Навіны на тэму: 60 год прыняцця Дэкларацыі правоў чалавека
11.12.2008 Падведзеныя вынікі фотаконкурсу Беларускага ДПЧ
10 снежня былі падведзеныя вынікі конкурсу на найлепшую фатаграфію, якая ілюструе ажыццяўленне якога заўгодна права ці свабоды чалавека ў Беларусі. Конкурс быў арганізаваны Беларускім Домам правоў чалавека і прысвечаны 60-годдзю з дня прыняцця Усеагульнай дэкларацыі правоў чалавека.
11.12.2008 Акцыі праваабаронцаў выклікалі ў жодзінцаў выключна станоўчыя эмоцыі
10 сьнежна 2008 года ў Жодзіне былі праведзены сьвяточныя акцыі ў гонар 60 годзьдзя Усеагульнай дэкалярацыі правоў чалавека. Праваабронцы й актывісты грамадзкай супольнасьці распаўсюджвалі на вуліцах горада, ва ўстановах - у пракуратуры, гарвыканкаме, моладзевым цэнтры, некаторых сярэдніх школах, ля прахадной ПА “БелАЗу” - інфаматэрыялы, а таксама перадалі ў рукі адміністрацыяў і кіраўніцтва афіцыйных установаў каляровыя плякаты з апісаньнем кожнага артыкулу Дэклярацыі. Акцыі выклікалі выключна станоўчыя эмоцыі, асабліва ў рабочага люду, моладзі й дзяцей.
11.12.2008 Жыхары Аршаншчыны радаваліся юбілейным асобнікам Дэкларацыі
10 снежня аршанскія праваабаронцы нагадалі мясцовым уладам пра юбілейны год Усеагульнай дэкларацыі правоў чалавека. У гэты дзень супрацоўнікі раённага і гарадскога выканкамаў, адміністрацый мясцовых прадпрыемстваў атрымалі плакаты з тэкстам гэтага знакавага дакумента. Па словах арганізатара акцыі Васіля Леўчанкава, яе ўдзельнікі нават не чакалі такога пазітыўнага стаўлення да сваёй справы.
11.12.2008 У Баранавічах акцыя праваабаронцаў – у моладзевым асяродку
Мясцовыя праваабаронцы С.Гоўша, К.Пятровіч, В.Сырыца і В.Болбат 10 снежня выйшлі ў горад, каб павіншаваць грамадзянаў з юбілеем Усеагульнай дэкларацыі правоў чалавека. Удзельнікі акцыі вырашылі ў гэты дзень звярнуцца менавіта да студэнцкай моладзі.
11.12.2008 10 снежня жыхарам Беларусі было раздадзена больш за 10 тысяч асобнікаў Усеагульнай дэкларацыі правоў чалавека
Нягледзячы на шматлікія затрыманьні 10 снежня па ўсёй Беларусі, праваабаронцы і моладзь у многіх гарадах змаглі правесці акцыі і прэзентаваць грамадзянам дзесяткі тысяч асобнікаў Дэкларацыі і ўлётак. Нават у Менску, пасьля затрымання часткі удзельнікаў акцыі ўдалося перадаць менчукам некалькі тысяч Дэкларацый.
11.12.2008 Алесь Бяляцкі: «У краіне, якая падпісала Дэкларацыю правоў чалавека, забараняюць яе раздаваць»
Віцэ-прэзідэнт Міжнароднай федэрацыі правоў чалавека каментуе арышты ў Менску ў 60-угодкі прыняцця Дэкларацыі правоў чалавека.
10.12.2008 Дзень правоў чалавека: хроніка святкавання (аднаўляецца пастаянна)
16.00 Адвакат Павел Сапелка з’явіўся ў Цэнтральны РАУС, каб прадстаўляць інтарэсы затрыманых Алеся Бяляцкага і Ірыны Тоўсцік. Адваката не пусцілі нават зайсці ў будынак. Са скаргай на дзеянні супрацоўнікаў Цэнтральнага РАУС ён накіраваўся ў пракуратуру Цэнтральнага раёну. Затрыманых пачалі адпускаць. Першымі вызвалілі Алеся Бяляцкага і Уладзімера Лабковіча. Супрацоўнікі міліцыі перапісваюць іх пашпартныя дадзеныя і даглядаюць уласныя рэчы.
10.12.2008 Каля 30 ўдзельнікаў акцый было затрымана 10 снежня ў Беларусі
Святкаваньне 60-годдзя прыняцця Усеагульнай дэкларацыі правоў чалавека ў Беларусі завяршылася масавымі затрыманьнямі, а часам і грубымі затрыманьнямі. У Гародні ранкам былі затрыманыя 4 удзельнікі акцыі: Віктар Сазонаў, Уладзімір Хільмановіч, Ян Роман, Алег Калінкоў. У Магілёве затрыманыя юрысты Аляксандр Каралёў і Аляксандр Падалян, у Берасці адвезьлі ў РАУС маладафронтаўцаў Андрэя Шарэнду і Юрася Бакура, у Кобрыне – Станіслава Кучынскага і актывіста “Маладога фронту”, прозвішча якога высвятляецца.
10.12.2008 Праваабарончая супольнасць абмеркавала свае праблемы і планы за круглым сталом
Сёння, у Дзень правоў чалавека, “Праваабарончы альянс” начале з Людмілай Гразновай правёў круглы стол па тэме “Стан з правамі чалавека ў Беларусі” і ўручыў прэміі за паспяховую працу ў галіне правоў чалавека. Узнагароды ад арганізацыі атрымалі праваабаронца Барыс Звозкаў, адвакатка Тамара Сідарэнка і журналіст Сямён Печанко.
10.12.2008 Затрыманьне ў Магілёве
Сяржанты міліцыі Палкку патрульна паставой службы Мечыкін Павал Пятровіч ды Ільвоў Аляксандар Аляксандравіч вядуць затрыманых за распаўсюд Дэклярацыі правоў чалавека Аляксандра Каралёва ды Аляксандра Падаляна у апорны пункт міліцыі па зав. Пажарным у г. Магілёве.
10.12.2008 Сёння – 60 гадоў Усеагульнай дэкларацыі правоў чалавека
Сёння ўсё чалавецтва адзначае шасцідзесятыя ўгодкі прыняцця Усеагульнай дэкларацыі правоў чалавека.
09.12.2008 Мазырскіх чыноўнікаў павіншавалі з юбілеем Усеагульнай дэкларацыі
Павал Наздра, каардынатар БХД па Гомельскай воблацсі, павіншаваў з 60-годзьдзем прыняцьця Усеагульнай дэкларацыі правоў чалавека Мазырскіх чыноўнікаў, сярод якіх начальнік міліцыі Гвозьдзь Сяргей Аляксандравіч, начальнік Мазырскага ГРАУС Дудров Аляксей Мікалаевіч, пракурор Мазырскага раёна Сушынскі В.В. і старшыня Мазырскага райвыканкама Ліс Анатоль Уладзіміравіч.
09.12.2008 Затрыманьні напярэдадні юбілею Усеагульнай дэкларацыі правоў чалавека
У Берасці на адным з міні-рынкаў сёньня былі затрыманыя супрацоўнікамі міліцыі актывісты масцовых незалежных прафсаюзаў Валянцін Лазарэнка (Незалежны прафсаюз) і Зінаіда Міхнюк (РЭП). Яны раздавалі мінакам віншаваньні-запрашэньні на мітынг 10 сьнежня, які быў дазволены гарадскімі уладамі.
09.12.2008 Разам адзначым юбілей Усеагульнай дэкларацыі правоў чалавека!
10 снежня ўсё чалавецтва адзначае знамянальную дату - 60-ыя ўгодкі прыняцця Усеагульнай дэкларацыі правоў чалавека, якую ратыфікавала і Рэспубліка Беларусь. У гэты дзень беларускія праваабаронцы, дэмакратычнае грамадства і проста людзі добрай волі нагадаюць грамадзянам Беларусі і ўраду пра тыя агульначалавечыя каштоўнасьці, правы і свабоды, якія знайшлі сваё ўвасабленьне ў гэтым знакавым дакуменце.
09.12.2008 Улады Віцебску не жадаюць нагадаць гараджанам пра правы чалавека
Віцебскі праваабаронца, сябра БХК Павел Левінаў звярнуўся ў мясцовы гарвыканкам з прапановай падчас юбілейнай дэкады Усеагульнай дэкларацыі правоў чалавека зрабіць усё магчымае для распаўсюджвання, абвяшчэння і растлумачэння гэтага дакумента. Гарадскія ўлады фактычна праігнаравалі прапанову праваабаронцы, спаслаўшыся на планавае мерапрыемства.
