10.07.2007 Лідчукі ўсіх краін, яднайцеся!

Сусветны з’езд лідчукоў арганізаваны ў Лідзе Таварыствам польскай культуры Лідчыны.

09.07.2007 Пашпартны кантроль на святкаванні юбілею Янкі Купалы ў Вязынцы

У вёсцы Вязынка (Маладзечанскі раён), на радзіме класіка беларускай паэзіі Янкі Купалы, прайшлі мерапрыемствы з нагоды 125-годдзя з дня ягонага нараджэння. Нягледзячы на спробы супрацоўнікаў міліцыі і КДБ перашкодзіць правядзенню свята, лідэр Руху “За Свабоду” Аляксандр Мілінкевіч разам са сваімі паплечнікамі ўшанавалі памяць беларускага паэта.

06.07.2007 “Літаратурная Беларусь” – новы час чытаньня

Саюз беларускіх пісьменьнікаў прыступіў да практычнай рэалізацыі новага культурна-грамадскага праекту – выданьня газеты “Літаратурная Беларусь”. Днямі убачыў сьвет першы нумар дадаткам да газеты “Новы час”.

06.07.2007 Паэт Зьніч на Залатой Горцы прэзентуе кнігу паэзіі “За мурам”

Сёньня ў Менску інак Мікалай (Алег Бембель, Зьніч і г.д) ладзіць прэзентацыю сваёй новай паэтычнай кнігі. Кніга вершаў мае досыць інтрыгуючую назву – “За мурам”. Прэзентацыя адбудзецца ў памяшканьні Беларускага Пэн-цэнтру у 18-00.

Чакаецца, што ў творчай вечарыне будуць браць удзел вядомыя барды Кася Камоцкая і Андрэй Мельнікаў.

06.07.2007 Суд спыніў справу па зыску адлічанага студэнта

Справа па зыску Юрася Алейніка спынена “ў сувязі з непадведамаснасцю суду”. Такое рашэнне прыняла 5 ліпеня суддзя Кастрычніцкага раённага суда г. Мінска Соф’я Пракаповіч.

05.07.2007 Суд па справе Юрася Алейніка цягнуўся 7,5 гадзінаў

Пачатак судовага паседжаньня па справе адлічанага з Акадэміі кіраваньня Юрася Алейніка быў досыць нэрвовы. Судзьдзя Пракаповіч выдаліла з залі аднаго са сьведкаў з боку адлічанага студэнта за фатаграфаваньне без дазволу. Праваабаронцу Алену Танкачову падвяла яе ўсьмешка — у выніку яе таксама папрасілі за дзьверы. На судзе прысутнічала досыць народу. Ужо былы кіраўнік офісу АБСЭ ў Менску Оке Пэтэрсан, які сёньня а 5-й раніцы пакінуў Беларусь, заехаў у суд на паўгадзіны і застаўся да канца. Ён нават ахвяраваў фуршэтам у амэрыканскім пасольстве з нагоды нацыянальнага сьвята ЗША Дня незалежнасьці.

05.07.2007 Павал Севярынец прэзентуе новую кнігу

Сёньня на сядзібе партыі БНФ (пр. Машэрава 8) адбудзецца прэзентацыя новай кнігі Паўла Севярынца "Брату". Пачатак мерапрыемства ў 17:30. Уваход вольны.

05.07.2007 Беларускамоўных кніг сёлета выдадзена толькі 7% ад усёй кніжнай прадукцыі

Паводле дадзеных Міністэрства інфармацыі, у першым паўгоддзі 2007 году на беларускай мове выдадзена 430 найменняў кніг, што на дзевяць выданняў болей, чымсьці за адпаведны перыяд мінулага году.

04.07.2007 Грамадзкаму аб’яднаньню “Ліквідатар”адмовілі ў рэгістрацыі

Міністэрства юстыцыі адмовіла ў рэгістрацыі грамадзкаму аб’яднаньню “Ліквідатар”. Устаноўчы зьезд удзельнікаў ліквідацыі аварыі на Чарнобыльскай АЭС адбыўся 19 траўня ў Менску.

04.07.2007 Сёння - суд па зыску Юрыя Алейніка да Акадэміі кіравання

4 ліпеня ў 14.00 суд Кастрычніцкага раёна г. Мінска пачне разгляд зыску сябра ГА “Беларуская асацыяцыя журналістаў” Юрыя Алейніка – былога студэнта Акадэміі кіравання пры прэзідэнце РБ, адлічанага ў траўні г.г.

04.07.2007 Наваполацак: акцыя пратэсту ў Дзень Незалежнасьці

У Наваполацку ўчора адбыўся чарговы пікет пратэсту супраць ліквідацыі льготаў сацыяльна неабароненым катэгорыям грамадзянаў. Такія акцыі ладзяцца ў гэтым горадзе штодня ад 27 чэрвеня.

29.06.2007 Вільня чакае вас

Еўрапейскі гуманітарны універсітэт запрашае абітурыентаў на факультэт мастацтваў і гісторыі культуры.

29.06.2007 30 чэрвеня распачне сваю працу летнік «Гарадзенская фартэца».

Яго мэта - прыцягнуць увагу грамадскасці, найперш гродзенцаў, да праблемы разбурэння гістарычнага цэнтру Гродна.

29.06.2007 28 чэрвеня на плошчы Свабоды ў Віцебску дэмантавалі стэлу з выявай савецкіх сімвалаў — сярпа і молата.

Знутры спаруда, зрэшты як і ўсё савецкае, аказалася трухлявай. Мінакі нават дзівіліся, як яна так доўга пратрымалася, бо зробленая была з ДВП, металічных вугалкоў і абабітая бляхай.

29.06.2007 Амністыі да кастрычніка не будзе

Законапраект так і не паступіў на разгляд у парламент - пра гэта «Еўрарадыё» паведамілі ў камісіі па бяспецы, абароне і барацьбе са злачыннасцю Палаты прадстаўнікоў.