарозе ў Мінск

Раніцай 10 студзеня членаў кампаніі "За свабоднае развіццё прадпрымальніцтва" актывістаў прадпрымальніцкага руху Аляксандра Цацуру і Віктара Крываля спынілі на трасе па дарозе ў Мінск. Пра гэта БелаПАН паведаміў актывіст прадпрымальніцкага руху Мікалай Пахабаў.

10.01.2008 Блакуюцца незалежныя інтэрнэт-выданні

Прыкладна а 10 гадзіне раніцы адначасова перасталі адчыняцца інтэрнэт-старонкі беларускай службы радыё “Свабода” і Хартыі’97. З цяжкасцямі адчыняецца і сайт інтэрнэт-выдання “Беларускі партызан”.

10.01.2008 Сёння ў Мінску адбудзецца мітынг прадпрымальнікаў

10 студзеня а 12-й гадзіне на Кастрычніцкай плошчы ў Мінску запланаваны мітынг прадпрымальнікаў.Акцыя накіравана супраць указа прэзідэнта, у адпаведнасці з якім з 1 студзеня 2008 года ІП забаронена выкарыстоўваць працу наёмных работнікаў, за выключэннем блізкіх сваякоў.