25.01.2008 Зьмітра Жалезьнічэнку тэрмінова забіраюць у войска
Як паведаміла маці адлічанага студэнта Ала Фёдараўна, сёньня раніцай Зьміцер адправіўся ў ваенкамат па позве, каб паведаміць, што ён хварэе і раённы тэрапеўт накіраваў яго ў паліклініку па месцы вучобы (дыягназ - гіпертанія), аднак у ваенкамаце на гэта не зьвярнулі ніякай увагі. Менавіта зараз гомельскага моладзевага актывіста, студэнта-выдатніка, адлічанага з вучобы па палітычных матывах, ужо афармляюць дакументы для службы ў чыгуначных вайсках у Жлобін.
24.01.2008 Суд прызнаў Аляксандра Крутога віноўным і накіраваў яго на лячэньне
У Нясьвіжскім судзе абвешчаны прысуд па крымінальнай справе Аляксандра Крутога. Ён прызнаны віноўным у зьдзяйсьненьні крымінальнага злачынства па арт. 368 КК РБ - публічная абраза прэзідэнта краіны. У сувязі з тым, што дзеяньні асуджанага не нясуць вялікай пагрозы для грамадзтва, Аляксандр Круты вызвалены ад пакараньня, а крымінальная справа спыненая. Паколькі падчас сьледства ў дачыненьні да абвінавачанага праводзілася судова-медыцынская экспертыза, якая ўстанавіла, што Аляксандр Круты хворы на паранаідальную шызафрэнію, матэрыялы накіраваныя ў медустанову з мэтай правядзеньня стацыянарнага лячэньня ва ўмовах звычайнага рэжыму.
23.01.2008 Суд над Аляксандрам Крутым: “Псіхіятрыя ў якасьці зброі супраць палітычных апанентаў”
Сёньня ў Нясьвіжы ў 16-00 будзе абвешчаны прысуд па крымінальнай справе Аляксандра Крутога. Ён абвінавачваецца ў публічнай абразе прэзідэнта яшчэ ў траўні 2003 года (артыкул 368 Крымінальнага Кодэксу РБ). Адвакатам на судзе выступае Марыяна Сямешка. Гэты працэс атрымаў шырокі грамадскі рэзананс, паколькі пад час сьледства ў дачыненьні да Крутога праводзілася судова-медыцынская экспертыза, якая ўстанавіла, што А. Круты хворы на паранаідальную шызафрэнію. Вось як ацэньвае ганебную практыку выкарыстаньня карнай псіхіятрыі віцэ-прэзідэнт Міжнароднай федэрацыі правоў чалавека Алесь Бяляцкі: “Мы, праваабаронцы, глыбока занепакоены тым фактам, што псіхіятрыя ў Беларусі ўсё часьцей і часьцей выкарыстоўваецца ў якасьці зброі супраць палітычных апанентаў улады. Гэтая форма ўціску на дэсідэнтаў была шырока распаўсюджаная ў Савецкім Саюзе. За 2007 год мы адзначылі некалькі выпадкаў ужываньня псіхіятрыі як сродка пакараньня ці ўціску на грамадзкіх і палітычных актывістаў.
22.01.2008 Вынікі судоў над затрыманымі пад час акцыі прадпрымальнікаў 21 студзеня
У судах Цэнтральнага і Маскоўскага раёна Менска праходзяць суды над затрыманымі актывістамі і грамадзянамі пад час мітынгу прадпрымальнікаў 21 студзеня. Гэты матэрыял увесь час аднаўляецца. Па сведчаньнях многіх затрыманых, іх збівалі супрацоўнікі міліцыі ў Цэнтральным РУУСе вечарам і сёньня пры дастаўцы ў суд. Раней міліцыянты Цэнтральнага РУУс такога сабе не дазвалялі На разгляд адміністрацыйных спраў у Маскоўскім судзе не дапускалі грамадскасьць і праваабаронцаў, фактычна суды праходзілі ў зачыненым рэжыме.
21.01.2008 Сьпіс затрыманых падчас акцыі прадпрымальнікаў 21 студзеня ў Менску і суды над імі
Сьпіс папярэдні, магчымы ўдакладненьні і недакладнасьці. Па папярэдняй інфармацыі затрымана больш за 20 чалавек
21.01.2008 Пачаліся масавыя затрыманьні, на Кастрычніцкую плошчу прыехала "хуткая дапамога" (дадаліся фотаздымкі)
15.00 Частка дэманстрантаў, выціснутая з плошчы Незалежнасьці, зноў вярнулася на Кастрычніцкую плошчу. Каля універсама "Цэнтральны" на прасьпекце ўтварылася вялікая даўка, удзельнікаў акцыі байцы ў камуфляжы спіхваюць па прыступках у паздемны пераход, хапаюць і адводзяць за Палац Рэспублікі, дзе стаяць аўтазакі. Кастрычніцкая плошча ўся ацэпленая супрацоўнікамі сьпецпадразьдзяленьня, прыехала тры машыны "хуткай дапамогі". Моладзь дасылае смс-кі наступнага зьместу: "перадалі па рацыі - праводзіцца поўная зачыстка". Можна з упэўненасьцю сказаць, што чарговая мірная акцыя жорстка задушаная ўладамі і цягам дня будуць прыходзіць зьвесткі пра зьбітых і затрыманых.
21.01.2008 Удзельнікаў мітынгу выцясьняюць з плошчы
14.20 Байцы сьпецпадразьдзяленьняў, якія колькасна ў дзесяткі разоў перавышаюць удзельнікаў акцыі, груба адцясьняюць усіх з плошчы. Як паведамляе наш карэспандэнт, уся плошча проста чорная ад касах і ўніформы, інфармацыі пра затрыманых пакуль няма. 14.30 Толькі што на плошчу прыехалі байцы СОБРу на чале з кіраўніком Паўлючэнкам. Адбываецца сілавы разгон мірнай акцыі!
21.01.2008 Мітынгоўцы выйшлі на праезжую частку, аўтазакі выехалі таксама
Прыкладна ў 13.40 удзельнікі мітынгу прадпрымальнікаў рушылі на Плошчу Незалежнасьці. Спачатку яны ішлі па ходніках, аднак праз некалькі хвілінаў выйшлі на праезжую частку. Адразу за імі на прасьпект выехалі аўтазакі і пачалі цясьніць людзей да тратуараў. У цэнтры гораду каля КДБ поўны вэрхал, частка руху паралізаваная.
19.01.2008 У студзені арыштаваныя 45 актывістаў, было затрымана больш за 50
1. Анатоль Лябедзька – 15 сутак арышту 2. Алесь Баразенка -- 15 сутак арышту 3. Павал Вінаградаў -- 15 сутак арышту 4. Арсен Пахомаў – 15 сутак арышту
17.01.2008 Кракадзілавыя сьлёзы міністра Навумава
Беларускі праваабаронца, віцэ-прэзідэнт Міжнароднай федерацыі правоў чалавека Алесь Бяляцкі ў сувязі з прайшоўшай акцыяй прадпрымальнікаў і перасьледам яе ўдзельнікаў, серыяй затрыманьняў і арыштаў адзначае: Першае, што мне хацелася б адзначыць, – улады былі зусім не гатовыя да такой актыўнасьці прадпрымальнікаў. Былі некаторыя моманты, якія зрабілі гэтую акцыю выключнай у параўнаньні з тымі , якія традыцыйна праходзілі на працягу мінулага году. Пратэставаць выйшла інакшая ад заўсёднай група людзей, аб’яднаных такімі патрабаваньнямі, якія выцякаюць з абароны сваіх сацыяльных, працоўных правоў.
14.01.2008 На што арыштаваныя маюць права
З 8 жніўня 2007 г дзейнічае новая пастанова МУС РБ № 194 "Аб зацьверджаньні правілаў унутраннага распарадку спецыяльных установаў органаў унутраных справаў, якія выконваюць адміністратыўнае спагнаньне ў выглядзе адміністратыўнага арышту". У дадзеным дакуманце расьпісаны парадак і ўмовы ўтрыманьня адміністратыўна затрыманых і адміністратыўна арыштаваных у спецустановах, якім зьяўляецца спецпрыёмнік ГУВД на Акрэсьціна. Паколькі ў палажэньні таксама ўказана, на што маюць права арыштаваныя, мы прывялі гэтую пастанову цалкам на рускай старонцы нашага сайту з тым, каб можна было абскарджваць парушэньні ўмоваў утрыманьня і законных правоў адміністратыўна арыштаваных і затрыманых, гарантаваныя беларускім заканадаўствам.
13.01.2008 Умовы ўтрыманьня на Акрэсьціна трэба абскарджваць
Дэмакратычны актывіст Мікола Сяргеенка, асуджаны 17 сьнежня судом Ленінскага раёну Менску да адбыцьця дзесяцісуткавага арышту па абвінавачаньню ў брыдкаслоўі на адрас міліцыянтаў падчас захопу офісу Беларускага кангрэса дэмакратычных прафсаюзаў, зьвярнуўся са скаргай на ўмовы ўтрыманьня на Акрэсьціна. Зараз пасьля акцыі пратэсту прадпрымальнікаў больш за 20 дэмакратычна-палітычных актывістаў знаходзяцца ў спецпрыёмніку-размеркавальніку ГУУС на Акрэсьціна, таму мы зьвяртаем ўвагу на тое, што трэба зьвяртацца са скаргамі на нечалавечыя ўмовы ўтрыманьня. У сувязі з гэтым прыводзім як прыклад напісаньня скаргу Міколы Сяргеенка.
13.01.2008 Пачалося паляваньне на рэгіянальных удзельнікаў мітынгу пратэсту прадпрымальнікаў
Сёньня на рынку ў Віцебску супрацоўнікі міліцыі затрымалі рэгіянальнага прадпрымальніка Сяргея Парсюкевіча. Спачатку яго даставілі ў віцебскі Кастрычніцкі РАУС, зараз вязуць у РУУС Маскоўскага раёну Менску.
10.01.2008 Сьпіс затрыманых падчас мітынгу і шэсьця прадпрымальнікаў у Менску 10 студзеня і вынікі судоў над імі (аднаўляецца)
1. Лябедзька Анатоль, Маскоўскі РУУС, пакараны арыштам на 15 сутак. Суддзя Гусакова В. 2. Пашкевіч Міхаіл, Цэнтральны РУУС, складзены пратакол па арт. 17.1 КаАП РБ; 3. Крываў Міхаіл, Цэнтральны РУУС, складзены пратакол па арт. 17.1 КаАП РБ; 4. Сьцепаненка Аляксандр, Маскоўскі РУУС, складзены пратакол па арт. 17.1 КаАП РБ;
09.01.2008 Палітычныя рэпрэсіі ў Беларусі ў 2007 годзе
Напрацягу ўсяго мінулага году праваабаронцы рупліва зьбіралі інфармацыю пра розныя формы рэпрэсіяў, якія ўлады выкарыстоўваюць для палітычнага перасьледу грамадзянскіх актывістаў. Сёньня прэзентуем адну з важных частак гэтай працы - сьпіс адміністрацыйна рэпрэсаваных грамадзянаў у 2007 годзе. На чарзе – інфармацыя пра крымінальныя справы ў дачыненьні да палітычных апанентаў ды іншыя формы перасьледу.
