Навіны на тэму: ЗША
28.08.2008 Дэвід Меркел лічыць магчымай адмену санкцыяў ЗША ў адносінах да Беларусі
Намеснік памочніка сакратара Дзярждэпу ЗША па пытаннях Еўропы і Азіі Дэвід Меркел заявіў у інтэрв’ю Еўрарадыё, што ён задаволены сваім візітам у Мінск. Па словах спадара Меркела, зараз галоўным для ЗША з’яўляецца паказаць Беларусі, што яны ўхваляюць вызваленне палітвязняў. Ужо на сустрэчы з прадстаўнікамі ўладаў у Мінску былі абмеркаваныя далейшыя крокі па нармалізацыі беларуска-амерыканскіх адносінаў. Галоўны з іх, лічыць спадар Меркел, - дэмакратычныя выбары.
14.08.2008 Беларусь спыняе аздараўленьне дзяцей у ЗША
Пра гэта заявіў начальнік дэпартамэнту гуманітарнай дзейнасьці Кіраўніцтва справаў прэзыдэнта Аляксандар Каляда.
08.08.2008 Амбасада ЗША ўздымае пытанне аб стане Зельцэра ў МЗС Беларусі
У амбасадзе ЗША ў Менску пракаментавалі прэс-цэнтру Хартыі’97 сытуацыю з амерыканскім адвакатам у Менску Эмануілам Зельцэрам. «Нам вядома з паведамленняў прэсы аб стане здароўя Эмануіла Зельцэра. І мы ўзнялі гэтае пытанне ў Міністэрстве замежных справаў Беларусі», - паведамілі ў амбасадзе ЗША.
30.07.2008 «The Times»: Зэльцэра катавалі ў турме КДБ Беларусі
Сёння ў Менску пачаўся зачынены працэс па справе амерыканскага адваката Эмануіла Зэльцэра. Як піша брытанская газета "The Times", Зэльцэр - адна з галоўных дзейных асобаў сутычкі за маёмасць алігарха Бадры Патакарцышвілі. Выданне адзначае: са звестак "Amnesty International", пад вартай Зэльцэра катавалі.
26.06.2008 На заходнiм фронце — без перамен
Як паведамiлi карэспандэнту "Народнай волi" ў прэс-службе Пасольства ЗША ў Беларусi, напрыканцы гэтага месяца ў беларускую сталiцу вяртаецца з адпачынку Часовы Павераны ў справах ЗША ў Мiнску Джонатан Мур.
09.06.2008 Буш працягнуў на год санкцыі ў дачыненьні да шэрагу беларускіх чыноўнікаў
У паведамленні, распаўсюджаным прэс‑службай Белага дома 6 чэрвеня, гаворыцца, што санкцыі былі ўведзены ў дачыненні да шэрагу членаў урада Беларусі і іншых асоб, якія «падрываюць дэмакратычныя працэсы або інстытуты, парушаюць правы чалавека <…> а таксама ўцягнуты ў дзяржаўную карупцыю, у тым ліку праз адабранне або няправільнае выкарыстанне дзяржактываў Беларусі або злоўжыванне дзяржаўнай уладай».
16.05.2008 ЗША пашырылі санкцыі
Улады Злучаных Штатаў увялі санкцыі яшчэ супраць трох беларускіх кампаній: «Лакафарба» (Ліда, Гарадзенская вобл.), «Полацк-Шкловалакно» і «Беларускі нафтавы гандлёвы дом».
07.05.2008 ЗША яшчэ думаюць над закрыццём амбасады ў Мінску
Намеснік дзяржсакратара ЗША па пытаннях Еўропы і Еўразіі Дэвід Меркель у эксклюзіўным інтэрв’ю Еўрарадыё расказаў, што пытанне пра закрыццё амбасады ў Мінску яшчэ не вырашанае. Таксама ў інтэрв'ю спадар Меркель разважае, ці можна назваць беларуска-амерыканскія адносіны дыпламатычнай вайной, наколькі правамернае ўмяшальніцтва ЗША ва ўнутраныя справы Беларусі, ды гаворыць аб правах чалавека ў нашай краіне.
02.05.2008 Адміністрацыя ЗША разглядае, якім чынам працягваць дыпляматычныя адносіны з Беларусьсю
Пра гэта 1 траўня на брыфінгу заявіў прэс‑сакратар Дзярждэпу Том Кейсі. Ён, дарэчы абверг паведамленьне Асашыэйтэд Прэс аб тым, што Вашынгтон запатрабаваў ад Беларусі закрыць пасольства і консульства ў ЗША.
27.03.2008 Д.Крэймэр: Крыніца праблемы - беларускія ўлады, якія не вызваляюць палітычных зьняволеных
Увечары 26 сакавіка на пытаньні Радыё Свабода адказаў Дэйвід Крэймэр, прызначаны два дні таму на пасаду памочніка Дзяржаўнага сакратара ЗША ў пытаньнях дэмакратыі, правоў чалавека і працоўных адносінаў.
12.03.2008 Карэн Сцюарт пакідае Мінск
Амбсадарка ЗША ў Беларусі Карэн Сцюарт з’язджае ў Вашынгтон для кансультацый. Такое рашэнне было прынятае па выніках яе ўчорашняй тэлефоннай размовы з Дзярждэпартаментам ЗША. Карэн Сцюарт спадзяецца, што кансультацыі будуць нядоўгімі, магчыма 2-3 тыдні.
12.02.2008 Дэманстрацыя ў абарону маладых актывістаў Беларусі
10-га лютага Беларускі Маладзевы Рух Амэрыкі правёў вялікую дэманстрацыю ў абарону маладых актывістаў Беларусі, якiя рэпрэсаваны сучасным таталітарным рэжымам. Больш за 40 хлопцаў і дзяўчат прыйшлі да будынка Арганізацыі Аб’яднаных Нацый у Нью-Йорку, каб патрабаваць ад афіцыйных уладаў Беларусі спыніць крымінальны перасьлед актывістаў Маладога Фронту : Андрэй Цянюта, Кірыл Атаманчык, Арсень Ягорчанка, Кацярына Салаўёва. А таксама выказаць падтрымку ўсім, хто змагаецца за дэмакратыю ў Беларусі
18.01.2008 Правы чалавека і дэмакратыя ў Беларусі – прыкры пачатак новага году
Старшыня Хельсінскай Камісіі Злучаных Штатаў Кангрэсмэн Элсі Хастынгс выступіў у Кангрэсе па пытаньні Беларусі далей -- тэкст ягонай прамовы
13.12.2007 ЗША пратэстуюць супраць зьбіцця дэманстрантаў на антыпуцінскай акцыі
Кангрэсмэн Элсі Гэйстынгс, старшыня Хэльсынскай камісіі ЗША, выступіў з заявай у сувязі з жорсткім зьбіцьцём 19-гадовага Зьмітра Хведарука падчас мірнай дэманстрацыі ў Менску 12 сьнежня. Хведарук быў зьбіты АМОНам да непрытомнасьці.
04.12.2007 Кандаліза Райс сустрэлася з дэлегацыяй беларускай апазыцыі
У часе сустрэчы дзяржсакратар ЗША Кандаліза Райс заявіла, што Вашынгтон падтрымлівае дэмакратычны рух у Беларусі. З візытам у Вашынгтоне знаходзіцца дэлегацыя ў складзе сямі чалавек. Аляксандар Мілінкевіч, Анатоль Лябедзька, Павал Севярынец, Сяргей Калякін, Анатоль Ляўковіч, Зьміцер Хведарук і Эніра Браніцкая наведваюць ЗША. Візыт у Амэрыку арганізавала Хэльсынская камісія Кангрэсу ЗША.
