Праваабарончы цэнтр «ВЯСНА»

Навіны за Кастрычнік 2007

12.10.2007 ВІЛЕЙКА: Актывістаў папярэдзілі

Актывістаў ?уху “За Свабоду” Міхася Кульца, Алеся Судака і сябра АГП Уладзіміра Малярчука з Вілейкі папярэдзілі сёння, што яны панясуць пакаранне, калі будуць прымаць удзел у несанкцыянаваным мерапрыемстве 14 кастрычніка.

12.10.2007 Дэпутаты прызнаюць, што закон аб Інтэрнэце супярэчыць Канстытуцыі

Парламентарыі нечакана прыслухаліся да міжнародных экспертаў і выключылі з праекту закону пра інфармацыю артыкул, які фактычна забараняў крытыку ў інтэрнэце.

12.10.2007 Дачка Аляксандра Казуліна зьвярнулася са скаргай у Камітэт па правах чалавека ААН

“Мы кажам пра тое, што першапачаткова гэта было палітычна матываванае рашэньне, на падставе якога майго бацьку пасадзілі на пяць з паловай гадоў. Мы патрабуем, каб Камітэт ААН у правах чалавек у пазачарговым парадку гэтую скаргу. Мы патрабуем, каб яго неадкладна вызвалілі. І трэцяе – мы патрабуем кампэнсаваць маральныя страты ў памеры 2 мільёнаў эўра”, – паведаміла Вольга Казуліна.

12.10.2007 За кратамі у Гомелі галадаюць апазіцыйныя партыйныя актывісты Уладзімір Кацора і Васіль Палякоў, у Гародні - журналіст Ігар Банцар

Прэвентыўна затрыманыя ў Гомелі лідэр мясцовай арганізацыі Аб'яднанай грамадзянскай партыі Васіль Палякоў і ягоны намесьнік Уладзімір Кацора былі пакараныя судом да адбыцьця 7-суткавага адміністратыўнага арышту за нібыта нецэнзурную лаянку. Пакараны 10 суткамі адміністратыўнага арышту таксама за нецэнзурную лаянку рэдактара часопіса незалежнага Саюзу палякаў Беларусі (СПБ) "Magazyn Polski na uchodzstwie" Ігар Банцар пасля абвяшчэння прысуду на знак пратэсту абвясціў галадоўку.

12.10.2007 Нобелеўская прэмія міру прысуджана Альберту Гору

Лаўрэатамі Нобелеўскай прэміі міру за 2007 год сталі былы былы віцэ-прэзідэнт ЗША Альберт Гор і члены Міжурадавай групы экспертаў па змене клімату (МГІК), паведамляецца на афіцыйным сайце Нобелеўскага камітэта.

12.10.2007 Спіс затрыманых актывістаў напярэдадні “Еўрапейскага маршу”

Аднаўляецца пастаянна.

12.10.2007 Зміцер Салаўёў чакае прысуду

Учора каля апоўначы ў Магілёве супрацоўнікамі міліцыі затрыманы мясцовы актывіст намесьнік старшыні гарадзкой арганізацыі партыі БНФ Зміцер Салаўёў. На яго складзены пратакол за “дробнае хуліганства”.

11.10.2007 Жаночую партыю "Надзея" зачынілі

Вярхоўны суд Беларусі прыняў рашэньне аб ліквідацыі жаночай партыі "Надзея". ?ашэньне ўступае ў сілу неадкладна і ня можа быць абскарджанае. Афіцыйная прычына – парушэньні заканадаўства з боку партыі.

11.10.2007 Новыя затрыманьні ў Менску

У Менску затрыманы моладзевыя актывісты Павал Юхневіч і Мікіта Сасім. Падрабязнасці затрыманьня пакуль ненвядомыя.

11.10.2007 Андрэя Клімава адправілі ў мазырскую калонію строгага рэжыму

У мазырскую калонію строгага рэжыму адправілі палітвязня Андрэя Клімава. З пачатку красавіка да 10 кастрычніка ён знаходзіўся ў мінскім следчым ізалятары.

11.10.2007 У Бярэсьці працягваюць караць штрафамі за ўдзел у прэзентацыі кнігі

10 кастрычніка штрафам у памеры 20 базавых велічынь судом Маскоўскага раёна Берасця пакараны Анатоль Ярмак. Ён быў затрыманы пад час прэзентацыі кнігі Паўла Севярынца 19 жніўня.

11.10.2007 Берасьцейскі абласны суд не задаволіў касацыйных скаргаў двух сябраў Партыі БНФ Сяргея Лазенкі і Яўгена Бяласіна.

За ўдзел у прэзентацыі кнігі былога палітвязьня Паўла Севярынца "Лісты з лесу" суд пакараў актывістаў штрафам, палічыўшы мерапрыемства несанкцыянаваным.

11.10.2007 Менскія ВНУ рэкамендуюць студэнтам, якія жывуць у інтэрнатах, паехаць дадому

Кіраўніцтва сталічных універсітэтаў зрабіла суботу 13 кастрычніка выходным днём і настойліва рэкамэндуе сваім студэнтам пакінуць на выходныя Мінск, каб не дапусціць магчымага ўдзелу моладзі ў маючым адбыцца ў нядзелю апазіцыйным Еўрапейскім маршы.

11.10.2007 У Менску адкрылася выстава жывапісу і графікі Міхаіла Сеўрука

10 кастрычніка ў Мінску, у гарадской мастацкай галерэі твораў народнага мастака Беларусі Леаніда Шчамялёва адкрылася выстава жывапісу і графікі вядомага беларускага мастака Міхаіла Сеўрука (1905—1979).

11.10.2007 Аблога хаты смаргонскага актывіста працягвалася ўсю ноч

Сёньня раніцай Алесь Дзергачоў паведаміў праз тэлефон, што міліцэйская машына стаяла побач зь ягоным домам усю ноч. Час ад часу міліцыянты хадзілі зь ліхтарыкамі пад вокнамі.