Праваабарончы цэнтр «ВЯСНА»

Навіны за Студзень 2008

15.01.2008 Звольнілі, каб не плаціць

Актывістку “Руху “За Свабоду”, юрыстку ЖКГ “Камунальнік” г. Навалукомля Таццяну Садоўскую звольнілі з працы, каб не выконваць рашэнне суда пра вяртанне грошай.

15.01.2008 Ці адсудзіць «Ленинский клич» 5 тысяч долараў у «Вольнага горада»?

Чавускі раённы суд 16 студзеня мае абвесціць рашэнне па зыску рэдактаркі дзяржаўнай газеты «Ленинский клич» (г. Крычаў, Магілёўская вобласць) Таццяны Іўкінай да заснавальніка газеты «Вольны горад» Уладзіміра Кудраўцава і былога супрацоўніка сваёй газеты Валерыя Бысава.

15.01.2008 Невыязны Навумаў ляціць у Вену

Міністар унутраных справаў Беларусі Ўладзімер Навумаў 22-23 студзеня будзе знаходзіцца ў Вене. Пастанову аб камандзіроўцы Навумава 11 студзеня падпісаў прэм’ер-міністар Сяргей Сідорскі.

15.01.2008 Чарговая справа па наркотыках “рассыпалася” ў судзе

Суд апраўдаў юнака з Мазыра, якога мясцовыя міліцыянты спрабавалі абвінаваціць у распаўсюдзе наркотыкаў. Але пакуль “ахоўнікамі парадку”, якія сфабрыкавалі супраць яго крымінальную справу, займаецца КДБ і пракуратура, хлопец вымушаны хавацца ў іншым горадзе.

14.01.2008 Полацкі суд пакараў Кацярыну Салаўёву штрафам

Сёньня ў Полацку адбылося судовае паседжаньне па адміністратыўнай справе Кацярыны Салаўёвай, абвінавачанай у псаваньні маёмасьці. Прысуд вынесла судзьдзя Абрамава - штраф памерам 30 базавых велічыняў.

14.01.2008 Бацькі З.Дашкевіча сустрэліся з сынам у калёніі

Вязень Шклоўскай калёніі Зьміцер Дашкевіч сустрэўся з бацькамі падчас доўгатэрміновага спатканьня. Старэйшыя Дашкевічы спадзяюцца, што наступным разам убачаць сына ўжо на волі.

14.01.2008 Апазыцыйныя партыі адказалі Мін’юсту

Партыя БНФ і Аб’яднаная грамадзянская партыя накіравалі ў Міністэрства юстыцыі адказы на патрабаваньне патлумачыць удзел іх лідэраў у акцыі прадпрымальнікаў 10 студзеня. Прадстаўнікі партыяў кажуць пра незаконнасьць і палітычную матываванасьць патрабаваньняў міністэрства юстыцыі.

14.01.2008 Міністэрства замежных спраў Беларусі пазытыўна ацаніла дынаміку адносінаў Беларусі з Эўразьвязам.

Аб гэтым заявіў прэс-сакратар МЗС Андрэй Папоў. Ён зазначыў, што за 2007 год адбыліся вельмі істотныя падзеі: гэта сустрэчы прадстаўнікоў ураду Беларусі зь кіраўніцтвам Эўразьвязу, а таксама падпісаньне дамоўленасьці аб адкрыцьці прадстаўніцтва Эўрапейскай камісіі ў Беларусі.

14.01.2008 Пацыенты туберкулёзнага шпіталя абвесьцілі галадоўку

Пацыенты Рэспубліканскага туберкулёзнага шпіталя ў пасёлку Наваельня Дзятлаўскага раёну Гарадзенскай вобласьці просяць дапамогі. Яны знаходзяцца ў жахлівых умовах. Сёньня цэлы шпіталь адмовіўся ад прыняцьця ежы.

14.01.2008 На што арыштаваныя маюць права

З 8 жніўня 2007 г дзейнічае новая пастанова МУС РБ № 194 "Аб зацьверджаньні правілаў унутраннага распарадку спецыяльных установаў органаў унутраных справаў, якія выконваюць адміністратыўнае спагнаньне ў выглядзе адміністратыўнага арышту". У дадзеным дакуманце расьпісаны парадак і ўмовы ўтрыманьня адміністратыўна затрыманых і адміністратыўна арыштаваных у спецустановах, якім зьяўляецца спецпрыёмнік ГУВД на Акрэсьціна. Паколькі ў палажэньні таксама ўказана, на што маюць права арыштаваныя, мы прывялі гэтую пастанову цалкам на рускай старонцы нашага сайту з тым, каб можна было абскарджваць парушэньні ўмоваў утрыманьня і законных правоў адміністратыўна арыштаваных і затрыманых, гарантаваныя беларускім заканадаўствам.

14.01.2008 Сяргея Парсюкевіча асудзілі на 15 сутак

Актывіста з Віцебску Сяргея Парсюкевіча за ўдзел у акцыі пратэсту прадпрымальнікаў ў Менску 10 студзеня пакаралі арыштам на 15 сутак. Судовая справа разглядалася сумна вядомай суддзёй суду Цэнтральнага раёна Менска Тацянай Паўлючук.

14.01.2008 У Менску судзяць Сяргея Парсюкевіча

У судзе Цэнтральнага раёну Менску распачаўся судовы працэс над актывістам-прадпрымальнікам з Віцебску Сяргеем Парсюкевічам. Падставай для затрыманьня стаўся ўдзел актывіста ў акцыі пратэсту прадпрымальнікаў у Менску 10 студзеня.

14.01.2008 Над Віцебскам залунаў бел-чырвона-белы сцяг у гонар Філістовіча

Адвячоркам нядзелі, прыкладна а 20-й гадзіне, над пяціпавярховым будынкам па вуліцы Герцана ў Віцебску залунаў беларускі нацыянальны сцяг. Спасылаючы на крыніцы, вартыя даверу, адзін са старэйшых актывістаў сучаснага дэмакратычнага руху Барыс Хамайда паведаў, што гэтая акцыя прысвечаная народзінам вядомага беларускага змагара за свабоду Айчыны Янкі Філістовіча, якому 14 студзеня магло б споўніцца 82 гады.

13.01.2008 Умовы ўтрыманьня на Акрэсьціна трэба абскарджваць

Дэмакратычны актывіст Мікола Сяргеенка, асуджаны 17 сьнежня судом Ленінскага раёну Менску да адбыцьця дзесяцісуткавага арышту па абвінавачаньню ў брыдкаслоўі на адрас міліцыянтаў падчас захопу офісу Беларускага кангрэса дэмакратычных прафсаюзаў, зьвярнуўся са скаргай на ўмовы ўтрыманьня на Акрэсьціна. Зараз пасьля акцыі пратэсту прадпрымальнікаў больш за 20 дэмакратычна-палітычных актывістаў знаходзяцца ў спецпрыёмніку-размеркавальніку ГУУС на Акрэсьціна, таму мы зьвяртаем ўвагу на тое, што трэба зьвяртацца са скаргамі на нечалавечыя ўмовы ўтрыманьня. У сувязі з гэтым прыводзім як прыклад напісаньня скаргу Міколы Сяргеенка.

13.01.2008 Мін’юст больш за ўсё ня любіць маніфэстацый

Міністэрства юстыцыі запатрабавала ад Партыі БНФ, Аб’яднанай грамадзянскай партыі і Партыі камуністаў тлумачэньняў наконт удзелу іх лідэраў Анатоля Лябедзькі, Алеся Міхалевіча і Сяргея Калякіна ў маніфэстацыі прадпрымальнікаў 10 студзеня. Ультыматыўнае патрабаваньне мусіць быць выканана ў 2-дзённы тэрмін.