23.07.2012 FIDH патрабуе неадкладна і безумоўна вызваліць Змітра Дашкевіча
"Мы пішам, каб выказаць нашу заклапочанасць з нагоды новага расследавання, распачатага супраць грамадскага актывіста, кіраўніка палітычнай арганізацыі “Малады фронт” сп. Змітра Дашкевіча, які 24 сакавіка 2011 г. быў прысуджаны да 2 гадоў пазбаўлення волі ў калоніі строгага рэжыму № 13 у Глыбокім, і які, як чакаецца, будзе вызвалены 18 снежня 2012 года", -- гаворыцца ў адкрытым лісце Міжнароднай федэрацыі за правы чалавека (FIDH) на адрас Прэзідэнта Беларусі.
22.07.2012 Аналітычная тыднёвая справаздача па выніках назірання №4 - 9-22 ліпеня
Захоўваецца дынаміка пераследу і рэпрэсій супраць апанентаў улады, што не спрыяе атмасферы адкрытасьці падчас выбараў. Не была задаволена ніводная з дзесяткаў скарг, пададзеных на адмову ва ўключэнні ў склад акруговых выбарчых камісій.
13.07.2012 Праваабаронцы абвяшчаюць конкурс
Спяшайцеся! Усяго тры месяцы адведзена на тое, каб прадэманстраваць сваю дасведчанасць у галіне правоў чалавека і стварыць шляхам мастацкага асэнсавання гэтай ідэі мастацкую рэч. З 15 ліпеня па 15 кастрычніка ПЦ “ Вясна” ладзіць конкурс сярод моладзі (і не толькі) на прадукцыю візуальнага характару - hand-made паштоўкі для палітвязняў, а таксама ілюстрацыі, калажы, фотаздымкі, відэаролікі ды слоганы на праваабарончую тэматыку.
13.07.2012 Спявачка Ларын – Алесю Бяляцкаму: “Трымайцеся свайго сэрца і розуму!” (фота)
Пераможца “Еўрабачання-2012” шведская спявачка Ларын 13 ліпеня ў Менску сустрэлася з жонкай палітвязня Алеся Бяляцкага, праваабаронцам з “Вясны” Валянцінам Стэфановічам і незалежнымі журналістамі - каб больш даведацца пра лёс беларускіх палітвязняў і сітуацыю ў Беларусі.
12.07.2012 Праваабаронцы надалі ўніверсальнаму лагатыпу правоў чалавека нацыянальны каларыт
Праваабарончы цэнтр “Вясна” здзейсніў задуму прывязаць міжнародны лагатып правоў чалавека да нашай краіны – атрымаўся адаптаваны беларускі варыянт сусветнага праваабарончага лагатыпу. Аздабленне рукі-птушкі выцінанкай выканала сябра творчага саюзу майстроў Вольга Бабурына.
11.07.2012 Справаздача па выніках назірання за фарміраваннем акруговых выбарчых камісій
Акруговыя выбарчыя камісіі створаны ў асноўным за кошт праўрадавых арганізацый: Федэрацыя прафсаюзаў Беларусі, ГА «Беларускі рэспубліканскі саюз моладзі», РГА «Белая Русь» і Беларускае грамадскае аб’яднанне ветэранаў. Фарміраванне АВК прайшло пад кантролем выканаўчай улады, без публічнага абмеркавання вылучаных кандыдатур. Прадстаўнікі апазіцыі складаюць у камісіях нязначную долю – непрапарцыйна малую ў параўнанні з колькасцю вылучаных прэтэндэнтаў.
09.07.2012 Аналітычная тыднёвая справаздача па выніках назірання: 2-8 ліпеня
Дзяржаўныя тэлеканалы практычна не асвятляюць выбарчую актыўнасць апазіцыйных палітычных партый. Пры гэтым у шэрагу выбарчых акругаў зафіксаваны матэрыялы ў падтрымку патэнцыйных праўладных кандыдатаў. У сталічнай і рэгіянальнай прэсе выходзяць інтэрв'ю з дэпутатамі дзеючага парламента. З’явіліся агітацыйныя друкаваныя матэрыялы з заклікам да байкатавання парламенцкіх выбараў.
08.07.2012 Агляд-хроніка парушэнняў правоў чалавека ў Беларусі. Чэрвень 2012 году
Падзеі чэрвеня яскрава прадэманстравалі, што пытанне правоў чалавека разглядаецца беларускімі ўладамі выключна ў палітычнай плоскасці ўзаемадачыненняў з Еўрасаюзам і іншымі краінамі Еўропы. У цэнтры ўвагі гэтых узаемадачыненняў па-ранейшаму заставалася праблема палітычных зняволеных.
06.07.2012 Рада ААН па правах чалавека стварае пасаду спецдакладчыка па Беларусі
FIDH і “Вясна” разглядаюць Спецыяльнага дакладчыка як магчымасць для прадстаўнікоў грамадзянскай супольнасці зрабіць іх галасы чутнымі ў той час, калі незалежныя СМІ прымушаюць замаўчаць, дзейнасць незалежных НДА разглядаецца як крымінальнае злачынства, а многім праваабаронцам было нават забаронена выязджаць за мяжу. Уладальнік мандата будзе прызначаны ў верасні гэтага года.
04.07.2012 “Барыс Звозскаў быў надзейным паплечнікам, неверагодна сьціплым і сумленным чалавекам”
Пра сьмерць праваабаронцы і свайго сябра Барыса Звозскава Алесь Бяляцкі даведаўся ў дзень развітаньня з ім, 19 чэрвеня. “Якраз у гэты час я, прыйшоўшы з працы, прачытаў у “Народнай Волі” гэтую трагічную навіну”, - піша палітвязень у нядаўнім лісьце з бабруйскай калоніі.
02.07.2012 Аналітычная тыднёвая справаздача па выніках назірання: 25 чэрвеня - 1 ліпеня
Апазіцыйныя партыі пачалі вылучэнне сваіх прадстаўнікоў у акруговыя выбарчыя камісіі: заяўляецца пра вылучэнне прыкладна 300 партыйцаў, што амаль у тры разы больш за адпаведныя паказчыкі парламенцкіх выбараў 2008 года. Назіраецца павелічэнне інтэнсіўнасці кропкавых рэпрэсіяў супраць структур апазіцыі і грамадзянскай супольнасці. Пры гэтым станоўча ацэньваецца вызваленне пад падпіску аб нявыездзе нядаўна затрыманага журналіста Андрэя Пачобута.
30.06.2012 Андрэй Пачобут вызвалены пад падпіску аб нявыездзе
Журналіста Андрэя Пачобута 30 чэрвеня выпусьцілі з гарадзенскай турмы пад падпіску аб нявыездзе. «Да мяне прыйшлі ў камэру і сказалі зьбіраць рэчы, бо пераводзяць у іншую камэру. Але пасьля мяне проста вывялі за браму турмы», — паведаміў Андрэй Пачобут.
28.06.2012 Пасланне Аун Сан Су Чжы ўсім палітычным зняволеным
«Вязьні сумленьня усяго свету, я б хацела сказаць: Ніколі не адступайцеся ад сваіх прынцыпаў! Павага да чалавецтва пачынаецца з павагі да саміх сабе. Маё пасланне вам вельмі простае: калі вы паважаеце саміх сябе, не адмаўляйцеся ад сваёй барацьбы. І не думайце, што вы адны".
27.06.2012 У Камітэце па правах чалавека ААН зарэгістраваная скарга, пададзеная ад імя Алеся Бяляцкага
Са скаргай у Камітэт па правах чалавека ААН ад імя Алеся Бяляцкага, старшыні Праваабарончага цэнтра "Вясна" і Віцэ-Прэзідэнта Міжнароднай Федэрацыі за правы чалавека (FIDH), які адбывае зняволенне ў папраўчай калоніі г. Бабруйска, звярнуліся яго жонка Наталля Пінчук і Антуан Бернар, Генеральны дырэктар Міжнароднай Федэрацыі за правы чалавека (FIDH).
25.06.2012 Аналітычная тыднёвая справаздача па выніках назірання: 18-24 чэрвеня
Выбарчая кампанія пачынаецца ў неспрыяльных умовах, на фоне палітычных рэпрэсій, ва ўмовах ціску на апазіцыю і грамадзянскую супольнасць. У турмах працягваюць знаходзіцца палітычныя вязні, а нядаўні арышт незалежнага журналіста Андрэя Пачобута сведчыць аб узмацненні рэпрэсій у адносінах да незалежных СМІ.
