Навіны на тэму: выбары прэзідэнта-2010
29.09.2010 Раённыя выбарчыя камісіі сталіцы: у “лідэрах” усе тыя ж
Найбольш распаўсюджанымі арганізацыямі (увайшлі ва ўсе дзевяць камісій) сталі прадстаўнікі БРСМ, “Белай Русі”, Чырвонага крыжа, Федэрацыі прафсаюзаў Беларусі, Саюза жанчын, Фонда міра і КПБ. Гэта сем аб’яднанняў, якія атрымалі безумоўнае лідэрства ў складзе камісій.
28.09.2010 Выбары Прэзідэнта Рэспублікі Беларусь 2010: тыднёвы аналітычны агляд (20-26 верасня)
Старшыня Цэнтрвыбаркама Л. Ярмошына заявіла, што верыць у перамогу А.Лукашэнкі на будучых выбарах . Заява старшыні Цэнтрвыбаркама не адпавядае прынцыпам незаангажаванасці і бесстароннасці, якімі павінны кіравацца выбарчыя адміністрацыі, а таксама з’яўляюцца сродкам агітацыі на карысць адной з асобаў, якія маюць намер стаць кандыдатам у Прэзідэнты.
28.09.2010 Мазыр: Склад раённага выбаркаму – амаль нязменны
Амаль нязменнай засталася Мазырская раёная выбарчая камісія з 13 чалавек - як з апошняй выбарчай кампаніі ў мясцовыя Саветы, так і папярэдніх, пачынаючы з 2004 года. І нават не чакаючы першага паседжання, можна дакладна назваць яе кіруючы склад - ён звычайна таксама нязменны і цалкам падкантрольны мясцовай адміністрацыі. Адзіны дэмакратычны прадстаўнік - ад апазіцыйнай партыі “Справедлівы свет” - юрыст Бокава Е.Ю. аказалася непажаданай для працы ў камісіі і ў яе склад не ўвайшла.
28.09.2010 Кіраўніку ініцыятыўнай групы Някляева на Случчыне пагражае звальненне
На сайце rabota.by 21 верасня з'явілася абвестка пра вакансію старэйшага майстра ў Слуцкім будаўнічым участку філіяла "Мінскэнэергаспецрамонт" РУП "Мінскэнэрга". На гэтай пасадзе на дадзены момант працуе Анатоль Юрэвіч, кіраўнік ініцыятыўнай групы Ўладзіміра Някляева па Слуцку і Слуцкім раёне.
28.09.2010 Барысаў: У камісіі толькі кіраўнікі і «няпростая» пенсіянерка
28 верасня на сайце газеты «Адзiнства», якая належыць Барысаўскаму раённаму выканкаму, апублікавана рашэнне ад 27 верасня 2010 г. № 1205 / 8 "Аб адукацыі Барысаўскай раённай камісіі па выбарах Прэзідэнта Рэспублікі Беларусь».
28.09.2010 Дэмакраты не патрапілі ў склад Магілёўскіх раённых выбарчых камісій
У склад раённых выбарчых камісій вылучалася два актывісты ад Беларускай партыі левых “Справядлівы свет” і грамадская актывістка Ларыса Шукайла, якая вылучалася шляхам збору подпісаў.
28.09.2010 У Жодзінскую гарадскую выбарчую камісію трапіў прадстаўнік АГП
- Гэта, канешне, добра, што ў склад камісіі ўвайшоў адзін з прадстаўнікоў АГП у рэгіёне. Добра таксама, што мне было дадзены дазвол выкарыстаць сваё права як грамадзяніна Беларусі назіраць за дадзеным працэсам. Аднак так і засталося незразумелым, хто ды з якіх меркаванняў фармаваў канчатковы, прапанаваны для галасавання спіс?
28.09.2010 Барысаў: АГП аспрэчвае ў судзе неўключэнне ў камісію свайго прадстаўніка
Сёння Савет Барысаўскай раённай арганізацыі Аб'яднанай грамадзянскай партыі падаў у Барысаўскі раённы суд скаргу на неўключэнне ў склад Барысаўскай тэрытарыяльнай выбарчай камісіі свайго прадстаўніка Рэгіны Вільтоўскай. Прычынай для скаргі стала не толькі неўключэнне ў склад камісіі прадстаўніка партыі, але і той факт, што на паседжанне органа па фарміраванні камісіі не была запрошана другі прадстаўнік партыі - Марына Статкевіч. Апавяшчэнне яе аб часе і месцы правядзення паседжання спецыяльна агаворвалася ў заяве Барысаўскай раённай арганізацыі АГП.
28.09.2010 «Людзі проста забыліся, якімі павінны быць свабодныя выбары ...»
28 верасня на сайце «Белорусских новостей» прайшла онлайн-канферэнцыя з прадстаўнікамі кампаніі «Праваабаронцы за свабодныя выбары». Гасцямі рэдакцыі былі старшыня Беларускага Хельсінкскага камітэта Алег Гулак і прадстаўнік аргкамітэта па стварэнні праваабарончага цэнтру "Вясна" Валянцін Стэфановіч.
28.09.2010 Бабруйск: Прысутнасць назіральнікаў на паседжаннях – “неправамоцная”
28 верасня, у цэнтральны офіс БХК па факсу прыйшоў адказ ад бабруйскіх чыноўнікаў, у якім яны адмовілі назіральнікам у магчымасці прысутнічаць на паседжаннях, бо гэта “неправамоцна”.
28.09.2010 Бяроза: Пра паседжанне па фармаванні камісіі вылучэнцам паведамілі пасля яго правядзення
Бярозаўскія актывісты Тамара Шчапёткіна і Сяржук Русецкі ў 14 гадзін 28-га верасня атрымалі пісьмовае паведамленне пра тое, каб глядзелі на сайце райвыканкама аб часе і месцы правядзення паседжання па стварэнні раённай выбарчай камісіі. Гэта пры тым, што паседжанне адбылося ў гэты дзень у палове дзевятай раніцы.
28.09.2010 Маладэчанскія ўлады ўпотай правялі паседжанне па фармаванні выбарчых камісій
Праваабаронцы Эдуард Баланчук і Алесь Капуцкі дарэмна планавалі на яго патрапіць. Беларускі Хельсінскі Камітэт адправіў у Маладэчанскі райвыканкам ліст з просьбай запрасіць на паседжанне па фармаванні выбарчых камісій Эдуарда Баланчука, пазначыўшы яго нумар тэлефона.
28.09.2010 Бабруйск: Улады выкарыстоўваюць адміністратыўны рэсурс
Бабруйскім праваабаронцам стала вядома, што ўчора, 27 верасня, дырэктараў сярэднеадукацыйных школ збіралі ў адміністрацыях Ленінскага і Першамайскага раёнаў горада. На сходах дырэктарам далі загад, каб яны ў бліжэйшы час запрасілі бацькоў у школы. Вядома, што на гэтых бацькоўскіх сходах будуць прысутнічаць сябры ініцыятыўнай групы Аляксандра Лукашэнкі. Таксама дырэктары САШ атрымалі даручэнне стварыць на гэтых сходах макісмальна добрыя ўмовы для іх правядзення.
28.09.2010 Гарадзеншчына: Звычайных грамадзян на сумесныя паседжанні прэзідыумаў выканкамаў і райсаветаў не пускаюць
Сёння, 28 верасня, на Гарадзеншчыне сфармаваныя некаторыя тэрытарыяльныя выбарчыя камісіі. На паседжанне ў Ваўкавыску не пусцілі грамадска-палітычнага актывіста Лявона Карповіча, які хацеў там прысутнічаць як звычайны грамадзянін і падаў адпаведную пісьмовую заяву.
28.09.2010 Слуцк: У складзе раённай выбарчай камісіі - ні аднаго прадстаўніка апазіцыі
Прадстаўнікі дэмакратычных партый не вылучылі ні аднаго свайго прадстаўніка ў Слуцкую раённую выбарчую камісію па выбарах прэзідэнта Беларусі. Пра гэта стала вядома на сумесным паседжанні прэзідыума Слуцкага раённага Савета дэпутатаў і райвыканкама, якое адбылося 28 верасня. Па словах Віталя Амяльковіча, прадстаўніка Беларускага Хельсінскага Камітэта, які прысутнічаў на паседжанні, раённая выбарчая камісія была ўтворана за 16 хвілін. Столькі па часе доўжылася паседжанне.
