27.07.2010 Пракуратура не знайшла падставаў для ўзбуджэння крымінальнай справы супраць міліцыянтаў за збіццё Змітра Пармона

Актывіст “Моладзі БНФ” Зміцер Пармон атрымаў з Пракуратуры Цэнтральнага раёна Менска адказ на сваю заяву з просьбай узбудзіць крымінальную справу ў дачыненні да міліцыянтаў, якія збівалі яго падчас затрымання 27 траўня.

26.07.2010 Скарга Алеся Меха не задаволеная

У Берасцейскім абласным судзе адбыўся разгляд касацыйнай скаргі палітычнага і грамадскага актывіста з Кобрына Алеся Меха. Судовы працэс вяла Святлана Крымянецкая ў прысутнасці пракурора Віктара Надзорава. Абласны суд пакінуў рашэнне суда Кобрынскага без змянення, а скаргу Меха без задавальнення.

23.07.2010 Рашэнне суду па справе Якавенкі не вырашае праблемы па сутнасці, лічаць праваабаронцы

Сёння, 23 ліпеня, судовая калегія па крымінальных справах Гомельскага абласнога суда пад старшынствам Людмілы Грынько ўжыла да асуджанага прызыўніка Яўгена Якавенкі амністыю ў сувязі з 65-годдзем Перамогі, вызваліўшы ад крымінальнай адказнасці за ўхіленне ад прызыву на вайсковую службу.

21.07.2010 Касацыйная скарга Абрамовіча не задаволеная

Учора адбыўся разгляд касацыйнай скаргі Алеся Абрамовіча на рашэньне суда Барысаўскага раёну, які прызнаў яго вінаватым у парушэньні арт. 23.34, 23.4 Кодэксу аб адміністратыўных правапарушэньнях (парушэньне парадку арганізацыі альбо правядзеньня масавага мерапрыемства ці пікетаваньня, і непавінавеньне законнаму распараджэньню альбо патрабаваньню службовай асобы пры выкананьні ёй службовых паўнамоцтваў).

16.07.2010 Прызначана дата разгляду касацыйнай скаргі Яўгена Якавенкі

23 ліпеня Гомельскі абласны суд будзе разглядаць касацыйную скаргу на прысуд Яўгену Якавенку, вынесены судом Цэнтральнага раёна Гомеля. Пачатак судовага паседжання – 9.30 раніцы.

13.07.2010 Гомельскі гарвыканкам: няма грошай - няма і права

12 ліпеня ў судзе Цэнтральнага раёна Гомеля слухалася справа па скарзе гомельскіх праваабаронцаў Анатоля Паплаўнага і Леаніда Судаленкі супраць рашэння гарвыканкама, які забараніў правесці 1 чэрвеня бягучага года ў Міжнародны дзень абароны дзяцей больш за 30 пікетаў у найбольш шматлюдных месцах абласнога цэнтра.

06.07.2010 Ці перагледзяць барысаўскія чыноўнікі рашэньне пра месцы правядзеньня масавых мерапрыемстваў?

Праваабаронцы з Барысава Марына Статкевіч і Алег Мацкевіч абскарджваюць рашэньне райвыканкаму пра вызначэньне месцаў правядзеньня масавых мерапрыемстваў у горадзе. Тым часам мясцовыя дэмактывісты абскарджваюць штрафы за парушэньне парадку арганізацыі й правядзеньня такіх мерапрыемстваў.

01.07.2010 Маладафронтавец скардзіцца ў пракуратуру

Актывіст "Маладога Фронту" Уладзімір Яроменак, затрыманы ўдзень міліцыянтамі за расклейку налепак у межах кампаніі "Горад - наш!", падаў скаргу ў пракуратуру Саваецкага раёну. Маладафронтавец указаў на неправамоцныя дзеяньні супрацоўнікаў міліцыі.

01.07.2010 Справа Алеся Рамановіча накіравана на новы разгляд

Адбыўся разгляд касацыйнай скаргі сябра партыі БНФ і актывіста руху “За свабоду” Алеся Рамановіча з Пінску ў Брэсцкім абласным судзе. Алесь Рамановіч прасіў абласны суд адмяніць рашэнне пінскага гарадскога суда і справу закрыць.

24.06.2010 Суд не хоча разглядаць скаргу на ўмовы ўтрымання ў ізалятары

Скаргу на дрэнныя ўмовы ўтрымання ў брэсцкім следчым ізалятары накіраваў у раённы суд, а потым у калегію Брэсцкага абласнога суда актывіст Руху "За Свабоду" Іван Стасюк, які быў затрыманы 3 лютага 2010 году і знаходзіўся ў ізалятары часовага ўтрымання цягам трох дзён. Аднак, судовыя інстанцыі адмовіліся ініцыяваць грамадзянскую справу.

23.06.2010 Суд незаконна прыцягнуў Аляксандра Рамановіча да адміністратыўнай адказнасці

Сябра партыі БНФ і актывіст руху “За свабоду” Аляксандр Рамановіч падрыхтаваў скаргу ў Брэсцкі абласны суд на рашэнне суда Пінскага раёна. 16 чэрвеня суд пакараў грамадскага актывіста штрафам у 30 базавых велічынь за “незаконны выраб друкаванай прадукцыі”.

Адміністратыўнае спагнанне ў выглядзе штрафа было накладзена на актывіста паводле ч.2 артыкула 22.9 КаАП Рэспублікі Беларусь. Але суд у дадзеным выпадку прыняў незаконнае рашэнне.

22.06.2010 На скаргу ў Генеральную пракуратуру адказаў той, на каго скардзіліся

Сябра ГА «БАЖ» з Гомеля Юрый Варонежцаў даслаў паўторную скаргу Генеральнаму пракурору Рэспублікі Беларусь Рыгору Васілевічу.

18.06.2010 Камітэт ААН зарэгістраваў чарговае паведамленьне пра парушэньне правоў ў Беларусі

Пад № 1952/2010 зарэгістравана скарга актывіста Руху "За Свабоду" Віталя Сымоніка.

17.06.2010 Скарга Рамашкевіча не задаволеная

17 чэрвеня Гарадзенскі абласны суд разглядаў скаргу былога кандыдата ў дэпутаты Алега Рамашкевіча на адміністратыўны прысуд у выглядзе штрафу. Яго вінавацілі ў наклейваньні агітацыйных перадвыбарчых улётак нібыта ў недазволеным месцы.

15.06.2010 Пра акцыю «Ланцуг неабыякавых людзей» даведаліся ў ААН

Гомельскі праваабаронца Анатоль Паплаўны, прыцягнутыя да адміністратыўнай адказнасці за ўдзел у акцыі «Ланцуг неабыякавых людзей», накіраваў індывідуальную скаргу ў Камітэт ААН па правах чалавека. Праваабаронца просіць устанавіць факт парушэння з боку Беларусі яго правоў на справядлівае судовае разбіральніцтва, выказванне меркавання і правядзенне мірнага сходу.