Навіны на тэму: выбары прэзідэнта-2010
23.09.2010 Бабруйскі раён: Камісіі не сфармаваныя, а падлікі ідуць?
У Бабруйскім раёне чыноўнікі вядуць падлікі, каб у выніку на тым ці іншым участку змог перамагчы “патрэбны” кандыдат.
23.09.2010 Ворша: Прадстаўнікі апазіцыі вылучаюцца ў тэрытарыяльныя камісіі
Прадстаўнікі палітычных партый, грамадскіх арганізацый, груп грамадзянаў вылучаюцца ў тэрытарыяльныя камісіі ў Аршанскім рэгіёне.
23.09.2010 Магілёўшчына: На большасці афіцыйных сайтаў – ні слова пра выбары
Аналіз 21 сайта райвыканкамаў Магілёўскай вобласці, двух сайтаў Магілёўскага і Бабруйскага гарвыканкамаў, а таксама Магілёўскага абласнога выканкама паказаў, што тэме выбараў амаль не ўдзяляецца ўвагі.
23.09.2010 Бабруйск: Cканчаецца фармаванне будучых ініцыятыўных групаў прэтэндэнтаў у кандыдаты
Пакуль дакладна вядома, што па стану на 22 верасня ў будучую ініцыятыўную групу прэтэндэнта ў кандыдаты ад партыі БНФ Рыгора Кастусёва ў Бабруйску ўвайшлі васямнаццаць чалавек. У асноўным усе сябры ініцыятыўнай групы – сябры партыі БНФ. Больш шырока прадстаўлена ў Бабруйску каманда лідара кампаніі “Гавары праўду!” Уладзіміра Някляева. У яе склад увайшлі 50 прыхільнікаў вылучэння Някляева кандыдатам на пасаду прэзідэнта.
23.09.2010 Баранавічы: Самыя шматлікія каманды ў Саннікава, Міхалевіча і Раманчука, трохі менш у Рымашэўскага, Някляева і Статкевіча
У Баранавічах завяршаецца фармаванне будучых ініцыятыўных групаў дэмакратычных кандыдатаў і відавочна, што выбарчая кампанія будзе праходзіць актыўна. Ужо дакладна вядома, што ў горадзе ёсць прадстаўнікі ініцыятыўных групаў шасці апазіцыйных лідэраў: Алеся Міхалевіча, Андрэя Саннікава, Яраслава Раманчука, Віталя Рымашэўскага, Уладзіміра Някляева і Мікалая Статкевіча. Пакуль няма ніякіх звестак пра колькасны склад ініцыятыўных групаў Аляксандра Лукашэнкі і Сяргея Гайдукевіча.
23.09.2010 Салігорск: Штраф кіраўніцы штабу Някляева
Раніцай 23 верасня ў Салігорску адбыўся суд над кіраўніцай мясцовага перадвыбарчага штабу У.Някляева Таццянай Кучынскай. Яе абвінавачвалі ў парушэнні заканадаўства аб сродках масавай інфармацыі паводле артыкула 22.9 ч.2 КоАП (незаконны выраб і распаўсюджванне сродкаў масавай інфармацыі). Суд пад кіраўніцтвам Ягора Барысенкі пастанавіў спагнаць з дэмактывісткі штраф у памеры 40 базавых велічынь (1 мільён 400 тысяч рублёў).
23.09.2010 Маладэчна: Востра паўстала пытанне бяспекі
У Маладэчне на вуліцы Прытыцкага напярэдадні выбараў з’явяцца камеры відэаназірання, і ўся відэаінфармацыя будзе выводзіцца на маніторы ў дзяжурнай частцы міліцыі.
23.09.2010 Мінск: Пікеты ля касцёла Святога Язэпа будуць бестэрміновымі
Без затрыманняў удалося правесці 22 верасня акцыю за вяртанне вернікам касцёла святога Язэпа ў Мінску. Нягледзячы на тое, што напярэдадні былі затрыманы каля 10 удзельнікаў пікетавання на чале з сустаршынямі аргкамітэта па стварэнні Беларускай хрысціянска-дэмакратычнай партыі (БХД) Паўлам Севярынцам і Віталем Рымашэўскім, працяг акцыі сабраў каля 25 чалавек.
23.09.2010 Сябры АГП, якія ўдзельнічаюць у кампаніях іншых кандыдатаў, павінны пакінуць партыю
22 верасеня Палітрада Аб'яднанай грамадзянскай партыі прыняла рашэнне аб прыпыненні сяброўства ў партыі ці выключэнні з яе тых людзей, якія працуюць у выбарчых кампаніях іншых кандыдатаў у прэзідэнты, а не кандыдата ад АГП Яраслава Раманчука.
23.09.2010 Барысаў: Сайт райвыканкама ўжо інфармуе аб выбарах, выканкамаўская газета – не
У Барысаве атрымаць неабходную інфармацыю аб маючых адбыцца прэзідэнцкіх выбарах можна на афіцыйным сайце райвыканкама. Створана спецыяльная рубрыка «Выбары Прэзідэнта Рэспублікі Беларусь», у якой своечасова размешчана аб'ява пра тое, што «рэгістрацыя дакументаў па вылучэнні ў склад Барысаўскай раённай камісіі па выбарах Прэзідэнта Рэспублікі Беларусь ажыццяўляецца з 8.00 да 13.00 і з 14.00 да 17.00 штодня да 26. 09. 2010 уключна ».
23.09.2010 Мазыр: Заканчваецца стварэнне ініцыятыўных групаў прэтэндэнтаў на пасаду Презідэнта краіны
Сябры Аб’яднанай грамадзянскай партыі (АГП) збіраюцца ўваходзіць у склад 2 ініцыятыўных групаў: за намесніка старшыні партыі Я. Раманчука і лідара грамадзянскай кампаніі “Гавары праўду!” У.Някляева. Ёсць сябры гэтай партыі і ў групе А. Саннікава. Цалкам верагодна, што адны і тыя ж актывісты ўваходзяць у склад некалькіх ініцыятыўных групаў адразу. Някляева таксама падтрымліваюць і сябры партыі левых “Справедлівы свет”.
23.09.2010 Бяроза: Актывістка намагаецца трапіць на паседжанне органаў, якія ствараюць выбарчыя камісіі
Бярозаўская актывістка Тамара Шчапёткіна зрабіла шэраг захадаў, каб трапіць на паседжанне органаў, якія ствараюць выбарчыя камісіі. Яна накіравала заявы ў прэзідыум Бярозаўскага раённага Савета дэпутатаў і старшыні Бярозаўскага райвыканкама, у якіх просіць паведаміць ёй асабіста, калі і дзе адбудзецца сумеснае паседжанне прэзідыума Бярозаўскага раённага Савета і Бярозаўскага райвыканкама па стварэнню Бярозаўскай раённай выбарчай камісіі па выбарах Прэзідэнта Рэспублікі Беларусь.
23.09.2010 Гомельская кааліцыя АДС плануе вылучыць 30 чалавек у склад тэрытарыяльных выбарчых камісій
22 верасня прашло паседжанне Гомельскай кааліцыі АДС, на якім асноўным пытаннем было рашэнне аб фармаце ўдзелу ў прэзідэнтскіх выбарах. Кааліцыя АДС да гэтага часу прытрымліваецца пазіцыі, прынятай у ліпені 2009 года, сутнасць якой у тым, што кааліцыя не прымае ўдзелу ў прэзідэнтскіх выбарах пры адсутнасці ў апазіцыі адзінага кандыдата. Разам з тым на паседжанні было адзначана, што ніхто не можа забараніць сябрам розных палітычных партый — суб'ектам кааліцыі, індывідуальна падтрымліваць асобных прэтэндэнтаў на прэзідэнцкую пасаду.
23.09.2010 Ініцыятыўная група створана на ўсялякі выпадак?
Сябра Партыі БНФ з мястэчка Малеч Бярозаўскага раёна Анатоль Сахаруша вырашыў збіраць подпісы за Аляксандра Лукашэнку.
22.09.2010 Алесь Міхалевіч плануе сабраць 15000 подпісаў у кожнай вобласці
На сустрэчы с жыхарамі Слуцка, вылучанымі ў ягоную ініцыятыўную групу, палітык агучыў наступную інфармацыю. Не пазней за 24 верасня ён збіраецца падаць у Цэнтральную выбарчую камісію спіс сяброў ініцыятыўнай групы па вылучэнні кандыдата ў Прэзідэнты і заяву аб рэгістрацыі групы.
