Навіны на тэму: грамадства
11.02.2010 “Мінская спадчына” паскардзілася ў пракуратуру на “Звязду” і Астаповіча
Прадпрыемства “Мінская спадчына” падало заяву ў пракуратуру на газету “Звязда” і Таварыства аховы помнікаў гісторыі і культуры, якое ўзначальвае Антон Астаповіч. Нагодай стаў матэрыял у дзяржаўнай газеце пра знос старога будынку на вуліцы Рэвалюцыйнай, паведаміў Еўрарадыё галоўны інжынер “Мінскай спадчыны” Міхаіл Жых.
11.02.2010 Судовае рашэньне паводле пазову сям’і Лапіцкіх ня вынесьлі
У гарадзкім судзе Жодзіна распачаліся судовыя слуханьні паводле пазову Аляксея і Сьвятланы Лапіцкіх да мясцовага выканаўчага камітэту, які не забясьпечвае ўмоваў беларускамоўнага навучаньня для іх сына. Заўтра суд вынесе рашэньне, ці браць да разгляду пазоў Лапіцкіх.
11.02.2010 Юлію Міхайлаву адлічылі з вучобы
Моладзевую актывістку Юлію Міхайлаву адлічылі з каледжу тэкстыльнай прамысловасьці. Дзяўчыне раней пагражалі адлічэньнем. Сёньня да яе не было ніякіх заўваг з боку адміністрацыі, але ўвечары 10 лютага дзяўчыну выклікала дырэктарка і паведаміла, што тая адлічана з вучобы.
10.02.2010 Бел-чырвона-беламу сцягу адмоўлена
Грамадская арганізацыя БНФ "Адраджэнне" атрымала з Міністэрства культуры адмоўны адказ на свой зварот да Рэспубліканскай Рады па пытанні гісторыка-культурнай спадчыны з прапановай надаць бел-чырвона-беламу сцягу статус гісторыка-культурнай каштоўнасці.
09.02.2010 Журналістам зноў не давалі працаваць на Кастрычніцкай плошчы
Увечары 8 лютага журналістам, якія асвятлялі акцыю пратэсту на Кастрычніцкай плошчы, зноў груба перашкаджалі выконваць прафесійныя абавязкі. Перашкоды чынілі ўжо апрабаваным раней спосабам невядомыя людзі ў цывільным, якія шчыльным колам захіналі дэманстрантаў ад журналістаў і закрывалі рукамі камеры аператараў.
04.02.2010 Справу Сяргея Каваленкі перадалі ў Генэральную пракуратуру
Актывіст паведаміў пра гэта са слоў свайго адваката, які носіць аднолькавае зь ім прозьвішча, — Пятра Каваленкі.
04.02.2010 Заява Рады ГА “Саюз беларускіх пісьменнікаў” аб пераследзе сяброў аб’яднання
З 2010 года распачалася беспрэцэдэнтная акцыя па шальмаванні і пераследу членаў нашай афіцыйна зарэгістраванай творчай арганізацыі. Па ўсёй краіне беларускамоўных і рускамоўных паэтаў, празаікаў і крытыкаў зноў пачалі выклікаць у дзяржаўныя інстанцыі ды ультыматыўна патрабаваць выйсці з СБП.
03.02.2010 Крымінальная справа Юрыя Казака будзе разгледжаная ў судзе касацыйнай інстанцыі
Крымінальная справа Наваградскага актывіста БХД Юрыя Казака 18 лютага будзе разгледжаная ў судзе касацыйнай інстанцыі ў памяшканні Гарадзенскага абласнога суду. Гэта сталася адказам на касацыйную скаргу адваката Казака Паўла Сапелкі, дасланую ў Судовую калегію па крымінальных справах Гарадзенскага абласнога суду 20 студзеня.
01.02.2010 Мінінфармацыі актыўней зоймецца інтэрнетам і ідэалогіяй, бо «працаваць і жыць, як раней, нельга»
Гэта вынікае з выказванняў, што прагучалі 29 студзеня ад кіраўніка галоўнага ідэалагічнага ўпраўлення прэзідэнцкай адміністрацыі Усевалада Янчэўскага і міністра інфармацыі Алега Праляскоўскага.
27.01.2010 У Магілёве забаранілі мерапрыемства, прысьвечанае Магдэбурскаму праву
Магілёўскія ўлады не дазволілі грамадзкім актывістам і гісторыкам правесьці ў гарадзкой ратушы круглы стол, прысьвечаны гадавіне наданьня Магілёву Магдэбурскага права.
27.01.2010 Змітру Хведаруку пагражаюць дысбатам
Пасля змены кіраўніцтва вайсковай часткі на хлопца стаў аказвацца беспрэцэдэнтны уціск – маладзёна палохаюць фізічнай расправай альбо адпраўкай у дысцыплінарны батальён.
27.01.2010 Наведнікаў "Нацыяналкі" замкнулі на 1,5 гадзіны з-за кіраўніка Туркменістана
Больш за паўтары гадзіны давялося чакаць наведвальнікам Нацыянальнай бібліятэкі, пакуль іх выпусцілі з будынка. Заявіўшы, што ў бібліятэцы знаходзіцца ўрадавая дэлегацыя, ахоўнікі перагарадзілі ўсе выхады, паведамляе "Салідарнасць".
22.01.2010 Старастаў на Піншчыне абавяжуць займацца "ідэалагічнай працай"
Старастаў Піншчыны чакаюць новыя абавязкі. Дэпутаты пінскага раённага савету прааналізавалі эфектыўнасць сваёй працы і прыйшлі да высновы, што на сельскія сходы ходзяць звычайна толькі настаўнікі, службоўцы выканкамаў і спецыялісты сельгаспадарак.
21.01.2010 “Хрыстос Забаронены”
У Менску пройдзе прэзэнтацыя дакумэнтальнага фільма “Хрыстос Забаронены”, які распавядае пра супрацьстаяньне савецкай сыстэмы і эвангельскіх вернікаў у БССР.
20.01.2010 Экалагічныя праблемы не абмяркоўваюць з грамадствам
Беларускія чыноўнікі не зацікаўленыя абмяркоўваць з грамадскасцю экалагічныя праблемы. Пра гэта ў інтэрвію Радыё Рацыя заявіла старшыня грамадскага аб’яднання “Экадом” Ірына Сухій, каментуючы справаздачу міністэрства прыродных рэсурсаў аб правядзенні ў Беларусі года роднай зямлі.
