Праваабарончы цэнтр «ВЯСНА»

Навіны за Студзень 2008

17.01.2008 Міліцыя перашкаджае працаваць журналістам у судзе Цэнтральнага раёну Менска

Міліцыя з дапамогай фізічнай сілы спрабавала перашкодзіць выкананьню сваіх абавязкаў фотажурналістцы “Нашай нівы” Юлі Дарашкевіч, якая знаходзілася ў памяшканьні суду Цэнтральнага раёну Менска. Тут зараз адбываюцца суды над затрыманымі ўчора моладзевымі актывістамі.

17.01.2008 Судзяць Кацярыну Краснову

У судзе Цэнтральнага раёну Менска пачаўся разгляд справы актывісткі “Маладога Фронту” Кацярыны Красновай. Яе абвінавачваюць у парушэньні артыкула 23.34 КаАП РБ за ўдзел ў несанкцыянаванай акцыі салідарнасці ўчора на Кастрычніцкай плошчы.

17.01.2008 Франака Вячорку асудзілі на 15 сутак

Сумнавядомая суддзя суду Цэтральнага раёну Менска Тацяна Паўлючук пакарала затрыманага 16 студзеня актывіста Моладзі БНФ Франака Вячорку адміністрацыйным арыштам на 15 сутак. Яго абвінавацілі ў парушэньні арт. 17.1 КаАП за нібыта за лаянку пры затрыманьні.

17.01.2008 Кракадзілавыя сьлёзы міністра Навумава

Беларускі праваабаронца, віцэ-прэзідэнт Міжнароднай федерацыі правоў чалавека Алесь Бяляцкі ў сувязі з прайшоўшай акцыяй прадпрымальнікаў і перасьледам яе ўдзельнікаў, серыяй затрыманьняў і арыштаў адзначае: Першае, што мне хацелася б адзначыць, – улады былі зусім не гатовыя да такой актыўнасьці прадпрымальнікаў. Былі некаторыя моманты, якія зрабілі гэтую акцыю выключнай у параўнаньні з тымі , якія традыцыйна праходзілі на працягу мінулага году. Пратэставаць выйшла інакшая ад заўсёднай група людзей, аб’яднаных такімі патрабаваньнямі, якія выцякаюць з абароны сваіх сацыяльных, працоўных правоў.

17.01.2008 Допыты на Акрэсьціна над арыштаванымі актывістамі адбываюцца штодня

Пакараных адміністрацыйнымі арыштамі ўдзельнікаў акцыі пратэсту ў Менску 10 студзеня штодзень дапытваюць у спецпрыёмніку-размеркавальніку на Акрэсьціна. Усе яны праходзяць у якасьці сведкаў па распачатай крымінальнай справе ў сувязі з арганізацыяй і правядзеньнем несанкцыянаванага масавага мерапрыемства. Кіраўніка Аб’яднанай грамадзянскай партыі Анатоля Лябедзьку дапытвае начальнік следчага ўпраўленьня УУС Менгарвыканкама.

17.01.2008 Жалезьнічэнку аднавілі ва ўнівэрсытэце

16 студзеня a 18 й гадзіне суд Цэнтральнага раёну Гомеля абвясціў рашэньне, якім абавязаў рэктара ўнівэрсытэту імя Францішка Скарыны скасаваць загад аб адлічэньні з трэцяга курсу матэматычнага факультэту студэнта выдатніка Зьмітра Жалезьнічэнкі. Фармальна напачатку бягучага навучальнага году моладзевы грамадзкі актывіст быў адлічаны нібыта за сыстэматычнае парушэньне ўнівэрсытэцкіх правілаў унутранага распарадку. Пры гэтым сам унівэрсытэт дапусьціў шэраг парушэньняў, пазбаўляючыся ад студэнта выдатніка.

17.01.2008 Пачаліся суды зад затрыманымі актывістамі Моладзі БНФ

17 студзеня, Менск. Сёньня ў будынку суда Цэнтральнага раёну распачнуцца судовыя працэсы над актывістамі Моладзі БНФ Франакам Вячоркам, Антосем Каліноўскім і Юрасём Станкевічам.

17.01.2008 За мяжу не пусьцілі Барыса Гарэцкага

Сёньня беларускія памежнікі зьнялі з цягніка Барыса Гарэцкага. Ён ехаў разам з іншымі журналістамі ў Кіеў на семінар для радыёжурналістаў.

17.01.2008 Сёньня судзяць сябраў “Маладога фронту”

16 студзеня ў Менску, у Дзень беларускае Салідарнасьці, былі затрыманыя сябры Маладога Фронту: Уладзімер Сяргееў, Кацярына Галіцкая, Кацярына Краснова й Людміла Атакулава. Усе затрыманыя пасьля складаньня незаконных адміністратыўных пратаколаў былі адвезеныя ў спецпрымальнік-разьмеркавальнік на вуліцы Акрэсьціна.

16.01.2008 Вера Страмкоўская: "Умовы ўтрымання вельмі дрэнныя"

Учора адвакат Вера Страмкоўская наведала ў прыёмніку-размеркавальніку асуджаных на "суткі" пасля акцыі прадпрымальнікаў.

16.01.2008 Алесю Круткіну вынесена папярэджаньне

16 студзеня адбылася адміністрацыйная камісія па справе полацкага маладафронтаўца Алеся Круткіна, абвінавачанага ў нанясеньні графіці на будынкі некалькіх дзяржаўных устаноў.

16.01.2008 У Беларусі ўзмацняецца ўціск на незалежныя медыі

Камітэт абароны журналістаў (ЗША) асудзіў арышт на 15 сутак карэспандэнта “Нашай нівы” і канфіскаванне тэхнікі ў незалежных тэлежурналістаў. А ў Чавусах вынесена рашэнне па зыску да незалежнай газеты “Вольны горад”.

16.01.2008 «Вольны горад» задаволены вынікамі суда, але будзе іх абскарджваць

500 тысяч рублёў з заснавальніка незарэгістраванай рэгіянальнай газеты «Вольны горад» Уладзіміра Кудраўцава і журналіста Валерыя Бысава супольна пастанавіў спагнаць суд Чавускага раёна на карысць рэдактаркі крычаўскай раённай газеты «Ленинский клич» Таццяны Іўкінай. Такое рашэнне прыняла 16 студзеня суддзя Вольга Палуян, разгледзеўшы зыск спн. Іўкінай аб абароне гонару, годнасці і дзелавой рэпутацыі.

16.01.2008 Хворыя на сухоты даведзеныя да адчаю

Выдавец незалежнага бюлетэня "Бойкі Клецк" Сяргей Панамароў, супраць якога ўжо некалькі разоў аднаўлялі і спынялі ўзбуджаную за абразу дзяржчыноўніцы ў друкаваным выданьні крымінальную справу, зьвяртаецца да журналістаў з прозьбай наведаць рэспубліканскі шпіталь для хворых на сухоты ў Новаельні Дзятлаўскага раёну, каб на ўласныя вочы пабачыць і зафіксаваць, у якіх умовах праходзіць лячэньне. Галадоўка, якую спантанна аб'явілі хворыя па прычыне такіх невыносных умоў знаходжаньня ў клініцы, як кепскае харчаваньне, адсутнасьць гарачай вады і нізкая тэмпература ў палатах, не прынесла ім палегку. 15-га студзеня ў шпіталь прыехалі чыноўнікі, і, як адзначае сп. Панамароў, «прайшліся» па ляжачым хворым, не зьвярнуўшы ўвагу на 105 чалавек, якія падпісаліся пад зваротам з патрабаваньнямі на імя галоўурача Мечыслава Доўганя".

16.01.2008 Юля Сіўцова асуджаная на 15 сутак , на судзе затрыманы трое актывістаў моладзі БНФ

16 студзеня, Менск. Юля Сіўцова, актывістка моладзі БНФ асуджаная на 15 сутак адміністрацыйнага зьняволеньня. Яе судзілі сёньня за ўдзел у несанкцыянаваным мітынгу прадпрымальнікаў 10 студзеня. Падчас працэсу ў будынку суду былі затрыманыя яшчэ трое актывістаў моладзі БНФ - Франак Вячорка, Антон Каліноўскі і Юрась Станкевіч.