Навіны на тэму: прэзентацыі
01.09.2008 2 верасьня адбудзецца прэзентацыя дакладу «Умовы ўтрыманьня пад вартай у Рэспубліцы Беларусь»
Прэзентацыя дакладу, падрыхтаванага Міжнароднай федэрацыяй правоў чалавека (FIDH) з дапамогай беларускіх праваабаронцаў, адбудзецца 2 верасьня ў Менску аб 11 гадзіне на Управе Партыі БНФ. У ёй прымуць удзел генеральны сакратар FIDH Луіс Гійерма Перэз, віцэ-прэзідэнт FIDH Алесь Бяляцкі, юрыст і правабаронца Валянцін Стэфановіч, а таксама былыя палітвязьні.
19.08.2008 “Дзень Волі”: беларуская прэм’ера 26 жніўня
Наведайце прэм'еру дакументальнага фільму рэжысёра Н. і Уладзіміра Арлова "Дзень Волі", знятага на замову тэлеканалу "Белсат". Стужка паказвае гісторыю Беларускай Народнай Рэспублікі вачыма пісьменніка і гісторыка Уладзімера Арлова, старшыні Рады Беларускай Народнай Рэспублікі Івонкі Сурвілы, журналіста радыё "Свабода" Сяргея Навумчыка.
01.08.2008 5 жніўня адбудзецца прэзентацыя рускай версіі справаздачы Абсерваторыі па абароне правоў праваабаронцаў
У той час, як становішча праваабаронцаў значна пагаршаецца ў Еўропе і асабліва на тэрыторыі Садружнасці Незалежных Дзяржаваў (СНД), Абсерваторыя па абароне правоў праваабаронцаў, сумесная праграма Міжнароднай Федэрацыі правоў чалавека (FIDH) і Сусветнай Арганізацыі супраць катаванняў (OMCT), апублікавала рускую версію часткі сваёй гадавой справаздачы за 2007 год, прысвечаную гэтаму рэгіёну.
30.05.2008 “Гэтыя людзі прагнуць вясны ў Беларусі”
29 траўня ў сядзібе Партыі БНФ у Менску адбылася прэзэнтацыя кнігі “Прага вясны. Крымінальныя прысуды, вынесеныя ў 2007 годзе па палітычных матывах”.
28.05.2008 29 траўня - прэзентацыя кнігі "Прага вясны"
Выйшла ў свет кніга “Прага вясны: Крымінальныя прысуды, вынесеныя ў 2007 годзе па палітычных матывах”, падрыхтаваная з удзелам беларускіх праваабаронцаў. У зборніку змешчаны публіцыстычныя артыкулы розных аўтараў, героямі твораў зьяўляюцца асобы, прыцягнутыя ў мінулым годзе да крымінальнай адказнасці за сваю грамадска-палітычную дзейнасць ці погляды.
30.04.2008 Алесь Бяляцкі: "Правы чалавека не зьяўляюцца для беларускіх уладаў самадастатковай рэальнай каштоўнасьцю"
Надрукаваны "Аналітычны агляд парушэньняў правоў чалавека ў Беларусі ў 2007 годзе". У зборніку прадстаўлены аналіз сітуацыі з правамі чалавека за мінулы год, прыведзены найбольш відавочныя і характэрныя факты парушэнняў правоў і свабод грамадзянаў краіны за гэты перыяд. Агляд падрыхтаваны на падставе асабістых зваротаў ахвяраў парушэнняў правоў чалавека, фактаў, зафіксаваных праваабаронцамі, а таксама інфармацыі з адкрытых крыніцаў.
28.02.2008 28 лютага у 19:00 у сядзібе БНФ адбудзецца прэм'ерный паказ фільму «Беларускі пасьляваенны антысавецкі супраціў»
Гэта першы фільм студыі "Partyzanfilm" з цыклю "Беларускі рэзыстанс".
19.02.2008 У Салігорску забаранілі прэзентацыю беларускамоўнага мульціка "Шрэк-3"
Аддзел адукацыi Салiгорскага райвыканкама забаранiў у школах горада прэзентацыю беларускамоўнага мульцiна «Шрэк-3», патлумачыўшы адмову пачаткам эпiдэмii грыпу. Прэзентацыя мусiла прайсцiся па салiгорскiх школах 22 i 27 лютага.
18.02.2008 У Беларусі прэзентаваны новы фільм «Вязьні сумленьня»
15 лютага ў Беларускім ПЭН-Цэнтры адбыўся прэм’ерны паказ дакументальнага фільма рэжысёра і прадусара Вольгі Мікалайчык "Вязні сумлення", прысвечанага вядомым дэмакратычным дзеячам, зняволеным па палітычных матывах.
28.01.2008 Прэзэнтаваны фільм пра беларускі паваенны супраціў
У нядзелю ўвечары ў Варшаве адбылася прэзэнтацыя дакумэнтальнага фільму “Беларускі антысавецкі пасьляваенны супраціў: 1944 – 1957 гады”.
28.11.2007 Прэзентацыя фільма Патаранскага “У СЬНЯГАХ ДРАМАЕ ВЯСНА” адбудзецца 7 снежня
Прэм’ерны паказ дзьвюх частак фільму рэжысэра Сержука Патаранскага «У сьнягах драмае вясна», які распавядае пра падзеі Менскай вясны-2006, час змаганьня беларускага народу за свабоду й справядлівасьць на пляцы Каліноўскага, мае распачацца 7 сьнежня а 18-ай у сядзібе Партыі БНФ . У імпрэзе, акрамя самога аўтара кінастужкі, возьмуць непасрэдны ўдзел героі Плошчы і, адпаведна, прэзэнтаванага фільму.
23.08.2007 Берасьцейскія суддзі бяруць “тайм-аут”
Адміністратыўных судоў над затрыманымі ў Берасьці 19 жніўня ўдзельнікамі прэзентацыі кнігі Паўла Севярынца “Лісты з лесу” на гэтым тыдні, хутчэй за ўсё, ня будзе.
13.08.2007 “Пан-Эўропа” як альтэрнатыва песімістычнаму погляду на сучасную цывілізацыю
19 жніўня на сядзібе БНФ а 18-й гадзіне адбудзецца прэзэнтацыя кнігі першага ідэёляга Аб’яднанай Эўропы графа Рыхарда Нікаласа фон Кудэнхове-Калергі “Пан-Эўропа”.
06.07.2007 Паэт Зьніч на Залатой Горцы прэзентуе кнігу паэзіі “За мурам”
Сёньня ў Менску інак Мікалай (Алег Бембель, Зьніч і г.д) ладзіць прэзентацыю сваёй новай паэтычнай кнігі. Кніга вершаў мае досыць інтрыгуючую назву – “За мурам”. Прэзентацыя адбудзецца ў памяшканьні Беларускага Пэн-цэнтру у 18-00. Чакаецца, што ў творчай вечарыне будуць браць удзел вядомыя барды Кася Камоцкая і Андрэй Мельнікаў.
