Праваабарончы цэнтр «ВЯСНА»

Юлія Канаплёва, якую затрымалі 6 лютага ўвечары, "проста так" нічога паказваць не стала – запатрабавала, каб супрацоўнікі міліцыі прывезлі пастанову на агляд і складалі пратакол у прысутнасці незалежных панятых. На ўсё гэта сышло больш за тры гадзіны.

6 лютага прыкладна ў 17.30 ДАІ ў чарговы раз затрымала для праверкі машыну рэдактара "Віцебскага Кур'ера".

Абсерваторыя па Абароне Праваабаронцаў, сумесная праграма Міжнароднай Федэрацыі па Правах Чалавека (FIDH) і Міжнароднай Арганізацыі супроць Катаванняў (OMCT), распаўсюдзіла тэрміновы зварот з нагоды затрымання ў Менску старшыні праваабарончай арганізацыі “Прававая дапамога насельніцтву” Алега Волчака.

Проста на вуліцы ў Менску, непадалёк ад бульвару Шаўчэнкі міліцыянты затрымалі праваабаронцу Алега Волчака. Яго даставілі ў аддзяленьне міліцыі Цэнтральнага раёну. Прычыны затрыманьня пакуль невядомыя.

17 студзеня ў Менску ў раёне Купалаўскага тэатра былі затрыманыя актывіст “Еўрапейскай Беларусі” Даніл Ганчароў і ягоная знаёмая Ірына Арэхоўская. Прычына затрыманьня невядомая.

Уначы з 13 на 14 студзеня на дорозе пад Віцебскам супрацоўнікі ДАІ затрымалі машыну з накладам незалежнага выдання "Витебский курьер" . 10 тысяч асобнікаў забралі на праверку. У нумары быў надрукаваны артыкул "Шэсць фактаў па справе Алеся Бяляцкага, пра якія не распавядае БТ і не пішуць у “Советской Белоруссии”.

У Менску непадалёку ад станцыі метро “Усход” міліцыя затрымала 6 удзельнікаў акцыі па раздачы ежы. Дакладнай прычыны затрыманьня міліцыянты не назвалі: казалі штосьці пра антысанітарыю і забарону на правядзеньне такіх акцый у грамадскіх месцах. Праз 2 гадзіны затрыманых выпусьцілі, склаўшы пратаколы апытаньня.