Навіны на тэму: грамадства
08.05.2008 Ульяна Захаранка працягвае чакаць сына
7 траўня 1999 году ў Менску непадалёк ад свайго дома пры нявысьветленых абставінах зьнік былы міністар унутраных спраў Беларусі, адзін з лідэраў дэмакратычнай апазыцыі Юры Захаранка. У гэты дзень традыцыйна прадстаўнікі беларускай грамадзкасьці наведваюць ягоную маці, Ульяну Рыгораўну, якой зараз 84 гады.
02.05.2008 Гродзенскія ўлады забаранілі школьнікам удзел у гістарычнай навуковай канферэнцыі
Грамадзянская пазіцыя вучняў школы №28 Сяргея Батуры і Аляксандра Лютомскага, а таксама іх настаўніка Аляксандра Рабкова стала падставай для прыняцця карных мераў прадстаўнікамі гарвыканкама.
02.05.2008 Чарговы акт вандалізму ў Курапацкім лесе
Невядомыя сарвалі рэпрадукцыю абразу Божай маці, якую ўсталяваў на каплічцы мастак Аляксей Марачкін. Акт вандалізму адбыўся ўначы.
30.04.2008 З Вiталя Алейнiка дзяржава патрабуе 12 мiльёнаў рублёў
На пачатку мая ў судзе Маладзечанскага раёна павiнны пачацца слуханнi па справе аб кампенсацыi з аспiранта Вiталя Алейнiка сродкаў за навучанне. Iсцец па гэтай справе — пракурор Мiнскай вобласцi ў iнтарэсах дзяржавы. Трэцяй асобай з'яўляецца Мiнiстэрства замежных спраў Беларусi.
30.04.2008 У Салігорску грамадзкі транспарт загучаў па-беларуску
Год таму салігорскія маладафронтаўцы ўсяго за некалькі тыдняў сабралі каля 2000 подпісаў гараджан пад зваротам аб беларусізацыі мясцовага грамадзкага транспарту. Звароты былі перададзены ў выканкам і дырэкцыю аўтапарка. Калі ад вертыкалі зразумелага і адэкватнага адказу атрымана не было, то ў аўтапарку просьба гараджан была ўспрынята з павагай і ініцыятарам кампаніі далі станоўчы адказ.
28.04.2008 Палітычная налепка як летапіс беларускага супраціву
Увечары ў пятніцу ў сядзібе Партыі БНФ адкрылася незвычайная выстава палітычных налепак. Усе, хто пажадае наведаць экспазіцыю, змогуць на свае вочы пабачыць гісторыю беларускага супраціву з 1996 па 2008 год. Пакуль у калекцыі крыху больш за сто налепак, якія нагадваюць пра тое, як праходзілі прэзідэнцкія выбарчыя кампаніі 2001 і 2006 гадоў, як ладзіліся буйныя пратэстныя акцыі апазіцыі – “Чарнобыльскі шлях” ці “Еўрапейскі марш”.
28.04.2008 Арганізатар пратэстаў у Дружным — у шпіталі
Спадар Абразоўскі — адзін з арганізатараў масавых пратэстаў супраць будаўніцтва хімзаводу ў пасёлку Дружны Пухавіцкага раёну. Сёньня яго мелі судзіць за арганізацыю несанкцыянаванага мітынгу ў пасёлку Сьвіслач, які адбыўся 29 сакавіка.
28.04.2008 У Віцебску суткі лунаў бел-чырвона-белы сьцяг
З раніцы суботы міліцыянты ў Віцебску вырашалі, хто павінен рэагаваць на чарговы сцяг Мірона, які той узняў на электрычным высакавольтным дроце ў пасёлку Тыраспаль, якраз на гарадской мяжы.
28.04.2008 Жыхары Пухавіцкага раёна накіравалі скаргу ў Генпракуратуру
Жыхары пасёлкаў Дружны і Свіслач (Пухавіцкі раён Мінскай вобласці) 25 красавіка накіравалі калектыўную скаргу ў Генеральную пракуратуру на парушэнні заканадаўства пры планаванні будаўніцтва ў рэгіёне завода па вытворчасці пестыцыдаў. Пра гэта паведаміла БелаПАН актывістка кампаніі супраць будаўніцтва прадпрыемства, жыхарка Дружнага Наталля Мацэпон.
28.04.2008 Дружна супраць хімзаводу
Увечары 25 красавіка адбылася акцыя пратэсту жыхароў пасёлкаў Дружны, Свіслач і Рудзенск супраць будаўніцтва хімзаводу ў Дружным. Падчас акцыі людзі скандавалі "Нет — хімзаводу", а пасля перакрылі дарогу.
28.04.2008 Абвяшчаецца конкурс на ўдзел у летніх Школах па правах чалавека для моладзі і выкладчыкаў
Беларуская праваабарончая школа, арганізаваная міжнароднай супольнасцю праваабарончых арганізацый, абвяшчае конкурс на ўдзел у Летніх школах па правах чалавека на 2008 год. У межах праграмы Школы ўдзельнікі знаёмяцца з гісторыяй і філасофіяй правоў чалавека, а таксама сродкамі іх абароны на нацыянальным і міжнародным узроўнях. Выкладчыкамі Школы з’яўляюцца прадстаўнікі вядучых праваабарончых арганізацый Беларусі і іншых краін, вядомыя і аўтарытэтныя спецыялісты ў галіне правоў чалавека і права. Месца правядзення: Літва (Вільня). Працоўныя мовы: беларуская і руская
25.04.2008 Законпраект аб ахвярах нацысцкіх рэпрэсіяў адкладзены
У Беларусі зьявілася грамадзкая ініцыятыва прыняцьця закону аб ахвярах нацысцкіх рэпрэсіяў. Пакуль яна не атрымала дазволу на збор подпісаў. Незалежныя экспэрты падкрэсьліваюць, што гэты закон павінен быць пашыраны на ахвяраў сталінскіх рэпрэсіяў.
25.04.2008 У Палаце прадстаўнікоў прапануюць прыцягнуць да адказнасці адменшчыкаў ільгот
Старшыня пастаяннай камісіі па жыллёвай палітыцы, будаўніцтве, гандлі і прыватызацыі Палаты прадстаўнікоў Нацыянальнага сходу Беларусі Мікалай Чурсін прапануе прыцягнуць да адказнасці чыноўнікаў, якія распрацоўвалі законапраект аб дзяржаўных ільготах, правах і гарантыях для асобных катэгорый грамадзян.
25.04.2008 Прымусовае разьмеркаваньне для ідэалагічна ненадзейных
25 красавіка на факультэце журналістыкі БДУ адбылося камісіі па разьмеркаваньні выпускнікоў пад кіраўніцтвам міністра інфармацыі Ўладзімера Русакевіча. Студэнтку 5-га курса і прэс-сакратара Партыі БНФ Кацярыну Маркоўскую разьмеркавалі ў крычаўскую газэту "Ленінскі кліч" на працу загадчыкам аддзела сельскай гаспадаркі.
25.04.2008 Выстава палітычных налепак
25 красавіка адбудзецца адкрыцьцё выставы, у якой прадстаўленыя налепкі розных гадоў і з розных краінаў, выбарчыя кампаніі і заклікі на шэсьці, налепкі моладзевых рухаў і палітычных арганізацыяў. Выстава будзе працаваць у фармаце пастаяннага абнаўленьня, апроч тэматычных будзе прадстаўлены вольны стэнд, на які будуць дадавацца налепкі, што прынесьлі наведвальнікі.
