Навіны на тэму: студэнты
29.07.2008 Разьмеркаваньне можа стаць яшчэ больш падобным на «прыгоннае права»
Пад час нядаўняй нарады ў Камянецкім раёне Лукашэнка прызнаў фактычна, што сыстэма прымусовага разьмеркаваньне не дае жаданых вынікаў. Нават выпускнікі сельскагаспадарчых ВНУ пасьля заканчэньня абавязковых двух год часта зьмяняюць месца працы. Аднак, замест таго, каб прыцягваць маладых спэцыялістаў у малапрыцягальныя месцы праз паляпшэньне ўмоваў працы, у Беларусі верагодна яшчэ больш жорсткай стане сыстэма прымусовага разьмеркаваньня выпускнікоў ВНУ. Са словаў Лукашэнкі вынікае, што зьмены закрануць выпускнікоў сельскагаспадарчых і мэдыцынскіх ВНУ.
15.07.2008 “Хімічны сьлед” выбуху?
Як паведамлялі ў 2007 годзе сродкі масавай інфармацыі, у Менску па вуліцы Магілёўскай, на кватэры ў 21-гадовага студэнта трэцяга курсу 31 мая ў 17-35 адбыўся выбух, у выніку якога пацярпеў студэнт: шматлікія асколкавыя раненьні абодвух кісцяў, правай стапы, бядра, траўматычны шок і пераломы. У прыватнасьці, са спасылкай на ГУУС Менгарвыканкама пра гэта паведамілі БелаПАН, сайт “Нашай нівы” і некаторыя іншыя СМІ ( напрыклад bntu.info).
15.07.2008 Алеся Краўчэню выключылі з БарДУ
14 ліпеня Алесь Краўчэня забраў дакументы з Баранавіцкага дзяржаўнага ўніверсітэту. Тыдзень таму быў падпісаны загад аб адлічэнні студэнта 4 курса інжынернага факультэта.
10.07.2008 БДУ “ачышчаецца” ад выдатнікаў
Актывіст Маладога Фронту Алесь Круткін, студэнт 1-га курсу гістарычнага факультэта БДУ, па вяртаньні з-за мяжы даведаўся, што ён выключаны з унівэрсітэта.
07.07.2008 Арцёма Ластавецкага выключаюць з універсітэту
Моладзеваму актывісту Арцёму Ластавецкаму паведамілі пра ягонае выключэньне з другога курсу Беларускага універсітэта інфарматыкі і радыёэлектронікі
02.07.2008 Мазырскую актывістку выключаюць з унівэрсытэту
Актывістка моладзевага дэмакратычнага руху Кацярына Манчук лічыць, што прычынамі яе выключэньня з Мазырскага дзяржаўнага ўнівэрсытэту стала палітычная дзейнасьць. Раней дзяўчыну выклікалі на размовы ў дэканат і прасілі спыніць грамадзкую актыўнасьць. Адміністрацыя ўнівэрсытэту катэгарычна настойвае, што дзяўчына пацярпела, бо кепска падрыхтавалася да сэсіі.
30.06.2008 Студэнты-каліноўцы патрапілі ў сьпіс невыязных
Беларускіх хлопцаў, якія вучацца ў замежных унівэрсытэтах, здымаюць на мяжы і паведамляюць, што ім забаронены выезд за межы Беларусі. Прозьвішчы студэнтаў унесеныя ў так званыя “чорныя сьпісы”. Ваенкаматы такім чынам спрабуюць забраць няўгодных апазыцыянэраў у войска. Моладзевага актывіста партыі БНФ Франака Вячорку памежнікі не прапусьцілі празь беларуска-літоўскую мяжу. Гэта здарылася на памежным пераходзе Каменны Лог. Франаку не назвалі прычыну забароны выезду з тэрыторыі Беларусі.
27.06.2008 Франака Вячорку суд не аднавіў
Суд Маскоўскага раёну адмовіў Франаку Вячорку ў аднаўленьні на вучобе на трэцім курсе факультэта журналістыкі БДУ.
25.06.2008 КДБ працягвае запалохваць студэнтаў
Актывіст моладзевага дэмакратычнага руху Алесь Галавач паведаміў “Свабодзе”, што супрацоўнік КДБ патрабаваў ад яго інфармацыю ў кабінэце дэканату. За адмову ён пагражаў студэнту адлічэньнем зь Беларускага ўнівэрсытэту культуры.
24.06.2008 Ганна Антонава пацярпела за свае хрысьціянскія перакананьні
Хрысціянскую дэмакратку Ганну Антонаву адлічылі з БДПУ ім. Максіма Танка, 1 курса факультэта беларускай філалогіі і культуры, за тое, што студэнтка ад свайго імя напісала заяву на правядзенне пікету ў падтрымку палітзьняволенага А.Казуліна. Адказ чамусьці прыйшоў не ёй, а намесніцы дэкана Ганчаровай-Цынкевіч Таццяне Уладзіміраўне.
20.06.2008 Спецслужбы актывізуюць дзеяньні па вярбоўцы студэнтаў
2008 год для студэнта Полацкага дзяржаўнага ўніверсітэта Дзяніса Лясуна пачаўся не зусім звычайна. 21 студзеня, пад час заняткаў, яго выклікалі ў дэканат для размовы з … супрацоўнікам КДБ. Аператыўнік шляхам пагроз і запалохваньня спрабаваў прымусіць студэнта-актывіста паведаміць інфармацыю пра ягоныя паездкі за мяжу, схіліць да супрацы. Сустрэўшы рашучую і катэгарычную адмову ён сыйшоў ні з чым. Аднак, хутчэй за ўсё, інфармацыя пра дзейнасьць і адукацыйныя паездкі студэнта, збіралася гэтым ведамствам увесь наступны час.
16.06.2008 26 чэрвеня Стражаў адкажа Вячорку-малодшаму
26 чэрвеня а 16-й у судзе Маскоўскага раёну пачнецца разгляд судовай скаргі, пададзенай старшынём культурніцкай камісіі Партыі БНФ Франакам Вячоркам на Беларускі дзяржаўны ўнівэрсітэт.
12.05.2008 Выезд для моладзі за мяжу забаронены
Супрацоўнікі КДБ працягваюць ціснуць на актывістаў моладзі БНФ з прычыны міжнародных адукацыйных паездак.
08.05.2008 Студэнта ЕГУ Алега Грубіча не выпускаюць за мяжу
Студэнт 1 курсу факультэту Гісторыі Беларусі і культурнай антрапалогіі Еўрапейскага Гуманітарнага Універсітэту Алег Гурбіч прыехаў з Вільні ў Менск на сьвяты, аднак выехаць назад ня здолеў. Памежнікі зьнялі яго з цягніка без тлумачэньня прычынаў і 5 гадзінаў прымусілі чакаць, пасьля чаго адправілі ў Менск для далейшага высьвятленьня абставінаў.
25.04.2008 Прымусовае разьмеркаваньне для ідэалагічна ненадзейных
25 красавіка на факультэце журналістыкі БДУ адбылося камісіі па разьмеркаваньні выпускнікоў пад кіраўніцтвам міністра інфармацыі Ўладзімера Русакевіча. Студэнтку 5-га курса і прэс-сакратара Партыі БНФ Кацярыну Маркоўскую разьмеркавалі ў крычаўскую газэту "Ленінскі кліч" на працу загадчыкам аддзела сельскай гаспадаркі.
