Навіны на тэму: грамадства
17.12.2007 За кратамі сядзіць 1000 юных крымінальнікаў
Больш як 100 мільёнаў рублёў мусяць вярнуць пацярпелым непаўналетнія зьняволеныя.
17.12.2007 У беларусаў адабралі апошняе – ільготы
17 сьнежня ў Беларусі перасталі дзейнічаць ільготныя праязныя квіткі, вэтэранскія кніжкі і карткі на бясплатнае атрыманьне лекаў. Паменяла і асобаў, на якія распаўсюджваюцца льготы па аплаце жыльлёва-камунальных, мэдычных паслугаў і паслугаў сувязі. Напярэдадні ў Беларусі прайшлі акцыі пратэста супраць пазбаўленьня ільгот.
14.12.2007 З 800 заявак на сацыяльныя пікеты ўлады пакуль ухвалілі толькі дзве
Толькі два пікеты з 800 на сённяшні дзень дазволілі мясцовыя ўлады – у Магілёве і Оршы. Нагадаем, 16 снежня напярэдадні адмены ў Беларусі льготаў у краіне мусіць прайсці “хваля” сацыяльных пікетаў, якія арганізуюць актывісты і прыхільнікі апазіцыйных партый і арганізацый.
14.12.2007 Гомель: КДБ праводзіць маштабны ператрус
Сёньня ў Гомелі чатыры супрацоўнікі рэгіянальнай управы КДБ правялі ператрус у офісе абласной арганізацыі Аб’яднанай грамадзянскай партыі, які месьціцца ў прыватным доме на вуліцы Палескай, 52. Службоўцы нібыта шукалі ўлёткі пра замову на 16 студзеня мітынгу супраць адмены ільготаў.
14.12.2007 Не – мітыгну ў Талачыне! Вырашаюць мясцовыя ўлады ўжо другі раз
Група грамадзянаў у гарадзе Талачын Віцебскай вобласьці ўжо другі раз падае да мясцовых ворганаў улады заяўку на правядзеньне акцыі пратэсту супраць бяспраўя, што адбываецца ў мясцовых праваахоўных ворганах. І другі раз гэта заяўка адхіляецца. У чым сутнасьць талачынскай справы? Паставіў перад сабой пытаньне менскі карэспандэнт Полькага радыё Янка Хамовіч.
13.12.2007 Паэтаў асудзілі за хуліганства
Алеся Туровіча і Сяржука Мінскевіча пакаралі трыма суткамі арышту, Зьміцера Вішнёва - штрафам у 5 базавых велічыняў.
11.12.2007 Сьмерць на працоўным месцы
За 11 месяцаў гэтага года ў Беларусі ў выніку няшчасных выпадкаў на вытворчасці загінулі 210 работнікаў. Як паведамляецца на афіцыйным сайце Міністэрства працы і сацыяльнай абароны, гэта на 13,6% (33 чалавекі) менш, чым за аналагічны перыяд мінулага года.
10.12.2007 Ігнат Дварчанін – выдатны заходнебеларускі дзеяч і літаратуразнаўца
8 сьнежня споўнілася 70 гадоў з дня расстрэлу выдатнага заходнебеларускага паэта, дзеяча й літаратуразнаўцы Ігната Дварчаніна. Было гэта адно з найбольш пачварных злачынстваў сталінізму.
07.12.2007 ЛАРЫСЫ ГЕНІЮШ АДМОЎЛЕНА Ў РЭАБІЛІТАЦЫІ
Генеральны пракурор, які разглядаў, прашэньне аб рэабілітацыі паэткі, спасылаецца на тое, што ён не нададзены правам апратэставаньня пастаноў Прэзыдыўма Вярхоўнага Суду Рэспублікі Беларусь.
06.12.2007 Актывісты апазыцыі падалі больш за 800 заявак на правядзеньне пікетаў 16 сьнежня.
Гэтыя акцыі пратэсту скіраваны супраць скасаваньня льготаў. Зьявіліся ўжо першыя адмовы на правядзеньне пікетаў. Таксама актывісты апазыцыі працягваюць абскарджваць у судзе падобныя адмовы.
04.12.2007 117 пікетаў на Берасцейшчыне супраць адмены льгот
Актывісты Берасцейскай абласной кааліцыі аб'яднаных дэмакратычных сілаў падалі 117 заявак на правядзенне пікетаў супраць адмены сацыяльных ільгот. 65 заявак пададзеныя ў Берасце, 37 — у Берасцейскім раёне, 11 – у Баранавічах, 4 – у Белаазёрску.
30.11.2007 Адміністрацыя Полацкага ўніверсітэту пагражае Кацярыне Салаўёвай выключэньнем
Сёньня адбылося паседжаньне дысцыплінарнай камісіі Полацкага дзяржаўнага ўніверсітэту, на якім было прынятае рашэньне аб немэтазгоднасьці далейшага навучаньня моладзевай актывісткі Кацярыны Салаўёвай.
30.11.2007 Як абараніцца ад прымусовай падпіскі
У рэдакцыю "Нашай Нівы" трапіў ліст, аўтарка якога ўздымае набалелую праблему прымусовай падпіскі. Юрыдычны каментар дае намесьнік старшыні Беларускай асацыяцыі журналістаў, праўнік Андрэй Бастунец.
30.11.2007 Маці журналіста Вольга Завадзкая паўтарае, што віны Ігнатовіча ў выкраданьні яе сына ў судзе не даказалі.
Былы міліцыянт Валер Ігнатовіч, якога суд прызнаў вінаватым у выкраданьні журналіста ОРТ Зьмітра Завадзкага, зьвярнуўся зь лістом да Аляксандра Лукашэнкі. Валер Ігнатовіч зноў заяўляе пра сваю невінаватасьць і патрабуе апраўданьня.
29.11.2007 Вiцебскi прадпрымальнiк Анатоль Ягораў уласнаручна зруйнаваў свой двухпавярховы цагляны дом
Яшчэ ў сярэдзiне 90-х гадоў мiнулага стагоддзя вiцябчанiн Анатоль Ягораў набыў у карыстанне зямельны ўчастак. Кавалак зямлi памерам 1242 квадратныя метры знаходзiцца ў прэстыжным раёне Вiцебска — ля самай прыбярэжнай паласы Заходняй Дзвiны.
