Навіны на тэму: выбары прэзідэнта-2010
05.10.2010 Збор подпісаў на пікетах ў Оршы пакуль малаэфектыўны
Мінулыя выходныя ў Оршы былі адзначаны першымі пікетамі па зборы подпісаў. Разам з тым іх вынікі пакуль вельмі сціплыя. Нягледзячы на тое, што многія аршанцы жыва цікавіліся будучымі кандыдатамі - за 2 гадзіны было сабрана каля 15 подпісаў.
05.10.2010 Маладэчна: Блытаніна з месцамі для пікетавання – наўмысная?
Маладэчанскі райвыканкам 4 кастрычніка на афіцыйным сайце змясціў рашэнне аб вызначэнні забароненых для пікетавання месцаў. Гэты дакумент значна адрозніваецца ад таго, што раней быў надрукаваны ў мясцовай газеце, але мае той самы нумар і дату прыняцця. Мясцовыя актывісты спрабуюць высветліць, які дакумент сапраўдны.
05.10.2010 Барысаў. "Людзі скрайне запалоханыя"
"Барысаўскія зборшчыкі подпісаў даволі часта сутыкаюцца з тым, што гараджане баяцца падпісвацца за Раманчука з-за таго, што па месцы працы ім за гэта пагражаюць непрыемнасцямі аж да звальнення ..."
05.10.2010 За Аляксандра Лукашэнку подпісы збіраюць у будынках гомельскіх ВНУ
Пікет па зборы подпісаў за А.Лукашэнку праходзіць 5 кастрычніка на другім паверсе галоўнага корпуса Беларускага дзяржаўнага ўніверсітэта транспарту (БелДУТ). Подпісы збірае прарэктар па выхаваўчай працы, кавалер ордэна Францыска Скарыны (2003 г.) Галіна Чаянкова, яна ж – старшыня Чыгуначнай раённай арганізацыі грамадскага аб'яднання «Белая Русь», яна ж – кіраўнік ініцыятыўнай групы па Чыгуначным раёне Гомеля. Зразумела, што наўрад ці асмеляцца студэнты адмовіцца падпісацца за кіраўніка дзяржавы, калі подпісы збірае прарэктар па выхаваўчай працы і па месцы вучобы.
05.10.2010 Бабруйск: Члену ініцыятыўнай групы Рымашэўскага пагражаюць звальненнем з працы
Таісія Кабанчук, кіраўнік бабруйскага аддзялення БХД, распавяла аб ціску, які аказвае на Святлану Чылянкову кіраўніцтва завода “Бабруйскаграмаш”, на якім жанчына працуе кладаўшчыцай.
05.10.2010 Сакратар Цэнтрвыбаркама разлічвае на «спакойныя» выбары
4 кастрычніка ў Брэсце прайшоў семінар-нарада па пытанні арганізацыі і правядзення выбараў прэзідэнта Рэспублікі Беларусь, у ходзе якога сакратар Цэнтрвыбаркама Мікалай Лазавік сустрэўся з прадстаўнікамі выканаўчай улады і старшынямі і сакратарамі тэрытарыяльных камісій вобласці. На яго думку, «галоўнай асаблівасцю цяперашняй выбарчай кампаніі з'яўляецца тое, што яна праходзіць у вельмі спакойнай грамадска-палітычнай абстаноўцы».
05.10.2010 Пінск: У цэнтральнай паліклініцы збіралі подпісы за Лукашэнку - з парушэннямі
4 кастрычніка ў Пінскай цэнтральнай паліклініцы падчас абедзеннага перапынку адбыўся сход калектыву гэтай аздараўляльнай установы. Усім прысутным прапанавалі падпісацца за дзеючага кіраўніка дзяржавы. Прычым патрэбны быў толькі подпіс, пашпартныя дадзеныя былі ўзятыя з аддзелу кадраў установы.
05.10.2010 «Голас Веткаўшчыны» піша пра «нечаканых кандыдатаў» і «нікому невядомых людзей»
У апошнім нумары газеты выйшаў артыкул «Нечаканыя кандыдатуры», аўтар якога ўспомніў пра «кожную кухарку, якая можа кіраваць дзяржавай», і заўважыў, што пасля рэгістрацыі ініцыятыўных груп «у гэтым ёсць сур'ёзныя сумненні».
05.10.2010 Віцебск: Праваабаронца Левінаў не трапіў у выбаркамы нават пасля двух судоў
Ні абласны суд, ні Кастрычніцкі раённы суд Віцебска не задаволілі скаргі грамадзянаў, якія вылучалі Паўла Левінава ў склад абласной выбарчай камісіі і ў склад выбарчай камісіі Першамайскага раёну. Абедзьве групы грамадзянаў, не знайшоўшы падтрымкі ў судах, збіраюцца падаваць заявы ў пракуратуру.
05.10.2010 Супрацоўнікі райвыканкамаў займаюць вядучае месца ў выбарчых камісіях Брэстчыны
На кіруючых пасадах практычна ўсіх сфармаваных у Брэсцкай вобласці тэрытарыяльных камісій па выбарах прэзідэнта Рэспублікі Беларусь у абавязковым парадку прысутнічаюць супрацоўнікі мясцовых органаў выканаўчай улады.
05.10.2010 У рэгіёнах розная актыўнасць ініцыятыўных груп па зборы подпісаў за розных прэтэндэнтаў (дадаліся фотаздымкі)
У Гомелі праводзяцца пікеты пакуль толькі за Лукашэнку і Міхалевіча, у Брэсце на пікетах подпісы збіраюць за Някляева, Саннікава і Рымашэўскага, у Мазыры ў выглядзе пікета збіралі подпісы толькі за Андрэя Саннікава.
05.10.2010 Брэст: УУС аблвыканкаму інфармуе пра парадак збору подпісаў выбаршчыкаў
Ад гэтага моманту зборшчыкі подпісаў пры ўзнікненні праблем з праваахоўнікамі могуць спасылацца на афіцыйны сайт міліцыі Брэсцай вобласці.
05.10.2010 Наваполацк: Подпісы за Лукашэнку збіраюць на прадпрыемствах у працоўны час
На наваполацкім прадпрыемстве “Палімір” намеснік начальніка аддзела сацыяльнага развіцця Міхаіл Касцюк збіраў подпісы падчас працоўнага дня. Адпаведную сітуацыю можна было назіраць і ў будаўнічай арганізацыі “Трэст № 16”.
05.10.2010 Магілёў: Дзяржаўныя СМІ – ні слова аб апанентах дзеючага прэзідэнта
Магілёўскія газеты “Веснік Магілёва”, “Магілёўская праўда”, “Днепровская неделя” і “Магілёўскія ведамасці” дагэтуль ні разу ў сваіх публікацыях не ўзгадалі пра апанентаў Лукашэнку. Маўчанне не толькі на паперы, але і віртуальнай прасторы.
05.10.2010 Суд вырашыў: Жлобінская выбарчая камісія застанецца без прадстаўнікоў апазіцыі
У судзе Жлобінскага раёна разгледжана скарга на неўключэнне ў раённую выбарчую камісію прадстаўніка апазіцыі В. Яўзрэзава. У якасці сведкі быў выкліканы намеснік старшыні райвыканкама В. Касцяйкоў, які распавёў цікавыя звесткі аб працэсе фарміравання камісіі.
