Навіны на тэму: грамадства
03.07.2013 Гарадзенцам падказваюць, як абараніць свае прыватныя дамы
Гарадзенская гарадская арганізацыя Партыі БНФ правяла інфармаванне людзей, якія пражываюць па вуліцы Будзёнага, дзе зараз адбываецца карэнная рэканструкцыя і пашырэнне дарогі. Нагадаем, што пры кардынальнай рэканструкцыі вуліцы Будзёнага ў Гродна ўжо ўзнікла некалькі лакальных канфліктаў паміж будаўнікамі і мясцовымі жыхарамі.
03.07.2013 Віктар Малочка судзіцца з Салігорскім тэлеканалам
Сябра Аб'яднанай грамадзянскай партыі Віктар Малочка накіраваў іскавую заяву ў суд на Салігорскі тэлеканал. Рашэнне судзіцца з мясцовымі тэлевізіёншычкамі актывіст прыняў з-за адмовы апошніх паставіць у эфіры у сакавіку 2013 году віншаванні з 95-годдзем Беларускай Народнай Рэспублікі ды адказамі на свае звароты на рускай мове.
02.07.2013 Бярозаўскія і івацэвіцкія прадпрымальнікі падтрымалі працяг страйку
Бярозаўскія прадпрымальнікі паведамілі, што накіроўвалі двух прадстаўнікоў у райвыканкам, якія сустракаліся з намеснікам старшыні райвыканкама па эканоміцы Данутай Гардзейчык. Яна таксама пагадзілася, што рашэнне па тэхрэгламенту для дробных прадпрымальнікаў памылковае.
02.07.2013 Баранавічы: прадпрымальнікі страйкуюць, супрацоўнікі міліцыі спрабавалі затрымаць Мікалая Чарнавуса
Калі Мікалай Чарнавус 2 ліпеня зайшоў на Цэнтральны рынак і стаў размаўляць з тымі прадпрымальнікамі, якія сёння працуюць, то да яго адразу падбеглі некалькі міліцыянераў. Імі камандаваў вядомы сваім удзелам у разгоне апазіцыйных акцыяў маёр міліцыі Павел Кульгавік.
02.07.2013 Рэчыца: прадпрымальнікі плануюць накіраваць пратэст у парламент
Рэчыцкія прадпрымальнікі вырашылі накіраваць пратэст у беларускі парламент у сувязі з тэхрэгламентам Мытнага саюза. Раніцай 2 ліпеня ІП Рэчыцы планавалі правесці бестэрміновы страйк: прыйсці на працу, але не адчыняць свае гандлёвыя кропкі.
02.07.2013 Барысаў: супрацьстаянне паміж уладамі і жыхарамі
З лютага гэтага года цягнецца супрацьстаянне паміж Барысаўскім райвыканкамам і жыхарамі былога ваеннага гарадка, цяпер гарадскога мікрараёна Печы. Тут без грамадскага абмеркавання высеклі дрэвы пад будаўніцтва крамы і піцэрыі.
01.07.2013 Брэст: грамадскасць хоча ведаць, як дэпутаты вядуць прыём выбаршчыкаў
Усім 40 дэпутатам Брэсцкага гарадскога Савету накіраваны зварот, у якім выказваецца просьба паведаміць, якім чынам народныя абраннікі ажыццяўляюць прыём грамадзян.
01.07.2013 Баранавіцкія прадпрымальнікі прынялі рашэнне 1 ліпеня спыніць працу і аплату падаткаў
Сёння баранавіцкія прадпрымальнікі трох гарадскіх кірмашоў, якія гандлююць лёгкапрамысловымі таварамі, сабраліся каля будынка гарадской падатковай інспекцыі. На гэтым стыхійным сходзе яны прынялі рашэнне спыніць працу і аплату падаткаў, пратэстуючы такім чынам супраць новых правілаў гандлю ў рамках Мытнага саюзу.
01.07.2013 Баранавічы: афіцыйная газета праз суд адкажа за запрашэнне на Мілавідскі фэст
Грамадскі актывіст Віктар Сырыца падаў на афіцыйную газету “Наш край” зыск у суд Баранавіцкага раёна і г. Баранавічы у сувязі з публікацыяй 30 траўня 2013 года аб’явы з запрашэннем на Мілавідскі фэст, у арганізацыі якога ён пазней быў абвінавачаны РАУС.
30.06.2013 Смалявічы: абвешчаны грамадскія слуханні па Кітайска-беларускім тэхнапарку
Усім зацікаўленым асобам на працягу пятнаццаці дзён - з 9 да 23 ліпеня гэтага года - прапануецца накіроўваць пісьмовыя заўвагі «у тым ліку аб найбольш рацыянальных спосабах рэалізацыі праекта».
27.06.2013 Прадпрымальнікі Бярозы, Баранавічаў, Івацэвічаў падтрымалі агульнарэспубліканскі страйк (фота)
Калі ў Баранавічах прадпрымальнікі выйшлі на рынак для абмеркавання сітуацыі і выпрацоўкі плана далейшага дзеяння, то ў Бярозе і Івацэвічах проста не выйшлі. У Бярозе толькі 2 жанчыны вырашылі працаваць, якія не вераць, што забастоўка прынясе станоўчыя вынікі.
27.06.2013 Страйк прадпрымальнікаў у Салігорску (фота)
З пратэстуючымі прадпрымальнікамі сустрэлася дырэктарка рынку Лідзія Жукавец, якая імкнулася ўсяляк перашкодзіць працы незалежных журналістаў ды фатографаў. Аркамя таго, на рынку былі заўважаны супрацоўнікі невядомых спецслужбаў у цывільным, якія пільна сачылі за развіццём сітуацыі.
27.06.2013 Барысаў: дзевяноста працэнтаў ІП падтрымалі агульнанацыянальны страйк
Напярэдадні страйку, 26 чэрвеня, дэлегацыя прадпрымальнікаў, якія гандлююць адзеннем і абуткам і выплачваюць адзіны падатак, сустрэліся з намеснікам старшыні Барысаўскага райвыканкама Дзмітрыем Голубевым. Чыноўніку былі перададзеныя прапановы па зніжэнні напружанасці ў прадпрымальніцкім асяроддзі.
27.06.2013 Бабруйск: Страйк пад наглядам міліцыі і “таямнічага аператара” (фота)
У Бабруйску да аднадзённага агульнанацыянальнага страйку далучылася большасць прадпрымальнікаў цэнтральнага рынка. Пераважная колькасць кропак, якія гандлююць адзеннем і абуткам, сустрэла пакупнікоў голымі прылаўкамі.
27.06.2013 Салігорск: Акцыя за захаванне спрыяльнага экалагічнага асяродку (фота)
Плакаты з інфармацыяй аб карысці зялёных насаджэнняў з’явіліся гэтымі днямі каля элітнага жыллёвага комплексу “Зялёная выспа”, пад забудову якога цягам апошніх год стала высякаецца катэгарыйны лесапарк.
