Навіны на тэму: заявы
22.02.2011 Спецдакладчыку ААН па незалежнасьці суддзяў і адвакатаў накіраваныя новыя факты пра перасьлед адвакатаў
У дапаўненьне да ранейшай інфармацыі пра спыненьне ліцэнзій на ажыццяўленьне адвакацкай дзейнасьці, выдадзеных Уладзіміру Тоўсціку, Тамары Гараевай, Алегу Агееву і Таццяне Агеевай, спецдакладчыку ААН па незалежнасьці суддзяў і адвакатаў сп. Габрыеле Кнаўль накіраваныя новыя факты пра пераслед адвакатаў.
21.02.2011 Alliance Defense Fund заклікае Мінюст і Рэспубліканскую калегію адвакатаў спыніць пераслед адвакатаў
Роджэр Кішка, дарадца па прававых пытаннях Alliance Defense Fund, юрыдычнай арганізацыі, якая аб’ядноўвае больш за 1700 юрыстаў, звярнуўся да Міністэрства юстыцыі і Рэспубліканскай калегіі адвакатаў з патрабаваннем “спыніць карныя дзеянні ў дачыненні да адвакатаў”, якія абараняюць зняволеных у выніку мірных дэманстрацыяў пратэсту па завяршэнні выбараў у снежні 2010 года.
21.02.2011 Міжнародная назіральная місія патрабуе адкрытых судоў
Міжнародная назіральная місія 21 лютага выступіла з заявай, у якой настойліва рэкамендуе уладам Рэспублікі Беларусь, у прыватнасці, Вярхоўнаму Суду Рэспублікі Беларусь, асобным судам агульнай юрысдыкцыі і адміністрацыям судоў забяспечыць свабодны доступ назіральнікаў маніторынгавых груп Місіі ў памяшканні судоў і непасрэдна ў залы судовых пасяджэнняў падчас правядзення слуханняў па крымінальных справах у дачыненні названых асоб. (Тэкст заявы)
18.02.2011 Інфармацыя пра перасьлед адвакатаў накіраваная спецдакладчыку ААН па незалежнасці суддзяў і адвакатаў
Беларускія праваабарончыя арганізацыі і праваабаронцы ў асабістай якасці, накіравалі інфармацыю аб фактах ціску з боку выканаўчай улады Рэспублікі Беларусь, якія ставяць пад пагрозу доступ іх кліентаў да эфектыўнай прававой дапамогі і якія ствараюць перашкоды ў адпраўленні правасуддзя, у прыватнасці спыненне ліцэнзій на ажыццяўленне адвакацкай дзейнасці, выдадзеных Уладзіміру Тоўсціку , Тамары Гараевай, Алегу Агееву і Таццяне Агеевай.
17.02.2011 Адказ Праваабарончага цэнтру “Вясна” Генпракуратуры: мы не спынім сваю дзейнасць
Мы, сябры Праваабарончага цэнтру “Вясна”, выказваем рашучы пратэст з нагоды дзеянняў Генеральнай пракуратуры і расцэньваем іх як спробу запалохвання актывістаў арганізацыі і ўсяго праваабарончага руху Беларусі. Мы лічым сваю праваабарончую дзейнасць абсалютна законнай, запатрабаванай беларускай грамадскасцю і заяўляем, што не спынім яе.
14.02.2011 Выніковая справаздача кампаніі “Праваабаронцы за свабодныя выбары” па назіранні за прэзідэнцкімі выбарамі
Кампанія “Праваабаронцы за свабодныя выбары” прадстаўляе выніковую справаздачу па выніках назірання за выбарамі Прэзідэнта Рэспублікі Беларусь у 2010 годзе. Справаздача ўтрымлівае вынікі маніторынгу выбарчага працэса, у тым ліку дэтальны аналіз галасавання і падліку галасоў, а таксама рэкамендацыі па прывядзенню нацыянальнага выбарчага заканадаўства ў адпаведнасць з міжнароднымі стандартамі.
11.02.2011 Human Rights Watch заклікае расследаваць факты жорсткага абыходжання з затрыманымі пасля падзей 19 снежня
Праваабаронцы Human Rights Watch заклікаюць беларускія ўлады правесці неадкладнае расследаванне фактаў жорсткага абыходжання з затрыманымі ўдзельнікамі падзей 19 снежня. Адпаведная заява размешчана на сайце арганізацыі.
02.02.2011 Савет пры Прэзідэнце Расійскай Федэрацыі па садзейнічанні развіццю грамадзянскай супольнасці і правах чалавека зрабіў заяву аб сітуацыі ў Рэспубліцы Беларусь
1 лютага 2011 года Савет пры Прэзідэнце Расійскай Федэрацыі па садзейнічанні развіццю грамадзянскай супольнасці і правах чалавека зрабіў заяву аб сітуацыі ў Рэспубліцы
27.01.2011 Абсерваторыя па абароне праваабаронцаў заклікае беларускія ўлады спыніць пераслед праваабаронцаў
Абсерваторыя па абароне праваабаронцаў звярнулася да беларускіх уладаў з тэрміновай заявай, у якой гэтая ўплывовая міжнародная арганізацыя заклікае ўрад Беларусі неадкладна спыніць усе формы пераследу праваабаронцаў у краіне.
24.01.2011 Швейцарскія праваабаронцы заклікаюць увесьці візавыя санкцыі супраць Лукашэнкі
Швейцарская праваабарончая арганізацыя Libereco зьвярнулася да ўраду краіны з заклікам аб неадкладным увядзеньні візавых санкцыяў у дачыненьні да Аляксандра Лукашэнкі, а таксама іншых высокапастаўленых асобаў Беларусі.
20.01.2011 Ацэнка падзеяў, звязаных з выбарамі прэзідэнта: пазіцыя Праваабарончага цэнтра “Вясна”
- Выбары Прэзідэнта Рэспублікі Беларусь не з’яўляліся свабоднымі і дэмакратычнымі. Вынікі выбараў, абвешчаныя ЦВК, ніякім чынам не адлюстроўваюць рэальнага волевыяўлення грамадзян Беларусі. - Акцыя пратэсту па выніках недэмакратычных і несвабодных выбараў мела мірны характар. Грамадзяне, якія сабраліся ў цэнтры Мінска, мелі мірныя мэты і імкнуліся мірным шляхам выказаць сваё меркаванне і пратэст. - Збіццё і арышт фактычна ўсіх кандытаў у прэзідэнты, якія апаніравалі А.Лукашэнку на выбарах, з’яўляецца нічым іншым як палітычнай расправай. - Колькасць палітычных вязняў у краіне дасягнула рэкорднай за перыяд 16-гадовага кіравання А.Лукашэнкі колькасці і спіс увязненных яшчэ не закрыты.
19.01.2011 Старшыня падкамітэту Еўрапарламенту па правах чалавека асуджае пераслед “Вясны”
Старшыня падкамітэту Еўрапарламенту па правах чалавека Хэйдзі Анэлі Хаўтала апублікавала інтэрнэт-заяву адносна нядаўняга ператрусу на офісе Праваабарончага цэнтру “Вясна”, а таксама на кватэры і лецішчы старшыні арганізацыі Алеся Бяляцкага.
19.01.2011 Тэрміновая заява Абсерваторыі па абароне праваабаронцаў адносна пераследу “Вясны”
Абсерваторыя па абароне праваабаронцаў распаўсюдзіла тэрміновую заяву, у якой гэтая міжнародная арганізацыя звяртаецца да беларускіх уладаў, у тым ліку да Прэзідэнта краіны Аляксандра Лукашэнкі, Генеральнага пракурора Рыгора Васілевіча, Міністра юстыцыі Віктара Галаванава і Старшыні Вярхоўнага суда Валянціна Сукалы, з патрабаваннем аб спыненні пераследу Праваабарончага цэнтру “Вясна”.
17.01.2011 Прафсаюз РЭП: Улады ня змогуць аслабіць актыўнасць нашай арганізацыі
Рэспубліканская Рада Беларускага прафсаюза работнікаў радыёэлектроннай прамысловасці (РЭП) выступіла з заявай, у якой адзначыла, што сваімі дзеяннямі ўлады ня змогуць запужаць грамадства, стварыць атмасферу падпарадкаванасці. Наадварот, актывісты ўпэўненыя, што гэта паспрыяе яшчэ большай салідарнасці сяброў арганізацыі, усіх працоўных людзей дзеля абароны сваіх правоў і найхутчэйшых дэмакратычных пераменаў у краіне.
14.01.2011 БАЖ патрабуе спыніць рэпрэсіі і неадкладна вызваліць журналістаў
Заява Рады ГА “Беларуская асацыяцыя журналістаў”
