Навіны на тэму: скаргі
29.07.2011 КДБ не вяртае Ірыне Пятровай канфіскаваныя пры ператрусе рэчы
На кватэрах актывісткі Ірыны Пятровай двойчы праходзілі ператрусы: 20 сьнежня 2010 года і 25 сакавіка 2011 году. З гэтай нагоды Ірына Пятрова неаднаразова скардзілася ў пракуратуру, патрабавала вярнуць забраныя рэчы.
28.07.2011 Пракуратура адфутбольвае скаргі на міліцыянтаў-хапуноў, якія збіваюць людзей
Пра чарговы такі выпадак праваабаронцам паведаміў Уладзімір Марозаў. Ён звяртаўся да пракурора г. Мінска з просьбай прыцягнуць да адказнасці супрацоўнікаў міліцыі, якія душылі яго да страты прытомнасці 6 ліпеня ля будынку Нацыянальнай бібліятэкі.
28.07.2011 Магілёў: прысуды ўдзельнікам маўклівай акцыі пакінулі бязь зьменаў
Магілеўскі абласны суд не задаволіў скаргі двух грамадзянаў, якіх затрымалі падчас маўклівай акцыі 3 ліпеня.
28.07.2011 Сёння Вярхоўны суд агучыць рашэнне па скарзе БХК
Вярхоўны суд 27 ліпеня разгледзеў скаргу РГА "Беларускі Хельсінкскі камітэт" (БХК) на рашэнне Мінюста аб вынясенні ў гэтым годзе другога папярэджання арганізацыі. "Рашэнне па скарзе Вярхоўны суд аб’явіць 28 ліпеня ў 15 гадзін", — паведаміў старшыня БХК Алег Гулак.
27.07.2011 Судовыя метамарфозы
Жыхар сталіцы Аляксей Балашоў абскардзіў у Мінскі гарадскі суд пастанову суда Маскоўскага раёна. Аднак адказ яму прыйшоў чамусьці з суда Маскоўскага раёна. Суддзя Вольга Васільеўна Краўчанка, якая прысудзіла Аляксею пяць сутак адміністратыўнага арышту, паведаміла пра тое, што яму адмоўлена ў праве абскарджання. На якіх законных падставах суддзя Краўчанка ўзяла на сябе функцыі вышэйстаячага суда?
25.07.2011 Прысуд Саньнікаву зноў абскардзілі
Адвакаты экс-кандыдата ў прэзыдэнты Беларусі Андрэя Саньнікава падалі наглядную скаргу ў Менскі гарадзкі суд.
25.07.2011 Камітэт па правах чалавека ААН прызнаў парушэнне правоў заснавальнікаў “Грамадзянскай альтэрнатывы” (+тэкст Меркаванняў Камітэта)
Гомельскія грамадскія актывісты Уладзімір Кацора, Леанід Судаленка і Ігар Нямковіч, якім у 2004 годзе было адмоўлена ў рэгістрацыі грамадскага аб’яднання “Грамадзянская альтэрнатыва”, азнаёміліся з Меркаваннямі Камітэта па правах чалавека ААН, куды яны звярталіся з адпаведным паведамленнем у 2005 годзе.
25.07.2011 У Гародні ўдзельнікі акцый маўклівага пратэсту пачалі абскарджваць прысуды
Гарадзенскія ўдзельнікі маўклівых акцый пратэсту Аляксей Аляксандраў і Ігар Грыгалец, асуджаныя на 1 050 000 і 875 000 беларускіх рублёў адпаведна, ужо падалі скаргі ў Гарадзенскі абласны суд. Таксама абскарджвае рашэнне раённага суда Канстанцін Каплін, удзельнік акцыі з пратэзам рукі, які, па словах міліцыянтаў, нібыта пляскаў у ладкі.
22.07.2011 Мінгарсуд не задаволіў касацыйныя скаргі яшчэ шасці фігурантаў справы 19 снежня
Мінскі гарадскі суд пакінуў без задавальнення касацыйныя скаргі яшчэ шасці фігурантаў крымінальнай справы аб масавых беспарадках 19 снежня — Уладзіміра Лобана, Андрэя Федаркевіча, Дзмітрыя Дароніна, Сяргея Казакова, Яўгена Сакрэта і Віталя Мацукевіча. Такое рашэнне прыняла 22 ліпеня калегія Мінгарсуда пад старшынствам Уладзіміра Сцяпуркі.
22.07.2011 Анатоль Паплаўны міністру юстыцыі : “Суддзя, якая мяне судзіла, надалей не мае права ажыццяўляць правасуддзе”
Праваабаронца Анатоль Паплаўны просіць міністра юстыцыі Віктара Галаванава даць прававую ацэнку дзеянням суддзі суду Цэнтральнага раёна Гомеля пры ажыццяўленні службовых паўнамоцтваў. У прыватнасці, Паплаўнага цікавіць, чаму суддзя не прыняла пад увагу практычна не запоўнены пратакол аб адміністратыўным правапарушэнні, паводле якога ён быў асуджаны на 15 сутак арышту.
22.07.2011 Прысуды Някляеву, Дзьмітрыеву ды іншым удзельнікам Плошчы пакінулі бязь зьменаў
22 ліпеня Менскі гарадзкі суд пакінуў у сіле прысуды Ўладзімеру Някляеву, Андрэю Дзьмітрыеву, Аляксандру Фядуце, Натасьсі Палажанцы, Віталю Рымашэўскаму, Сяргею Вазьняку, Уладзімеру Лобану, Алегу Федаркевічу, Яўгену Сакрэту, Сяргею Казакову, Дзьмітрыю Дароніну, Віталю Мацукевічу.
22.07.2011 У Брэсце абласны суд задаволіў скаргу “маўчуна”
Дзмітрый Шурхай быў пакараны 7-мю суткамі адміністрацыйнага арышту.
21.07.2011 Гомель: экс-кандыдат у дэпутаты Марыя Багдановіч звярнулася ў ААН
У сваёй скарзе актывістка адзначыла, што падчас правядзення выбараў у 2010 годзе ў мясцовыя Саветы яна з’яўлялася афіцыйна зарэгістраваным кандыдатам па Малайчукоўскай выбарчай акрузе № 5 у Гомелі. У адзін з дзён папярэдняга галасавання яе давераныя асобы зафіксавалі 76 выбаршчыкаў, якія з’явіліся для галасавання, у той час як камісія агучыла лічбу ў 263 выбаршчыкі. Кандыдат у дэпутаты вырашыла даведацца, адкуль выбарчая камісія ўзяла 187 "мёртвых душ" і пайшла па інстанцыях.
21.07.2011 У Магілёве суд не задаволіў скаргі “маўчуноў”
Сёння, 21 ліпеня, Магілёўскі абласны суд не задаволіў скаргі праваабаронцы Барыса Бухеля, журналістаў Алеся Асіпцова, Аліны Скрыбуновай, Ганна Ільіной і грамадскага актывіста Валянціна Лабачова.
21.07.2011 Арыштаваны паскардзіўся на ўмовы ўтрыманьня на Акрэсьціна і ў Жодзіна
Арыштаваны на 10 сутак за ўдзел у акцыі 3 ліпеня напісаў скаргі на ўмовы ўтрыманьня ў ЦІП на Акрэсьціна і ІЧУ ў Жодзіна.
