03.09.2012 Аб рэалізацыі права кандыдатаў у дэпутаты на перадвыбарную агітацыю
Цэнзура, забарона бясплатных выступаў у СМІ тых кандыдатаў, якія заклікаюць да байкоту выбараў, не адпавядаюць заканадаўству Беларусі і яе міжнародным абавязацельствам, парушаюць прынцып роўнасці кандыдатаў у дэпутаты і абмяжоўваюць як правы кандыдатаў на агітацыю, так і правы выбаршчыкаў на атрыманне поўнай і аб’ектыўнай інфармацыі.
27.08.2012 Працэдура праверкі подпісаў татальна закрытая для назіральнікаў
Да такой высновы прыйшлі ўдзельнікі кампаніі “Праваабаронцы за свабодныя выбары”. Толькі на чатырох акругах са 110 назіральнікам дазволілі азнаёміцца з дакументамі вылучэнцаў. У астатніх выпадках праверка подпісаў праходзіла па-за межамі паседжання, хоць Выбарчы кодэкс не ўтрымлівае такую форму працы.
25.08.2012 У Елісейскім палацы размаўлялі пра Алеся Бяляцкага
24 жніўня Прэзідэнт Міжнароднай Федэрацыі за правы чалавека (FIDH) Суэр Белхасен з яе папярэднікам на пасадзе Прэзідэнта FIDH, а цяпер ганаровым Прэзідэнтам FIDH, сенегальскім адвакатам Сідзікі Каба і Генеральным дырэктарам FIDH Антуанам Бернарам былі на аўдыенцыі ў Прэзідэнта Францыі Франсуа Аланда.
23.08.2012 Нататкі Алеся Бяляцкага пра беларускую “турэмную” літаратуру (дадаецца)
Алесь Бяляцкі, апынуўшыся за кратамі, як і шматлікія яго папярэднікі – беларускія літаратары-вязьні розных часоў, сярод якіх Вінцэнт Дунін-Марцінкевіч, Карусь Каганец, Алесь Гарун, Якуб Колас … Уладзімір Някляеў, напісаў нататкі пра беларускую “турэмную” літаратуру. Яны ўвойдуць у кнігу, якую Алесь пачаў рыхтаваць у 2011-м годзе і планаваў выдаць да свайго 50-годдзя.
22.08.2012 Пра Алеся Бяляцкага распавялі ў сталіцы Тайланду
Супрацоўнік офіса Міжнароднай федэрацыі за правы чалавека (FIDH) у Бангкоку Шывэй Йэ даведаўся з прэсы аб тым, што ў горадзе адбудзецца вечар па правах чалавека ў Беларусі, і наведаў мерапрыемства, каб звярнуць увагу на сітуацыю з палітвязнем, віцэ-прэзідэнтам FIDH Алесем Бяляцкім.
17.08.2012 Сурапін і Башарымаў вызваленыя пад падпіску
Башарымаў С.А. і Сурапін А.А. застаюцца ў статусе абвінавачаных, паколькі неабходныя следчыя дзеянні, у тым ліку правядзенне вочнай стаўкі, не праведзеныя ў сувязі з адмовай падданых Швецыі з'явіцца ў следчае ўпраўленне.
17.08.2012 Вынікі назірання за рэгістрацыяй ініцыятыўных груп і зборам подпісаў
Падчас перадвыбарчых мерапрыемстваў зафіксаваныя перашкоды з боку ўлад у дачыненні да сябраў ініцыятыўных груп апазіцыйных кандыдатаў і выпадкі выкарыстання адміністрацыйнага рэсурсу на карысць тых, каго падтрымлівае ўлада.
14.08.2012 Праваабаронцы гатовыя паручыцца за Антона Сурапіна і Сяргея Башарымава
Праваабарончы цэнтр “Вясна” далучыўся да ініцыятывы Беларускай асацыяцыі журналістаў па змене меры стрымання для журналіста Антона Сурапіна, які з 13 ліпеня знаходзіцца ў СІЗА КДБ. Праваабаронцы таксама хадайнічаюць аб змене меры стрымання ў дачыненьні да рыэлтара Сяргея Башарымава.
11.08.2012 Справаздача па выніках назірання за фарміраваннем участковых выбарчых камісій
У складзе сфарміраваных УВК абсалютную перавагу маюць прадстаўнікі лаяльных да ўлады грамадскіх аб’яднанняў і палітычных партый. У агульнай колькасці членаў УВК доля прадстаўнікоў апазіцыйных партый сёння складае каля 0,1 % (61 чалавек з 68945), яны прадстаўленыя менш чым у 1% камісій.
06.08.2012 Cправаздача па выніках назірання: 30 ліпеня – 5 жніўня
З боку ўладаў на асобных кандыдатаў у дэпутаты, сябраў ініцыятыўных груп і назіральнікаў аказваецца ціск. Зафіксаваны перашкоды ініцыятыўным групам дэмакратычных кандыдатаў з боку афіцыйных асоб, а таксама выкарыстанне адміністрацыйнага рэсурсу ў падтрымку праўладных кандыдатаў.
05.08.2012 Міжнародны Дзень салідарнасці з грамадзянскай супольнасцю і праваабарончым рухам Беларусі (фотарэпартаж)
Акцыі ў падтрымку Алеся Бяляцкага і ўсіх палітвязьняў у Беларусі прайшлі 4 жніўня ў шэрагу самых розных краін і гарадоў сьвету: Францыі, Германіі, Польшчы, Украіне, Расіі, Літве, Грузіі, Арменіі, Швецыі, Швейцарыі, Нарвегіі… Прапануем фотарэпартаж з гэтых акцый.
04.08.2012 “Сустрэчы салідарнасці Алеся Бяляцкага”
Пад такім назовам Праваабарончы цэнтр “Вясна” публікуе дасланыя з-за кратаў успаміны свайго кіраўніка пра яго знаёмствы з калегамі з розных краінаў, якія, як і сам ён зараз, за сваю нястомную праваабарончую дзейнасць былі пазбаўленыя хто волі, а хто і жыцця. Алесь Бяляцкі распавядае пра свае сустрэчы з Азімжонам Аскаравым, Яўгенам Жоўцісам, Наталляй Эсцеміравай і Алегам Арловым, якія здзейсніліся, дзякуючы яго працы ў Міжнароднай Федэрацыі за правы чалавека.
30.07.2012 Справаздача па выніках назірання: 23 - 29 ліпеня
ЦВК патлумачыла парадак правядзення агітацыі за байкот выбараў: яна прызнаецца юрыдычна дазволенай, аднак для арганізацыі пікетаў у адпаведнасці з Законам «Аб масавых мерапрыемствах» неабходна атрымаць дазвол. Практыка прымянення згаданага закона паказвае, што такім чынам рэалізаваць права грамадзянаў на агітацыю за байкот выбараў фактычна немагчыма.
26.07.2012 Праваабаронцы заклікаюць Генпракуратуру і Вярхоўны суд да абмеркавання сітуацыі з незаконнымі прэвентыўнымі затрыманнямі грамадскіх актывістаў
Прадстаўнікі праваабарончых арганізацый Беларусі звяртаюцца да Генеральнага пракурора Рэспублікі Беларусь Аляксандра Канюка і Старшыні Вярхоўнага суда Рэспублікі Беларусь Валянціна Сукалы з просьбай пра сустрэчу з мэтай абмеркавання сітуацыі з незаконнымі затрыманнямі грамадскіх актывістаў і прадстаўнікоў моладзевых апазіцыйных групаў, спынення гэтай незаконай практыкі і прыцягнення вінаватых да адказнасці.
24.07.2012 Праваабарончы цэнтр “Вясна” патрабуе вызвалення Антона Сурапіна і Сяргея Башарымава
Праваабарончы цэнтр “Вясна” расцэньвае затрыманне і ўзяццё пад варту грамадзянаў Антона Сурапіна і Сяргея Башарымава як эскалацыю страху ў грамадстве і спробу перакласці адказнасць за неналежную ахову дзяржаўнай мяжы і паветранай прасторы краіны на звычайных грамадзянаў.
