26.02.2008 Пагроза Навумава завесьці 50 крымінальных справаў адносна ўдзельнікаў акцыяў амаль спраўдзілася.

Грамадзкіх актывістаў выклікаюць на допыт па крымінальнай справе за ўдзел у прадпрымальніцкай акцыі

22.02.2008 Баранавіцкія ўлады не дазволілі прадпрымальнікам правесці сход

Баранавіцкім індывідуальным прадпрымальнікам гарадскія ўлады адмовілі ў правядзенні агульнага сходу з прадстаўнікамі ўлады. Ён быў запланаваны на 28 лютага.

19.02.2008 15 сутак арышту актывісту-прадпрымальніку

Актывіста руху "За свабоднае развіцьцё прадпрымальніцтва" Віктара Крываля, якога абвінавачваюць у распаўсюдзе ўлётак антыдзяржаўнага зместу, Уздзенскі суд прызнаў вінаватым і пакараў 15-цю суткамі арышту. Суддзя В. Вердыж палічыла, што улёткі, якія былі знойдзены ў актывіста зьмяшчалі заклікі да правядзеньня несанкцыянаванага мітынгу

19.02.2008 У Баранавічах аштрафавалі прадпрымальніка Мікалая Чарнавуса

На 1 мільён рублёў аштрафаваны баранавіцкі прадпрымальнік Мікалай Чарнавус. Яго пакаралі за ўдзел у несанкцыянаваным мітынгу, які адбыўся ў райцэнтры 11 лютага.

Нагадаем, Чарнавуса мусілі асудзіць яшчэ ўчора, але суду не хапіла сведак: іх не было ні з боку міліцыі, ні з боку ідэалагічнага аддзела гарвыканкама. Менавіта “ідэолагам” баранавіцкія прадпрымальнікі прынеслі за два тыдні да акцыі ліст з просьбай дазволіць мітынг.

Гарвыканкам мітынг забараніў, але прадпрымальнікі ўсё ж выйшлі на вуліцу.

19.02.2008 Прадпрымальніка Віктара Крываля будуць судзіць сёньня.

Актывіста руху "За свабоднае развіцьцё прадпрымальніцтва" Віктара Крываля, якога абвінавачваюць у распаўсюдзе ўлётак антыдзяржаўнага зместу, будуць судзіць сёньня. Нагадаем, што Віктар Крываль быў затрыманы ў Уздзе 17 лютага вечарам і дастаўлены ў мясцовы РАУС. На другі дзень быў павінен адбыцца суд, але прадпрымальнік запатрабаваў весьці судовае паседжаньне па-беларуску.

18.02.2008 Аляксандра Мілінкевіча адпусцілі

Лідэр Руху “За Свабоду” Аляксандр Мілінкевіч разам з паплечнікамі Аляксеем Кавальцом і Алесем Лагвінцом вызваленыя з ГУУС Мінгарвыканкама.

18.02.2008 Пінск: суд выкрыў памылкі міліцыянтаў

“Пастанова судзьдзі Лешчанкі займае дзьве старонкі тэксту. Ён выкрыў шматлікія памылкі пратаколу, які 10 лютага склаў маёр пінскай міліцыі Аляксандар Сыраежка”, — паведаміў “Свабодзе” Аляксандар Васільеў.

15.02.2008 Заяўнікаў мітынгу ў Баранавічах выклікаюць у суд 18 лютага

Заяўнікаў мітынгу ў Баранавічах — прадпрымальнікаў Мікалая Чарнавуса, Алега Пашко, Андрэя Макарава і Анатоля Радзькова — выклікалі позвамі ў суд. Як гаворыцца ў позьве, “у якасьці прыцягнутых па адміністрацыйным парушэньні”. Яшчэ аднаго заяўніка, Андрэя Кушніра, шукае міліцыя.

14.02.2008 Салігорск: А. Цацуру пазбавілі правоў

12 лютага лідэр салігорскіх прадпрымальнікаў Аляксандар Цацура выйшаў на свабоду пасьля адбыцьця 15-суткавага арышту за збор подпісаў пад зваротам да мясцовай улады з заклікам паспрыяць адмене прэзыдэнцкага ўказу № 760. На наступны дзень ён быў выкліканы ў cалігорскую дзяржаўтаінспекцыю. Міліцыянты прад’явілі яму афіцыйную пастанову аб пазбаўленьні вадзіцельскіх правоў на два гады. Таксама спадар Цацура мусіць сплаціць штраф - 350 тысяч рублёў.

13.02.2008 У рэгіёнах працягваецца перасьлед прадпрымальнікаў

Працягваецца перасьлед прадпрымальнікаў, якія прымалі ўдзел у акцыях пратэсту супраць Дэкрэта Прэзідэнта №760

12.02.2008 На Баранавіцкім мясакамбінаце — пратэсты

На Баранавіцкім мясакамбінаце прайшоў стыхійны мітынг супраць закрыцьця цэхаў і масавага звальненьня людзей.

12.02.2008 Таццяну Садоўскую ўзнавілі на працы

Чашніцкі раённы суд узнавіў на працы актывістку “Руху “За Свабоду” юрыста ЖКГ “Камунальнік” г.Навалукомля Таццяну Садоўскую.

12.02.2008 Прадпрымальніка М.Чарнавуса выклікаюць у міліцыю

Актывіста прадпрымальніцкага руху з Баранавічаў Мікалая Чарнавуса выклікаюць у міліцыю.

11.02.2008 Прадпрымальнікі ў Баранавічах адбілі ў міліцыі затрыманых апазіцыянераў

Прадпрымальнікі, якія выйшлі сёння на мітынг у Баранавічах, запатрабавалі ад міліцыі вызваліць затрыманых напярэдадні акцыі актывістаў “Маладога фронту” Яраслава Грышчэню і Вадзіма Бегеню. Калі хлопцаў адпусцілі, камерсанты разышліся.

11.02.2008 Суд над прадпрымальнікам Віктарам Крывалём перанесены на 27 лютага

Сёньня ў Менскім раённым судзе пачаўся разгляд адміністратыўнай справу актывіста прадпрымальніцкага руху Віктара Крываля з Узды, які быў затрыманы 10 студзеня па дарозе ў Менск. Супрацоўнікі праваахоўных органаў вінавацяць актывіста ў непадпарадкаваньні патрабаваньням міліцыянтаў. Віктар Крываль на пачатку судовага працэсу запатрабаваў, каб разгляд вёўся на беларускай мове. Судзьдзя Сяргей Афонскі перанёс судовае паседжаньне на 27 лютага.