Навіны на тэму: скаргі
04.03.2014 Камітэт па правах чалавека ААН прызнаў парушэнне правоў Аляксандра Камароўскага
Камітэт па правах чалавека ААН вынес рашэнне на карысць старшыні арганізацыі “Абаронцы Айчыны” Аляксандра Камароўскага, прызнаўшы парушэнне яго права на свабоду выказвання меркавання. Камароўскі абскарджваў прысуд суда г.Жодзіна аб арышце па абвінавачванні ў арганізацыі несанкцыянаванай акцыі ў сакавіку 2008 г.
03.03.2014 Суд па справе Віктара Шаршуна адклалі на 6-га сакавіка
Сёння ў судзе Цэнтральнага раёна пачаўся разгляд справы мінчука Віктара Шаршуна, збітага міліцыянтамі за бел-чырвона-белы сцяг на гаўбцы. Суддзя - Валерый Есьман. Разгляд справы адклалі, паколькі міліцыянты-сведкі не з'явіліся на працэс.
27.02.2014 Прызначана дата суда ў справе Віктара Шаршуна
У панядзелак 3 сакавіка ў судзе Цэнтральнага раёна а 10-й гадзіне пачнецца разгляд справы мінчука Віктара Шаршуна, збітага міліцыянтамі за бел-чырвона-белы сцяг на гаўбцы. Аднак неправамерныя дзеянні праваахоўнікаў не стануць прадметам судовага разбіральніцтва.
25.02.2014 Пракуратура накіравала скаргу Шаршуна ў суд
Грамадзянін звярнуўся са скаргай на дзеянне міліцыянтаў, але пракуратура, перанакіраваўшы скаргу ў суд Цэнтральнага раёна, прадмет абскарджавання абазначыла як нязгоду Шаршуна з вядзеннем адносна яго адміністратыўнага працэсу.
21.02.2014 Генадзь Лойка будзе судзіцца з “Белінвестбанкам” за права абслугоўвацца па-беларуску
Два гады таму вядомы скульптар напісаў заяву ў банк з просьбай заключыць з ім дамову на беларускай мове. Кіраўніцтва банка адмовіла кліенту, спаслаўшыся на немэтазгоднасць дапрацоўкі праграмнага забеспячэння на нацыянальную мову.
21.02.2014 Валянцін Стэфановіч : “Мы вернемся да дыскусіі адносна абмежавання доступу да сайта spring96.org у судзе”
Валянцін Стэфановіч накіраваў прыватную скаргу ў Калегію па грамадзянскіх справах Мінскага гарадскога суда на вызначэнне суда Цэнтральнага раёна аб спыненні вытворчасці па справе ўнясення у “чорныя спісы” сайта spring96.org.
20.02.2014 Ілля Дабратвор абскарджвае рашэнне аб адмове ў рэгістрацыі кандыдатам у дэпутаты
Выбарчая камісія Заводскага раёна Мінска 19 лютага адмовіла ў рэгістрацыі кандыдатам у дэпутаты Менгарсавета Іллю Дабратвору. Вылучэнец ад Менскай гарадской партыі БНФ збіраўся балатавацца па Ахоцкай выбарчай акрузе №1.
19.02.2014 Маладафронтавец абскарджвае накіраванне ў псіхлячэбніцу
Аляксандр Латышаў падаў скаргу начальніку упраўлення аховы здароўя Гомельскага аблвыканкама, бо лічыць, што жлобінскі псіхіятр незаконна накіраваў яго на лячэнне.
19.02.2014 “Райаддзел так супраць, што гэта жах…”
Віктар Бугаёў з горада Дуброўна Віцебскай вобласці, асуджаны ў 2008 годзе, нават пасля вызвалення не пакідае спробаў дамагчыся змены прысуду. І некаторыя акалічнасці яго справы, на думку праваабаронцаў, прымушаюць усумніцца ў бесстароннасці супрацоўнікаў Дубровенскага РАУС у адносінах да былога зняволенага.
17.02.2014 Заўтра - суд па скарзе на ўнясенне сайта spring96.org у спіс абмежаванага доступу
Скарга намесніка старшыні Праваабарончага цэнтру “Вясна” на рашэнне Генпракуратуры аб унясенні сайта spring96.org у спіс абмежаванага доступу для інтэрнэт-карыстальнікаў будзе разгледжаная ў судзе Цэнтральнага раёна Менска 18 лютага. Пачатак судовага паседжання – у 11-30.
05.02.2014 Ігар Пастноў: "Калі грамадзянам забараняюць пікеты, улады самі іх штурхаюць на "майдан"
Віцебскі "урач-праўдаруб" хацеў аспрэчыць забарону на пікет-рэквіем ў памяць пра ахвяр міліцэйскага гвалту. Але 4 лютага суд Кастрычніцкага раёну пастанавіў, што раённая адміністрацыя забараніла акцыю на законных падставах. Ігар Пастноў збіраецца і далей абскарджваць судовае рашэнне.
29.01.2014 Галоўная роля ў вырашэнні лёсу кнігі Алеся Бяляцкага адведзена “зацікаўленым органам” (дадаўся тэкст экспертызы)
29 студзеня ў судзе Ашмянскага раёна адбылося папярэднае слуханне па грамадзянскай справе праваабаронцы Таццяны Рэвяка супраць Ашмянскай мытні, якая забараніла кнігу Алеся Бяляцкага “Асьвечаныя Беларушчынай” да ўвозу ў Беларусь.
27.01.2014 Пракуратура Фрунзенскага раёна не лічыць адвольныя затрыманні парушэннем закона
Такі адказ атрымаў актывіст Ілля Дабратвор, якога неаднаразова затрымлівалі міліцыянеры і адпускалі праз некаторы час без складання пратаколу аб адміністраўным правапарушэнні.
24.01.2014 Камітэт па правах чалавека прыняў да разгляду скаргу аб забароне акцыі ў падтрымку Алеся Бяляцкага
Камітэт па правах чалавека ААН паведамляе аб рэгістрацыі скаргі, якую Святлана Гальдадэ разам з гомельскімі праваабаронцамі Анатолем Паплаўным і Леанідам Судаленкам падала ў сувязі з забаронай у абласным цэнтры 4 жніўня 2012 года пікету ў падтрымку палітычнага зняволенага праваабаронцы Алеся Бяляцкага.
22.01.2014 Прызначаная дата разгляду скаргі на рашэнне пра рээкспарт або знішчэнне кнігі Алеся Бяляцкага
Папярэдняе судовае паседжанне па скарзе праваабаронцы Тацяны Равякі на дзеянні службовых асоб Ашмянскай мытні прызначана на 29 студзеня ў судзе Ашмянскага раёна. Пачатак у 14-30.
