Навіны на тэму: заявы
28.02.2012 Дэпутат бундэстага Марылуізэ Бек: супраць дысідэнтаў у Беларусі ідзе мэтанакіраваная барацьба
Прыгавор у дачыненні да віцебскага апазіцыянера Сяргея Каваленкі толькі пацвярджае той факт, што супраць дысідэнтаў у Беларусі вядзецца мэтанакіраваная барацьба, лічыць дэпутат бундэстага ад партыі "Зялёныя" Марылуізэ Бек.
24.02.2012 Пытанне адмены смяротнай кары — унутраная справа Беларусі, заяўляюць у Палаце прадстаўнікоў
Пытанне аб адмене смяротнай кары з'яўляецца ўнутранай справай Беларусі. Прыняцце рашэння па ім магчыма "толькі з улікам меркавання беларускага грамадства", гаворыцца ў сумесным прэс-рэлізе камісіі па міжнародных справах і сувязях з СНД і камісіі па заканадаўстве і судова-прававых пытаннях Палаты прадстаўнікоў Нацыянальнага сходу.
23.02.2012 Міжнародная канфедэрацыя прафсаюзаў звярнула ўвагу на сітуацыю на “Граніце”
Генеральны сакратар Міжнароднай канфедэрацыі прафсаюзаў (МКП) Шаран Бароў звярнулася да прэзідэнта Беларусі Аляксандра Лукашэнкі ў сувязі з парушэннямі правоў незалежнага прафсаюза на РУВП "Граніт" г. Мікашэвічы.
22.02.2012 Абсерваторыя па абароне праваабаронцаў асуджае рашэнне Менгарсуда па скарзе Валянціна Стэфановіча
Абсерваторыя рашуча асуджае пацверджанне прысуду ў дачыненні да сп. Валянціна Стэфановіча і няспынны судовы пераслед супраць яго, якія, як падаецца, скіраваныя на спыненне яго дзейнасці ў галіне правоў чалавека і дзейнасці ПЦ “Вясна”, і асуджае працяглыя парушэнні нормаў справядлівага судовага разбіральніцтва ў гэтай справе.
16.02.2012 Еўрадэпутат патрабуе вызвалення Івана Шылы
Дэпутат Еўрапарламента Марэк Мігальскі звярнуўся да міністра замежным спраў Польшчы Радаслава Сікорскага і амбасадара Польшчы ў Беларусі Лешака Шарэпкі з просьбай умяшацца ў справу актывіста “Маладога фронту” (зарэгістраваны ў Чэхіі) Івана Шылы.
14.02.2012 Брытанская асацыяцыя адвакатаў заклікае ўлады Беларусі вырашыць праблему з пашпартам Алега Волчака
Брытанская асацыяцыя адвакатаў-сацыялістаў звярнулася да ўлад Беларусі з патрабаваннем вярнуць пашпарт праваабаронцу Алегу Волчаку.
10.02.2012 Пасол ЗША ў АБСЕ: Мы зноў заклікаем Беларусь неадкладна вызваліць палітвязняў
"Злучаныя Штаты па-ранейшаму адчуваюць глыбокую заклапочанасць з нагоды сур'ёзных парушэнняў правоў чалавека і асноўных свабодаў у Беларусі", - заявіў амбасадар ЗША ў АБСЕ Ен Кэлі 9 лютага на пасяджэнні Пастаяннага савета ў Вене.
03.02.2012 Савет Рэспублікі: артыкул 193-1 “ахоўвае агульнапрынятыя правы чалавека і яго асноўныя свабоды”
Савет Рэспублікі не бачыць неабходнасці ініцыяваць скасаванне артыкула 193-1 Крымінальнага Кодэкса Рэспублікі Беларусь, бо "ён ахоўвае агульнапрынятыя правы чалавека і яго асноўныя свабоды і не парушае міжнародных стандартаў у галіне правоў чалавека".
02.02.2012 Эштан заклікала да ўвядзення мараторыя на смяротную кару ў Беларусі
Вярхоўны прадстаўнік ЕС па замежных справах і палітыцы бяспекі Кэтрын Эштан заклікала да ўвядзення мараторыя на смяротную кару ў Беларусі.
01.02.2012 Заява Абсерваторыі па абароне праваабаронцаў на арышт Алега Волчака
Абсерваторыя рашуча асуджае прысуд сп. Алегу Волчаку, які падаецца скіраваным на пераслед за ягоную праваабарончую дзейнасць.
31.01.2012 Пісьменьнікі заступіліся за беларускую кнігу
Сакратарыят Саюза беларускіх пісьменнікаў заклікаў дзяржаўныя органы і кіраўніцтва Віцебскай абласной бібліятэкі адмяніць ганебнае рашэнне аб скасаваньні аддзела беларускай літаратуры і аднавіць ягоную працу.
28.01.2012 Абсерваторыя па Абароне Праваабаронцаў заклікае вызваліць Алега Волчака
Абсерваторыя па Абароне Праваабаронцаў, сумесная праграма Міжнароднай Федэрацыі па Правах Чалавека (FIDH) і Міжнароднай Арганізацыі супроць Катаванняў (OMCT), распаўсюдзіла тэрміновы зварот з нагоды затрымання ў Менску старшыні праваабарончай арганізацыі “Прававая дапамога насельніцтву” Алега Волчака.
27.01.2012 Новы кіраўнік ПАСЕ падтрымлівае санкцыі ЕС у дачыненні да Беларусі
"Я поўнасцю падтрымліваю мэтанакіраваныя санкцыі Еўрасаюза ў дачыненні да Беларусі", — заявіў у інтэрв'ю БелаПАН Жан-Клод Міньён, выбраны старшынёй Парламенцкай асамблеі Савета Еўропы 23 студзеня на сесіі ПАСЕ ў Страсбургу.
26.01.2012 Старшыня АБСЕ заклікае вызваліць Алеся Бяляцкага
“Чалавека нельга пераследаваць за абарону правоў чалавека. Гэтая справа – прыкрае адлюстраванне стану правоў чалавека ў Беларусі і вынік абмежаванняў свабоды асацыяцыяў у краіне. Я заклікаю беларускія ўлады неадкладна вызваліць Алеся Бяляцкага, а таксама ўсіх астатніх актывістаў грамадзянскай супольнасці і палітычных апанентаў”, – адзначыў сп. Эйман Гілмар.
26.01.2012 МЗС Францыі асуджае пацвярджэнне прысуду Бяляцкаму
Улады Францыі расчараваныя рашэннем беларускага суда, які пацвердзіў прысуд аб пазбаўленні волі праваабаронцу Алесю Бяляцкаму. Пра гэта заявіў прадстаўнік французскага МЗС Бернар Валеро.
